Arzirmikin dunyo tashvishi?

OTA UYIM!
Qaldirg‘ochlar inini qurgan,
Uyimizning ayvonlariga.
Arzirmikan dunyo tashvishi,
Onam ekkan rayhonlariga.
Bo‘yoqlari ko‘chgan darvoza,
Ota hovlim tafti boshqacha.
Borsam o‘pib ketadi onam,
Ko‘zlarimdan oqqan yoshgacha.
Sevinchidan yelib, yugurib,
Qumg‘onlarda qaynatadi choy.
Dasturxonlar tuzab men uchun,
Supalarga qilishadi joy.
Mevasidan shirin danagi,
Nabirasin holini so‘rar.
Toychoq o‘g‘lim ot qilib minsa,
Eh bolama, bolam deb kular.
Sabzi to‘g‘rar otam maydalab,
Osh qilishga ketadi unnab.
O‘zim qilay oshni desam der,
Ne qilasan joningni qiynab.
O‘zi bolam bugun keldingku,
Mehmonsan sal damingni olgin,
Sovuqlarda yurgansan bolam,
Mana novvot choyingga solgin.
Eh onamni so‘zlarin tinglab,
Ko‘zlarimdan chiqib ketar yosh.
Tomog‘imga tiqilar jonim,
Tik qarashga yetmaydi bardosh.
Hovlimizni tutib ketadi,
Chakki emas otamni didi.
Dimog‘imni qitiqlar meni,
Oshga solgan behini hidi.
Tarvuz-qovun yeymiz kamiga,
Otam qilgan oshni yeb bo‘lib.
Shu hovlida o‘tgan bolalik,
Yoshligimni eslaymiz kulib.
Ko‘z oldimda turar jilvakor,
Etigini bo‘yoq pastasi.
Qo‘llarida qadoq izidan,
Yaltiragan ketmon dastasi.
Alishmasdim dunyo boyligin,
Yarmi ochiq qolgan eshikka.
Onajonim barmoq izlari,
Tushgan o‘sha yog‘och beshikka.
Farzandlari yo‘qlab kelishsa,
Nursiz ko‘zlar nurga to‘larkan.
Yana kelgin jonim bolam deb,
Ota-ona mezbon bo‘larkan.
Bu hayotni to‘lmaydi kami,
Dardlar sig‘mas she’riy bitikka,
Arzirmikan dunyoni g‘ami,
Otam kiygan bir juft etikka.
🎙Shahina Bahodirova
✍️....

[@user-mb5gz1nt6o]

Онаси борлар кандай бахтлисиз. Онангизни борида кадрига етинг. Онажонимни охиратлари обод булсин.

[@SaydulloZayniev]

Гап ёк шерга

[@ХурсандМаткаримов-д3ъ]

❤❤❤❤

[@saida7310]

Ота уйимни болалигимни жуда жуда согндм😢

[@НозигулМирзаева]

😢❤😢❤😢❤😢❤😢❤

[@РустамНуриев-ъ9р]

ЧОХ Чройли созлер

[@ZeboEgamova-vs6nc]

Ажойиб Шер ❤

[@НозигулМирзаева]

❤❤❤❤❤🎉🎉🎉

[@Youk_Hayul]

😢😢😢