“Mori mandatin nga kriminelët”, Bumçi: Bashkë me Çyrbjan në burg duhet të jetë dhe Rama

#oranews #intervista #lilisaraci #aldobumci #ilirmeta #jurgyscyrbja #edirama
Bisedat në “Sky Eç” kanë tradhtuar deputetin socialist Jurgis Çyrbja. SPAK e akuzon se si deputet arrinte të merrte informacion për kontrollet për arrestimin e Altin Hajrit dhe më tej e informonte edhe personalisht.
Në këmbim të kësaj i shumëkërkuari për vepra të rënda kriminale e ndihmoi për të marrë vota në qarkun e Durrësit.
Nisur nga kjo dosje, anëtari i Kryeisë së Partisë Demokratike, Aldo Bumçi në një intervistë për “Ora News” deklaroi se personi që duhet arrestuar është vetë Edi Rama.
“Edi Rama e ka bërë listën e Durrësit dhe ai e drejtoi fushatën e zgjedhjeve në Durrës dhe si i tillë ai duhet të shkojë në burg.
Por ky është një regjim i ngjashëm si ai i Lukashenkos.
Zgjidhja është tani, dhe Rama duhet larguar një orë e më parë.
Zgjidhja ka nisur, mosbindja civile ka nisur dhe ajo protestë e tregoi se ishim të gatshëm, ishim ne që kishim kontrollin e kryeqytetit. Ndaj duhet të bëhemi të gjithë bashkë ta largojmë këtë kalbësirë që ka shkatërruar vendin.
Në datën 29 do të ketë protestë sërish, do të ketë bllokime rrugësh dhe paralizë të këtij vendi deri sa të largojmë Edi ramin.
Nuk ka shpëtim nga jashtë, dpo jemi ne që do ta largojmë këtë kancer që ka sëmurë këtë vend.
Nuk mund të presim nga të huajt të vijnë këtu. Nuk mund të presim nga një drejtësi që arreston kryetarin e opozitës pa asnjë lloj prove. Trumpi ka 120 akuza mbi shpinë, por po bën fushatë çdo ditë.
Po ashtu edhe Berluskoni ka qenë i akuzuar, por askush nuk e arrestoi në kohë zgjedhjesh. Dhe kjo që po ndodh është ndërhyrje direkte në vullnetin e zgjedhësve”, u shpreh ndër të tjera Aldo Bumçi.
Për më shumë lexoni në: www.oranews.tv...
Follow Televizionin Ora News
Website: www.oranews.tv
KZbin bit.ly/2DDddtL
Facebook: bit.ly/2RkUN4s
Instagram / oranewstv
Twitter / oranewsrtv