Рет қаралды 205,923
Атырау облысында із -түзсіз жоғалып кеткен шаруа қожалығының иесі Нұралы Нұртілеуовтің денесі бүгін сегізінші күн дегенде айдаладағы құдықтан табылды. Жергілікті тұрғындар бұл қайғылы оқиғаны Жылыой ауданындағы мүлде ашылмай жатқан мал ұрлығымен тікелей байланыстырады. Әбден шыдамы таусылып, ашынған жұрт сол себепті қолдарына плакат ұстап, әділдікті талап етіп алаңға шықты. Қылмыстың кімдердің қолымен жасалғанын білеміз деген олар жергілікті құзырлы органдардың әрекетінен түңілген. Жылдар бойы қандықол ұрылардан жапа шегіп, үреймен өмір сүріп жатырмыз деген олар бұған жоғары биліктің араласуын сұрайды.