Рет қаралды 6,241
Ողջ գիշեր ծաղկամորը հսկող աղջիկները հոգնում են ու քնում։ Առավոտյան արթնանալուն պես տեսնում են վիճակը գողացել են։
Վիճակ գողացող տղաները իրենցից գոհ բերում են վիճակը ու հեգնում անփույթ աղջիկներին։ Սկսվում է տղաների և աղջիկների բանակցումը վիճակի շուրջը ։ Աղջիկները անփույթ լինելով հանդերձ կարողանում են համոզել տղաներին և ետ վերցնել վիճակը, քանի որ հետաքրքիրը դեռ առջևում է։
Վիճակ դրինք վըր փըլին,
Փստաց ընավ մեջ տղին,
Մեջքակոտոր աղջիկներ
Գողցանք տարան վիճակներ։
Վիճակ ըկել ի գերի,
Ազաբ լաճերանց ձեռնի,
Տուն էրկու ձու կժողվեմ,
Գերությունից կազատեմ։
Ծաղիկ ունեմ ալայա,
Մեջը լիքը լալայա,
Յար բռնելը լավ բան ա,
Բաց թողել բալա յա։
Կանաչ կենան աղջիկներ,
Ազատեցին վիճակներ,
Մեջքակոտոր տղաներ,
Չեկան տարան վիճակներ։
Չոլից բերեմ ծիրանը,
Քոլից պիրեմ գերանը,
Լավ գյուլում ասող աղջիկ,
Անուշ կենա բերանդ։
Իմ ծաղիկը քաղածա,
Բարձր տեղում պահածա,
Ով իմ ծաղիկին ձեռ տա,
Արունաթախ գետին գա։
Ես պըճրիկ աղջիկ եմ,
Յոթ աղբրկա ջրիկ եմ,
Յոթը ծառի ճղիկ եմ,
Յոթը ծաղկի թերթիկ եմ,
-Ես վիճկուկն եմ վիճկուկն եմ։