نقص الزيت في محركات بيجو - بحث كامل مع الملاك وادارة الشركة

[@autozonemagazine7025]

لمنع الفهم الخاطئ يا شباب نسبة استهلاك الزيت في بيجو = ربع لتر زيت كل 1000 كم قيادة عنيفة / رياضية = يعني كل 1000 كم انت لازق رجلك على دواسة الوقود كانك في حلبة سباق ...او كانك مسافر طول طريق السفر لازق رجلك على دواسة الوقود وجايب اخر العربية ....يعني انت مش هتعرف تمشي لازق رجلك 1000 كم في كل صيانة 10 الاف كم ....يعني نقص استهلاك الزيت لو المحرك سليم مش هيبقى محسوس .... ولكن لو انت سواقتك عنيفة ...ومشيت على الزيت 2000 و 3000 و 4000 كم زيادة عن الـ 10 الاف كم بتوع الصيانة ...أكيد هتحس بنقص للزيت الخلاصة ...مشاكل الزيت في بيجو = مشاكل في المحرك "عيوب صناعة او صيانة " مش العادي انك تمشي بجركن زيت ! تحياتي للجميع

[@wildcorner1]

عمار ، انا مالك 508 من 2013 ومن غير سواقه رياضيه بتنقص زيت ووصلت كل الف كيلو تنقص لتر ، ومش انا لوحدي وصحابي كمان اللي معاهم العربيه حتي الموديل الاخير، الموتور فيه مشكله تصميميه وسيبك من كلام بيجو مش هيعترفوا بكدا طبعااااا ، حتي لما الموتور يتغير ، المشكله قائمه ، ومشاكل ال piston rings , valves seals , valves cover ماتحلتش ولازم يتغيروا كل فتره ب مبلغ وقدره ، انا غيرتهم مرتين ، يعني نص عمره مرتين كل 4 سنين .

[@autozonemagazine7025]

@@wildcorner1 والله يا اخي العزيز انا عارف …وقلت الكلام ده …والشركة قالت ان كان في عيب …علشان كدة الجود ويل لمحرك الاجيال السابقة ٧ سنين او ١٥٠ الف كم ….وانا مش مبسوط ولا بقول انوا كلام عادي علشان بس ميتفهمش كلامي غلط …تحياتي لك

[@wildcorner1]

@@autozonemagazine7025 تحياتي ليك ولمجهودك يا عمار ، بس انا فعلا صرفت كتير جدا علي الموضوع دا ، ومازال قائم ، ومش مصدق انهم عدلو فالموتور البرنس دا عشان دا محتاج استثمارات بمبالغ كبيره لتعديله ، حتي لو هيغير ماتيريال قواعد البلوف، او ماتيريال رينجات البساتم ، مش دا الحل . عموما سنتين وهيبان كلامهم صح ولا غلط لما الملاك يعدوا ال 100 الف كيلو . شكرا لمجهودك يا صديقي

[@ahmedkhadragy1]

معلومة عاوز اصححها، ال EGR ملوش دعوة بتبخير الزيت، ال PCV هو اللي بيدخل الزيت على غرفة الاحتراق

[@autozonemagazine7025]

@@ahmedkhadragy1 ده تصحيح هنزله في نسخة تانية من الفيديو

[@AhmedIbrahim-mu6jl]

مراجع سيارات محترف وعندك خبرة ممتاذ ربنا يوفقك

[@ahmedrabie7666]

انا كنت محتار بين البيجو 301 أو الفيات تيبو بس بعد الفديو دا هروح للتيبو بضمير مرتاح الحمد لله ❤️😄❤️

[@salmangabg7.d]

سمعت ان التيبو ينقص زيتها ٦٠٠ ملي كل ١٠ ألاف كيلو

[@ahbmx8165]

هل انواع الزيت اللي حضرتك قولت عليها دي بتستخدم علي اي موديل من بيجو وله فئه معينه من البيجو

[@alyelhag5563]

المشكلة في القيادة الرياضية للزبون.. لكن اللي بيركب ماركات تانية مش بيسوق برياضية... انت بتتبني وجهة نظر الشركة.باين من كلامك .بصراحة معجبنيش الكلام

[@autozonemagazine7025]

مهو مش كل العربيات بتاكل زيت 😃 الشركة بتتكلم في اسوء ظروف

[@yosseffarg5995]

منطقي إن مفيش شاب عايز سواقة عنيفة هيشتري DS7 مثلا

[@Healthy_Life_For_Ever]

شكرا الك فيديو تفصيلي ممتع جدا استفدت منه كتير

[@DPortal17]

أبدعت يا بش مهندس

[@peterezat3009]

لو حضرتك دخلت في أي جروب لملاك البيجو 3008 هتلاقي عدد ملاك اكبر بكتير من ٨ مشاكل ،، تقريبا معظم ملاك العربية عندهم نقص في الزيت. و اللي مكتشفش المشكلة هو اللي بيغير الزيت قبل ما يمشي 10000 كم بسبب أنه مبيتحركش بالعربية كتير.

[@autozonemagazine7025]

انا قلت انهم في حدود ال ١٤ 😀 قابلت منهم ٨ تقريبا

[@mousamohmdmousa]

لم اقتنع الصناعة الحديثة وتكنولوجيا السيارات لا تحتاج لمثل هذا التبرير لابد من تقديم ااشركة نفسها لتبرير مثل هذا العيب الخطير

[@عمرالمصري-ل4س]

ياهندسه انا معايا تويوتا في السعوديه حراره مقلشي اك اسافر مكه رايح جاي ١٠٠٠ كيلو واشيك على الزيت ماشاء الله مفيش نقص نهائي

[@salahcanon8422]

اجيب عربيه بأكتر من نص مليون جنيه علشان اقعد امشى وراها بجركن الزيت

[@PinoPino-rq5oq]

هي محركات التربو كده و مسموح بالحد الطبيعي و ده في كل العربيات

[@waliedcia5929]

@@PinoPino-rq5oq ليه الياباني ولا الكوري مش كده ولا الالماني . حضرتك ما تقولش كل العربيات كده . لان ده استخفاف بعقول الناس . الاخ معاه حق ازاى عربيه بنص مليون جنيه وتاكل زيت ده احنا بنقول العربيه جابت موتور امتى لما تستهلك زيت وعلشان تستهلك زيت تكون مشيت على الافل 300 الف كم . فما بالك انت بقى عربيه زيرو وبنص مليون او بربع مليون زي التيبو وجايبه زيت من اول يوم وحضرتك تيجي تقول ان كل العربيات كده وده طبيعي لا وكمان في مصلحة الموتور كمان ... مش للدرجه دي ياسادة . الناس واعيه وفاهممه .

[@حسامالدينمحمد-ر8س]

مفيش الكلام ده ولا هتمشى بجركن زيت ولا بتاع انا معايا من ٢٠١٩ والحمد لله عمري ما زودت زيت اطلاقا

[@peterezat3009]

@@حسامالدينمحمد-ر8س اكيد حضرتك مش بتتحرك كتير بالعربية، بتغير زيت قبل ما تكمل ال١٠ الاف كم فبالتالي مش لتظهر المشكلة

[@حسامالدينمحمد-ر8س]

@@peterezat3009 افضل شيئ للموتور تغيير الزيت قبل ميعاده ودى العربيه ال ١٣ ليا وطول عمري بغير الزيت على ٨ الاف او بالكتير ٩ الاف واكتر عربيه خفت منها القشقاي والكوجا رغم انى كنت بحب الكوجا جدا الا ان الفورد مشهوره بعيب فى الموتور رغم انه لم يحصل معاها التشهير اللى حصل للبيجو

[@emadsalah7200]

نفس الكلام بالنص اتقال عن الشكل القديم قبل ٢٠١٩ ونفس اداره خدمه مابعد البيع اللي قالوا لك الكلام ده كانوا في الوكيل السابق وقالوا الاجيال الجديده بلامشاكل ومفيش نقص زيت يؤدي الي تلف موتور تاني ومع ظهور نقص الزيت وتغيير المواتيير اللي للاسف في منه ١٠ حالات علي الفايس موثقه لناس اتكلمت وغيرهم كتير ناس ما اتكلمتش ده غير بقي اللي بيروح يزود كل الفين كم لحد مايطلع عينه ويتغير الموتور اتقال بقي ان النقص الجديد ده عيب صناعه فردي لكن النقص القديم عيب صناعه عام اتحداك تجيب اي تصريح رسمي لبيجو ان الجيل القديم فيه عيب صناعه اخيرا مفيش ضمان سبع سنوات للشكل القديم واتحداك يبعتوا لك حاله واحده غيرت موتور ضمان بعد انتهاء الخمس سنوات وطبعا توتال اينو مختلف وده بكلام الفرنسيين نفسهم واحب اقولك ان كريستيان شهاب نفسه طالع في اعلان توتال الجديد بيقول انه مصمم مخصوص للشرق الاوسط لدرجه الحراره بتاعته والبنزين بتاعه اللي مليان sulfur الصراحه حضرتك ماذاكرتش كويس انا كنت باعت مع احمد نوح معلومات ليك قبل ماتكلم الوكيل ورقمي مع احمد ياباشمهندس احب تسمع الطرف التاني

[@autozonemagazine7025]

المعلومات دي مو كريسيتيان ذات نفسه وادارة بيجو في مصر

[@emadsalah7200]

وتفتكر اللي من ٥ سنوات انكر ان في مشكله هيقول الان ان في مشكله ؟؟؟؟

[@autozonemagazine7025]

@@emadsalah7200 يبقى الملاك يروحوا حماية المستهلك …ولو العربية جابت مواتير …سمعتها هتضضرب ومش هتبيع في المستقبل …. زي ما انا قلت قي الفيديو

[@emadsalah7200]

واضح ان ده الحل الوحيد للاسف

[@emadsalah7200]

كده ولا كده نشكرك لتعبك ولو محتاج معلومات حقيقه مبنيه علي ورق وومعلومات تقنيه ابعت لي فقط ورقمي مع احمد نوح ا.د عماد صلاح.

[@ibrahimfarag2544]

ياجماعة اصلا بداية الموضوع غلط . مافيش حاجة اسمها تكنولوجيا فرنسيه ف صناعة السيارات .معليش ادى العيش لخبازه. يعنى ماينفعش حضرتك تروح تحط نص مليون ف عربية فرنسي عشان خاطر صالونها مريح والعدادات بتنور والكلام الفاضى ده. هما مالهمش ف الميكانيكا قولا واحدا . انت راجل فلوسك كتير بقي ده موضوع تانى..

[@tamerh.ibrahim9444]

كامل التقدير لمجهودك يا هندسة، لكن هل من المعقول اني أكون شاري عربية من بيجو بمتوسط ٤٠٠ ألف جنيه علشان أقعد كل ٥٠٠٠ كيلو أكشف على مقاس الزيت وأشوف نقص الزيت قد ايه؟

[@ahmadorabi4371]

كلام أونطة

[@waliedcia5929]

نفس بتوع التيبو هيقولك طبيعة المواتير دي كده وان دي تكنولوجيا جديده ورهيبه تصب في مصلحة المالك ومصلحة السيارة كل ما تمشي اكرت تحرق زيت اكتر وفتزود زيت اكتر وده طبعا لمصلحة عربيتك تفقضل شبعانه وما تجوعش وتحافظ عليها كمان .. بتوع فرنسا وايطاليا بيشتغلوا الناس وبيستغفلوهم والله والمشكله ان فيه ناس بتقتنع بالكلام ده وبتدافع عنهم ...

[@tamerh.ibrahim9444]

@@waliedcia5929 معاك حق، كلام الشركة كله غير منطقي وعجيب

[@ANDREWSAMY562]

@@waliedcia5929 بس مفيش ولا عربية تيبو مانيوال جابت موتور... و بعدين موتورها مش جديد اساسا و بينزل من ٢٠٠٨ في الفيات برافو كمان، فهي طبيعة الموتور كده فعلا. و انا شخصيا اعرف حد كان عامل ٢٧٦،٠٠٠ كم بنفس الموتور منغير ما يتفتح و كان برضو بيزود زيت كل ٥٠٠٠ كيلو من الزيرو.. الحالتين مختلفين.

[@arh26884]

عندك حق و الله طيب ما اريح دماغى واجيب عربية كورى و لا يابانى منتهى الاعتمادية

[@ehabsaleh4675]

طيب ما يلغوا sport mode اللى بيعمل المشكلة دى ولا ايه رايك ياهندسه

[@walidmahmoud5341]

انا سمعت كلام وهري من الناس بس بجد يا بشمهندس انت بتجيب من الاخر

[@magedtaher8307]

كلامك بنسبة كبيرة صح بس المشكلة ان الموضوع ده حيودي إعادة البيع في داهية اكتر من الاول و كمان حتكون حاسس انك مهدد لان الموتور ممكن يتضرر في اي وقت لو مستوي الزيت قل خسارة كبيرة لان العربية حلوة

[@autozonemagazine7025]

او الاستهلاك زايد يبقى في عيب صناعة …متقلقش ان شاء الله المشكلة مش عامة

[@autozonemagazine7025]

او الاستهلاك زايد يبقى في عيب صناعة …متقلقش ان شاء الله المشكلة مش عامة

[@540646474]

انا من السعودية واستخدم بيجو RCZ موديل 2013 وقبلها كان معاي قولف GTR تيربو وكلها الزيت بينقص ( طبيعي) بمعدل نص لتر كل 5000 كم .. كمعدل تبخير للزبت ،ولكن يجب استخدام الزيت الأمثل تخليقي بالكامل ولزوجة 10w30 وتغييره كل 5000 كم فقط .. خصوصاً في مناخ دول الشرق الأوسط .

[@autozonemagazine7025]

اه بس لو زاد عن هذا المعدل سيكون "غير طبيعي" وفي مشكلة في المحرك ….تحياتي لك يا اخي

[@mohamedabulazm1925]

علي فكرة يا عمار الموضوع ده موجود قي كل عربيات المجموعه بس بنسب اقل في ال c5 و الجراند لاند و ال ds7 بس لان بيجو عدد ملاكها كبير و ال ٣٠٠٨ عاملة مبيعات ممتازة فسمعت اكثر انا متفق معاك ان لازم تمشي علي كلام الوكيل و المصنع علي الاقل عشان لو حصل حاجة في المحرك ما حدش يقول انه بسبب صيانات خطأ

[@waelzohdy95]

Customers pay for design flaws, it is totally unfair. What if my engine fails after 6 years with odometer reading of 60,000 km?

[@ahmedsanad2010]

اولا حمد الله على السلامه ثانياً شكرا للمجهود والبحث في الموضوع فعلا الردود عقلانية مبنيه علي حقائق و بحث👏🏻👏🏻👏🏻👍🏻

[@autozonemagazine7025]

الله يسلمك ويبارك فيك يا اخي 🙏

[@adamtawfeek4127]

حضرتك ما اسكودا a8 مش بينقص الزيت فيها دى تيربو برضو وال RS ايضا

[@autozonemagazine7025]

مع القيادة الرياضية لازم يستهلك

[@autozonemagazine7025]

لازم يستهلك بس النسبة ممكن تقول اقل وغير محسوسة

[@tefaabosami]

طب ماهو قال ان اى عربية تربو هيبقى فيها نسبة هدر

[@andrewkamal1]

النظام الي بتتكلم عنه اسمه PCV - Positive Crankcase pressure Ventilation مش EGR - Exhaust Gas Recirculation

[@mohamedsamy-xe8cc]

الله ينور يا بشمهندس بصراحة افضل شرح سمعته لموضوع الزيت بحرفية وموضوعية انا كان عندى سؤال يعنى الموديلات الجديدة من هذا الموتورمن ٢٠٢٢ ' ٢٠٢٣ تم تعديلها لتجنب مشاكل الموتور القديم ؟ ده بالنسبة لبيجو وسيتروين C5! ويا ريت لو تجربة عملية عن الموديلات الجديدة

[@ahmednabil5546]

ال egr ملوش علاقة بالزيت ال egr بيدخل جزء من شحنة العادم مع الهواء في الشحنة اللي بعدها عشان يقلل حرارة الحريق و يقلل الانبعثات الضارة ، منضومة بخرة الزيت ليها بلف اسمه pcv او postive crankcase ventilation تحياتي ليك يا هندسة

[@autozonemagazine7025]

حبيبي يا بشمهندس…🙏

[@ahmednabil5546]

@@autozonemagazine7025 الف شكر لذوقك يا هندسة و انا من محبينك من زمان♥️

[@gegel3806]

معظم مجهود الفديدو بيروح في المزيكا العالية جداا ومزعجة جدا

[@susansande438]

يا استاذ عمار مشكل نقص الزيت في مركبات بيجو مشكل يشكو منه جميع الاقاليم التي من انتاج بيجو ورينو ,ايضا هى اصبح سعر مركباتها منخفض ويتم تقسيطه بمدد مريحه لتحسين سوق البيع ومع هذا لا احد في السوق الاوربي يشتريها وهذه المشكل دارجه بشكل كبير مع بيجو في اوروبا ,والوكلاء يكزبون على الزبائن في اوروبا يقال ان البيئه البارده هي سبب هذه المشكل وفي الدول الحاره يقال ان ارتفاع الحراره هو السبب مع ان المحركات لا تتأثر في حالة الجو هي في الاساس تعمل بشكل حراري منظم لا يعمل في حاله الجو فهم كلعاده الاوربيون يفرضون انفسهم انهم الاصدق والحريص على البيئه والانسانيه وهم طبعا اخر من يصدق واخر من يهتم في البيئه والانسان والنصيحه هي عدم تبديد المال في صناعة لديها موصفات يجب التقيد بها والنصيحه الامثل اموالك في جيبك والسوق لك ينتظر منك الرضى لماذا يتعب الزبون نفسه في محركات تحتاج الى مكياج خاص في الختام لك كل الحب والاحترام يا استاذ عمار محبوب الجماهير

[@ahmedelwakel4091]

بصراحه حوار غريب ويخوف ..طيب ما المستهلك يريح دماغه ويبعد عن وجع القلب دا

[@mohamedrefaat5269]

حضرتك ترشح ال 3008 ولا هوندا ZRV ??

[@hatemhatem7724]

مشكور على التوضيح

[@ibrahimabdulwahed9428]

لازم نختار صح . العربيه ال تمشي مع الجو بتاعنا الحر الشديد و رطوبة العاليه و التراب و العفار كل ده مع التكيف بيتعب المكن خصوصا المكن التربو

[@mahmoudelawady7204]

وهو إحنا بقي كمستهلك مصري ندفع ٤٠٠ الف و ٥٠٠ الف ج علشان نعيش القصه دي يا ريس عايزين ندور ونمشي بالفيديو بتاعك ده مبيعات الكوري هتطير

[@autozonemagazine7025]

طيب ما هي طايرة ليه 😃

[@حسامالدينمحمد-ر8س]

حضرتك انا معايا العربيه من ٢٠١٩ وعمر الزيت ما نقص معايا بس انا فعلا سواقتى هاديا ومش عارف لو سوقت بعنف زى ما بيقول هتنقص زيت ولا لا وعموما انا مش شاغل بالى عيش حياتك واستمتع بالعربيه

[@peterezat3009]

@@حسامالدينمحمد-ر8س المشكلة دي المفروض التوكيل يحلها علشان هتخلي إعادة البيع مش كويسة،

[@wildcorner1]

@@حسامالدينمحمد-ر8س بتظهر بعد سنتين او بعد ال ٦٠ الف كيلو وانت طالع ، بتكون رينجات البساتم وقواعد البلوف اتاكلت .

[@Miromasr]

@@wildcorner1 دي انهي موديل

[@0168116116]

اقدر اقولك ان بعد الڤيديو ده محدش هيشتري بيچو تاني ويمكن كمان محدش هيشتري فرنساوي اصلا

[@autozonemagazine7025]

يا اخي ده بيقولك انت بتدافع عن الشركة 😂

[@ahmedelwakel4091]

فعلا كنت مقبل علي الشراء وتراجعت خساره كانت عربيات ممتازه شكلا

[@88msami]

العربيات الفرنساوي طول عمرها فكسانه

[@loyaltybeats9022]

انا زيك بالظبط كنت هجيب 3008 2022 - و موضوع الزيت دا هيخليك تعمل عمرة و او تلبس ماتور .@@ahmedelwakel4091

[@abbassmohammed2106]

جميل يا هندسة

[@bebonote]

مشكور لمجهودك الكبير الله يوفقك يارب دائما

[@hanymadboly9376]

ليه وجع القلب بس ما نبعد عن الصداع ده احسن

[@ahmedmedhat3644]

عمار اوكتافيا تالت فئه ولا 508 تاني فئه انا عجبني شكل بس خايف منها

[@صلواعالنبي-س6م]

سبحان الله . 🌹🌹 الحمد لله . ⁦ 🏵️⁦🏵️⁩ لا إله إلا الله . 🌸🌸 الله اكبر . 💮 💮 لا حول ولا قوه الابالله العلي العظيم. 🌼🌼 استغفر الله الذي لا إله إلا هو الحي القيوم واتوب إليه. 🌺🌺 صلوا علي النبي. 🌻🌻 سبحان الله وبحمده عدد خلقه ورضا نفسه وزنه عرشه ومداد كلماته . 🌿🌿🌿 لا إله إلا انت سبحانك إني كنت من الظالمين .🌷🌷.

[@ahmedasaad5683]

واضح إن حضرتك عملت البحث في التوكيل بتاع بيجو 😉... وبعدين إيه علاقة التسقيف ب الزيت.... التسقيف ده بسبب بنزين منخفض الاوكتان.. ثالثا إيه رايك لما عملاء بيستخدموا مواصفه غير مواصفه التوكيل و المحرك عامل ٢٠٠ الف ومفيش نقص زيت..... للأسف كلام حضرتك غير دقيق خالص....

[@emadernest]

الله ينور عليك يا أستاذ أحمد أسعد حاولت أفهمه ان كلامه موجه يقوللي انت لا تعلم محدش فيهم عنده الشجاعة يجاوب على السؤال انه لما طبيعي العربيات التربو تاكل زيت ليه ما بيحصلش من اول يوم؟ ومش عاوز يبحث ويشوف ايه الزيوت اللي مش بتحمي المحرك عشان صديقة للبيئة فمافيش فيها اضافات حماية عشان ضارة بالبيئة ورقم القاعدة تبعها ضعيف لا يصمد ١٠ الاف كم امام حريق البنزين المصري اللي ماليان كبريت ونتائج احتراقه حامضية تسبب تآكل للمحرك هي دي اجابة سؤالي له اللي مع ٣ رد مني ورد منه ماسمعتش منه غير اننا ماعرفش واننا قليل الأدب. قلتله مش هرد عليك لإن دايما اللي بيتزنق في الكلام بيشتم ودي حاجة معروفة انما حضرتك فاهم فبفضفض معاك

[@waelpauomi]

مش بيجو بس اللى بتاكل بنزين دى اصبحت ظاهرة واحب اضيف ان وجود الزيوت المضروبة والمقلدة بالسوق المصرى عليها عامل كبير فى تبخر الزيوت انا معايا اوكتافيا a4 مكتوب فى الكتالوج ان الزيت هينقص ليتر لكل ١٠ الاف كيلو

[@AhmedAdel-cp9tw]

انا معايا mg6 عمره ما نزل ناقص

[@ahmedsharfsharf5151]

شكرا لمجهود حضرتك..ياريت لو امكن بردو حلقه عن نقص الزيت فى فيات تيبو المانوال و الاتوماتيك

[@mostafasaidmostafa3528]

حضرتك ايه نوع زيت ٥٠٠٨ المعتمد من التوكيل

[@abdowarshan9419]

جزاك الله كل خير ياباشا

[@osamaelshafei4037]

اوبل وسيتروين فيهم نفس المحرك فهل عندهم نفس مشكله نقص الزيت؟

[@AhmedAdel-cp9tw]

وده محرك تربو معلش معلومة ان المحركات التربو بتستهلك زيت مغلوطة شوية وعايزة منك مراجعة

[@simplegirl7281]

انا كنت ناويه ع بيجو3008 يعني اغير رأيي ولا اي ؟؟

[@heshammaqled5428]

Tayeb da mesh ma3nah en el tawkil momken ye3mel tandif Carboni within el siyana ashan el zet el beydkhol el combustion chamber?

[@emadsalah7200]

وطبعا ال knocking حاجه وال LSPI حاجه تانيه خالص انت خلطت بينهم

[@autozonemagazine7025]

Low speed pre ignition =type of pre ignition

[@emadsalah7200]

حضرتك شارحه غلط

[@autozonemagazine7025]

@@emadsalah7200 اشرحه حضرتك واناً معاك 👍

[@emadsalah7200]

ال LSPI الظاهره دي في مواتير التيربو او الكومبريسور ذات الحقن المباشر بتحصل عند التسارع من RPM قليل وده بيعمل حركه سريعه للبستم جوا السلندر مع ضخ الوقود علي جدار السلندر ونتيجه للحركه السريعه وسخونه فيلم الزيت علي الجدار الداخلي للسلندر بيحصل احتراق مبكر علي جزء صغير من البستم في طريق صعوده وبيواجهه الاحتراق الكبير بسبب شراره البوجيه القوتين دول ضد بعض بتعمل crack صغير في البستم مع تكرارها البستم بيبدا يهرب زيت المشكله دي ملهاش صوت نعائي وملعاش سينسور يوضحها والامريكان بيفترضوا وجودها من مشاهداتهم للبساتم الخاصه بعربيات التربو المشكله دي بقي ملهاش اي علاقه بنشكله بيجو لانك لما تفتح الموتور بتلاقي الشمايز متاكله والبستم سليم

[@منالاخر-ف3ص]

@@emadsalah7200 nice

[@TamirAsherbiny]

المفروض ياعزيزي عدم التعميم الياباني والكوري التوربو مابيكلش زيت إيكليبس وتوسان توربو مابياكلوش زيت

[@autozonemagazine7025]

مهو يا تامر بك المشكلة في فهم الناس لكلمة "استهلاك الزيت " ….كلوا هيستهلك ….حتى ولو بنسبة غير محسوسة …."ربع لتر مثلا في الصيانة" ….وده المفروض اللي يبقى في عربيات بيجو ….بس لو في عيب صناعة ….هتاكل اكتر …. النسبة بتاعة ربع لتر كل ١٠٠٠ كم دي او سواقتك عنيفة "على طول الخط" ….يعني مستحيل حد ينقص مثلا لتر وربع في ال١٠٠٠ كم بموتور سليم …. اتمنى تكون فهمت قصدي وتحياتي لك

[@TamirAsherbiny]

@@autozonemagazine7025 هي بس النظرية ياعزيزي الغالي الكوري والياباني بنحرق ونقرص ومابيحصلش بخر نهائي يعني بعد عشر الالف كيلو بينزل الزيت مش ناقص ملي واحد فعلا اليابانيين والكوريين سبيكة المواتير فيهم وتكنولوجيتها غير ولهذا منتشرين في الخليج واستحمالهم للحرارة المرعبةوهناك وشبه غياب للأوربي هناك ولحضرتك تحياتي وتقديري

[@autozonemagazine7025]

مهو الكوري والياباني اكثر اعتمادية وتحمل للاجواء الصعبة …ده مظبوط وبنقوله علو طول

[@loyaltybeats9022]

فهمي حاليا .. ان العربية متنفعش في الدول الحارة ابدا ... من الاخر الكوري و اليباني هو اللي ينفع مع الدول الحارة اللي زي حالتنا

[@mohamedabdalaa8543]

السلام عليكم اذ احمد محتار بين كيا اكسيد وبيجو 2008 ممكن تفيدنا

[@aelagenly]

الكلام ده مش دقيق ..، مفيش أى فرق بين الموتور الجديد و الموتور القديم (هما فى الواقع نفس الموتور) ... التعديل اللى تم يخص غطاء التاكيهات مش تناقص الزيت و لا الضرر اللى ممكن يحصل للموتور لهذا السبب

[@autozonemagazine7025]

الكلام ده من ادارة الشركة في مصر ومدير قسم البحث والتطوير في فرنسا 👍

[@aelagenly]

@@autozonemagazine7025 أنا عارف إن ده كلام الشركة و هم بيسوقوا للموديلات من ٢٠١٩ رداً على مخاوف الملاك الجدد من شراء الپيچو.

[@autozonemagazine7025]

الاختلاف في البساتم وال valve sealing

[@wessam486]

كلام التوكيل او الراجل الغامض بتاع فرنسا كلام خايب و فاشل زى كلام فولكس زمان عن الفتيس duel clutch . هل يعقل انه فى 2021 تظهر العيوب دى بحجة التيربو ، لا طبعا ، طب اشمعنى المحركات الالمانى مش بتنقص زيت ، و اليابانى لو تيربو مفيش الكلام ده

[@autozonemagazine7025]

الشركة وضحت ان ده الاستهلاك المسموح بيه ….مش "لازم" يتم يعني

[@momomm943]

لا لا....كلام فعلا مختلف.....أسلوب بحثي دقيق وعرض رائع....احنا شاهدنا الموضوع دا في أماكن كتير بس عندك هنا غير خالص....برافو يا عمار أسلوب رائع ومعلومات وافية جدا وتوصيل للمعلومة دقيق جدا.....🙏🙏🙏

[@tarekelsawy5745]

كلام غير علمي اولا لو حصل والزيت نزل مع الهوا من جلب التربو معناه ان التيربو باظ وبيجيب زيت وعايز يتعمله صيانه طقم اصلاح جلب ثانيا توقيت الاحتراق بيعتمد علي كارته وليس اسبيراتير زي زمان بمعني لا يمكن تغير في توقيت الاشتعال الاولي من هري كل الجهات الانت عرفتهم في اول الفيديو انكم تعرفو الناس التمتلك سيارات تيربو انها تحتاج عنايه خاصه خصوصا عند توقيف السياره وقبل تبطيل الموتور

[@mahmoudghanem3523]

سوال هل ينفع استخدام oil catch can لحل المشكلة

[@mohamedalkady2424]

انا بفكر اشتري بيجو ٣٠٠٨ بس حاليا رجعت افكر تاني فى البيجو لاني مش بحب وجع القلب انا عايز عربية اعتمادية زي تويوتا كدة علشان اريح دماغي 🤔🤔🤔

[@autozonemagazine7025]

استنى لغاية لما تتاكد ان حالات عيوب الصناعة حالات محدودة …وان شاء الله اتوقع ان الاعصار ده يهدى وميظهرش حالات استهلاك زائد تانية للزيت

[@فاستبقواالخيرات-ج4ث]

حضرتك انا ناوى اشترى 2015 3008 اشترى ولا لأ ؟

[@mohanadkhaled9266]

العربيات الكهربا هتريحنا من كل ده 😂😂

[@samirfady7173]

طبعا ولا زيوت ولا ميكانيكى ولا وجع قلب الزيت الوحيد اللى فيها زيت الفرامل العيب الوحيد قلة المسافه اللى بتمشيها بس صاروخ ماشى على الارض

[@Jordanvectra]

انا اعرف ان لازم تغير سير المكينه كل 50 الف عشان مكانه داخل المحرك ودا يخليه يتأكل من الزيت اللي يجي عليه يعني كل 50 الف غير سير المكينه

[@nitconq]

فيديو غير موفق وما اقنعنيش نهائيا انت حسستني في الفيديو ان مافيش حد من ملاك عربيات مجموعة psa بيجري او بيدوس ع العربية غير ملاك بيجو وملاك دي اس مثلا مافيش فيهم عشرين واحد بيستخدم العربية استخدام رياضي وخمسه منهم مثلا ظهرت معاهم مشكلة الزيت. كلام غير منطقي وغير مقنع وفيديو غير موفق بالمره الحقيقة

[@autozonemagazine7025]

يا اسلام …لو معاك عربية بيجو احرق براحتك ….النسبة دي مع القيادة العنيفة والرياضية ….انت "اخرك" تسوق ١٠٠٠ كم في ال ١٠ الاف كم بعنف "وقت الدوس بس " يعني ربع لتر في الصيانة الكاملة …ولو الزيت بينقص عمال على بطال وانت مبتسقش بعنف يبقى المحرك بايظ وفيه عيب صناعة

[@MohamedHamdy-kq9cp]

افضل مواتير vw

[@FgFg-mi7xi]

البيجو ٥٠٠٨ موديل ٢٠٢٢ هل فيها مشاكل

[@ahmadelgaabary3657]

الله ينور يابوحميد Good job 👏

[@mohamedhassan2648]

مبدأيا كدا 123 مفيش حاجة اسمها عربيه تاكل زيت بنسب كبيره الموضوع بخر قليل انا واحد عشت ف السعودية 20 سنه وبستخدم عربيات وبمشي ف الشهر مسافات لاتقل عن 12 الف كيلو ومحط على سرعات عاليه وبستخدم عربيات نيسان وتويوتا وامريكي وستخدام ف درجات حراره 50 ومحط على العربيه وستخدام سيء جدا وعمري ماشفت استهلاك الزيت دا شكلو الزاي

[@eslamsolo]

وأنا ايه اللي يخليني ادفع تقريبا نص مليون في عربية بتاكل زيت وتجيب مواتير ومشاكلها في الكهربا حدث ولا حرج، هي العربية وسيلة نقل ولا وسيلة للبهدلة وقلة القيمة ، ووسيلة لزيادة معارفي بالميكانيكية، وضياع فلوس ووقت ، هو انا جايب عربية دافع فيها ثروة صغيرة علشان تريحيني ولا انا راكب ورق كارتون خايف شوية ماية تيجي عليها تبوش مني، عربية ايه اللي كل مشوار ازودها زيت دي وبرضه هتجيب ماتور، ولا تكونش فرنسا كاسرة عينا نشتري عربياتها الرديئة!! ، هو احنا بنلاقي فلوسنا في الشارع ؟!! شركة العربيات اللي متحترمش نفسها بمنتج محترم بيستحمل ويحافظ علي فلوسي ووقتي يبقي خسارة فيها يتذكر اذا سمها علي قرطاس طعمية، العربيات الفرنسية بسبب سوء جودتها ممنوعة في امريكا الشمالية. عموما المستهلك مش اهبل، واللي بيدافع بدون وجة حق عن الفشل ده لأسباب كتير خفية فتمام خلي الناس تشتري وتجرب والعربية بقي هي اللي هتعلمهم الأدب، وكفاية ان اللي اشتري فرنسي بسبب الدعاية والمطبلاطية وشوية الاوبشنز والشكل ولبس في الجودة الرديئة مش هيكررها تاني. فرنسي ده كلام فارغ.

[@NightMare-jb5tj]

انا معايا BMW 330 2015 و fiat Punto engine swapped to 1.8 turbo و مفيش اى مشكلة في نقص الزيت و انا استخدامى رياضي دى مشكلة زيت مستخدم من التوكيل و مش عايز يعترف بيها

[@shirefhatem5350]

الكلام ده مش سليم ، مفيش اى عربيه bmw 6 cylinders مش يتبخر زيت، لازم الزيت ينزل اقل و علشان كدا من زمان فى oil meter in idrive و بيقل فى كل العربيات لكن بالنسبه المسموح بيها و معمول حسابها ، احنا بنحط ٦ أو ٧ ليتر فبيدى احتياطى اعلى منهم

[@alaaeldinmohamed2620]

الكلام دة مش مظبوط مع احترامي القشقاي و الرينو تربو و غيرهم من العربيات الاماني في مصر حتي الصيني من سنين محدش اشتكي و المواتير العادية طول عمرها في مصر عمر ما حد اشتكي اي عربية زيتها بينقص دي مشكلة في الماتور محتاج تراجع نفسك انت ليك شعبية متخسرهاش .

[@merororo1058]

يعني اجيب بيجو 3008 ولا مجبهاش

[@alitarabishi4917]

لا

[@alihelmy-thecarguide6195]

حضرتك يا باشمهندس ياريت تراجع معلوماتك اللي ذكرتها في الفيديو عشان فيها لغبطة و أخطاء كتيرة للاسف زي موضوع ال EGR و اللي المفروض قصد حضرتك على PCV اللي هو positive crankcase ventilation ده غير أن حضرتك مفيش حاجة اسمها زيت بيعدي من تربينة التربو ده غير موضوع ال Pre ignition اللي ملوش علاقة بالزيت اصلا

[@autozonemagazine7025]

ممكن يكون عندك حق في موضوع ال PCV بس راجع باقي النقاط …انا اتاكد منها 👍

[@alihelmy-thecarguide6195]

@@autozonemagazine7025 حضرتك الزيت بيعمل تزييت ل الأكس الخاص بالتربو اللي بيكون عليه التربينة و ال impeller لكن مبيدخلش في تربينة التربو خالص و الpre ignition بيحصل بسبب معدلات الحرارة المرتفعة بشدة في محركات التربو و اللي بتتطلب اوكتان عالي زي ٩٥ عشان ميحصلش self ignition

[@autozonemagazine7025]

@@alihelmy-thecarguide6195 دور بعد اذنك عن ظاهرة low speed pre ignition …تحياتي لك 🙌

[@mahmoudsaid3863]

السؤال المهم مع نقص الزيت كل كيلو هياثر علي الماتور بعد اول ١٠٠٠ كيلو ياعني انا مثلا حاطت زيت ٥٠٠٠ قبل ما اغير زيت المفروض هيبقي ٣ لتر بدل ٤ وربع ده مش غلط علي الماتور ؟

[@ahmednashaat3372]

انا غيرت متور أسوأ عربية ممكن تشتريها واسوا توكيل هما اللى بوظولى العربية ربنا ينتقم منهم

[@ahmedghanem3723]

باشمهندس احمد عايز اشترى عربية Suv فى حدود ٤٥٠ الى ٥٠٠ الف جنية

[@autozonemagazine7025]

بص على سيات اتيكا ….وهيونداي توسان

[@ahmedghanem3723]

@@autozonemagazine7025 طيب ومشكلة الفتيس فى التوسان ؟

[@ahmedghanem3723]

وبالنسبة ل C5 ؟

[@ahmedhazem7687]

السلام عليكم اخبارك ايه ياهندسة / كنت عاوز اخذ راى حضرتك في سيارة البيجو 3008 وقطع غيارها ظروفها ا ية فى مصر لانى انا في السعودية ومقبل على شرائها فا ياريت تعطيني رايك بصراحة وانا هنزلها جمارك بعد سنتين فا هل الضمان يشتغل فى مصر عادى ولا لازم اشتري سنسن ضمان ...محتاج رد حضرتك ضرورى ضرورى ...وشكرا شاغالى

[@yahiaabdalaziz8343]

مهندس احمد ممكن تنصحنى اشترى تاركو FR ولا بيچو 5008 GT

[@ahmedkhalid4696]

من وجهة نظري المتواضعة التاراكو بتقدم قيمة مقابل سعر افضل من ال 5008 وربنا معاك ان شاء الله

[@King-rq9eh]

تاراكو انا لسه شاري وحده و العربيه ممتازه لكن شيك على التقفيل بتاعها في شوية فيهم اخطاء لكن ك اداء و و ارتفاع و مواصفات التاراكو افضل

[@tefaabosami]

فيديو محترم

[@MARVELSTAR]

الزبده هي ان مكاين بيجو ضعيفه جدا والتيربو هو السبب الرئيسي في خراب المكاين ، انا شخصيا عندي ٥٠٨ وبعد ١٥٠ الف عملت عمره ، مهما عملو بيجو في عربياتهم اذا ما غيرو المكاين بتعتهم الفاشله وكنت بغير الزيت في التوكيل ، عربيه زباله عامله زي البنت اللي تبقى حلوه وهي حاطه مكياج من غير مكياج زي الخرا بالضبط بيجو كده شكلها حلو وفخامة واناقه بس المكينه زي الزفت . مهندسين بيجو ناس اغبياء

[@علمنيبورصه]

هو في حد شاري عربيه ب نص مليون هيستخسر يغير زيت في التوكيل مش منطقي الكلام دا

[@ziyad22khaled]

الصراحه كلامك مش مظبووط خالص معلش متزعلش مني !! يعني ايه كل ما الاداء زاد وبقا احسن يبقا العربية لازم تكون معقده ويظهر فيها مشاكل طب ما عندك التيجوان اهوو ادائها احسن بكتير من البيجو وعمرنا مسمعنا عن زيت بيتاكل ولا غيره وهديك مثال يباني عندك مثلا الاكلبيس كروس ماتور تيربو برضو عمرنا ماسمعنا عنه اي مشكله وكذلك التوسان تقدر حضرتك تبررلي الموضوع ده؟؟

[@autozonemagazine7025]

طيب سؤال ….انت كنت بتسمع عن استهلاك زيت في الجيل الجديد من عربيات بيجو ؟ طيب الموضوع ده حصل في كل عربيات بيجو ؟

[@ziyad22khaled]

@@autozonemagazine7025 اه طبعاا خش جروبات ملاكها وهتلاقي كل يوم ع الاقل شخص بيشتكي من نقص زيت ورسالة تحذير من النقص في موديلات ٢٠١٩ و٢٠٢٠ و٢٠٢١ ع كيلومتر قليل جداا

[@eamirmobasher2581]

طب بص يا باش مهندس احمد صلي علي نبي بقي كده و نركز مع بعض بقي انا مالك ل بيجو ٣٠٠٨ من (٧/١/٢٠١٥) عد معايا بقي و ركز معايا دخلت التوكيل و كنت معاهم ف الصيانات لحد ٦٠ الف بزيت التوكيل لحد م كل مره كنت باجي انزل الزيت الاقيه محروق ايوه محروق و يبان انه محروق من اول ٧ تلاف كيلو اطريت اغير نوع الزيت اما غيرت نوع الزيت العربيه المكنه صوتها بقي اوطي عاوز تفسير من حضرتك علي وطيان صوت المحرك بسبب زيت التوكيل غيرت كاوتش صباب بسبب زيت التوكيل غيرت غطاء وش التكيهات خلصانه ؟؟؟؟ خلصانه نبدا بقي في حقنا ال انت متكلمتش فيه و اخدت القضيه علي صدرك و مشيت فيها و الناس تولع ال هي اي بقي اعتراف بيجو ب مشاكل المواتير في الشكل القديم بعد ك ناس كتير خرجو من الضمان و انا واحد منهم و لبست المتور كده خلاص منا طبيعي مين فينا هيخلص ضمانه ة يفضل يعمل صيانات مع التوكيل يبقي التوكيل اعترف ب المشكله بعد م عدل ف المتور بتاع ٢٠٢١ بعض الاشياء و كمان ٥ سنين هيقولك ان برضه شكل ٢٠٢١ كان فيه مشاكل للاسف ياباش مهندس احمد كنت بقول انك غالبا بما انك اخدت القصه و قولت تتكلم فيها انك هتكون علي قدر الوصول ل حل بس التوكيل ظبطك و اقنعك بدون دليل عملي خلي التوكيل يجيب عربيتين واحده يمشيها علي زيت ال الملاك بيحترموه و واحده بزيت التوكيل و سوق الاتنين بنفس الطبيقه و اعمل عدد كيلوات كتير و شوف انهي مكنه هتعمر اسرع انا ناس عمرت قبلي انا لسه و عامل ١٥٢ الف و خلاص داخل علي ٢٠٠ الف و كل ١٠ تلاف غالبا نص كمية زيت اعتقد انك محتاج تراجع معلوماتك يا هندسه 😉😉😉

[@aymannofz]

السلام عليكم هل افهم من كلامك ان ال مواتير دي ليها عمر افتراضي ولازم حتتغير حتى باستخدام الزين الأفضل؟ لسة بجمع معلومات بخصَوص الموضوع ده

[@AhmedSaad-td8fd]

طيب بما انه طبيعي في العربيه انها تاكل زيت طيب ليه العربيه بتعمل error وبيظهر في ال software بتاعها

[@autozonemagazine7025]

لا طبعا اكل الزيت مش طبيعي ."😃

[@Mohamedaw98]

كلام غير مقنع يعني كل الف كيلو بربع لتر يعني صيانه كل عشر الاف الزيت هينقص ٢.٥ لتر ازاي مش هتجيب موتور !؟!!؟!!!!

[@autozonemagazine7025]

لا لا طبعا ….اتفرج على الفيديو بتمهل هتفهم قصدي ….

[@احمدالشوادفى-ط2ص]

الكلام دا ملوش صله بالواقع والحقيقه كلام فض مجالس وكلمتين حافظينهم السؤال اللى المفروض يتسأل اشمعنا مواتير بيجو التربو اللى بتاكل زيت او ليه ظهرت المشكله اصلا وايه حلها الجزرى

[@autozonemagazine7025]

يا اخي شوف الفيديو …ملاك بيجو مش بيشتكوا كلهم من موضوع نقص الزيت

[@autozonemagazine7025]

وبعدين ايه الحل الجذري من وجهة نظرك 😃

[@a-mansour]

يا عمار باشا البحث ناقصه بحث عن نسبة الشكاوى من نقص الزيت الملحوظ اللى بيحتاج تزويد مع عدد الكيلومترات المقطوعة عشان يبان حجم المشكلة لأن كلام أن اللى بيسوقوا سواقة رياضية بس هم اللى ظاهر معاهم الكلام دة و مش كل الملاك بيشتكوا دة كلام مرسل بدون ارقام تدعمه و البحث ميبقاش بحث غير بأرقام

[@عمرعلي-ط7ن]

الموضوع نفس اللي حصل في السعودية مع هيونداي سوناتا ٢٠٢٠ حصل نقص كبير لزيت المحرك بعربيات ما كملتش الف كيلو و التوكيل هناك قال دا حاجة طبيعية الى انه اصبح أغلبية ملاك الموديل ده مغيرين لهم المكينة اكتر من مرة

[@autozonemagazine7025]

ايوة يبقى عيب صناعة 😀 بتحصل …واستهلاك الزيت مقبول لو بنسبة محددة

[@عمرعلي-ط7ن]

@@autozonemagazine7025 انا كان قصدي في الأغلب انه افضل حل هو تغيير المحرك و شكرًا يا هندسة❤️

[@yassinedamerdji8065]

العربية بيجو زي الست لما تكون جميلة من برا لكن من الداخل ملينة عيوب المشكل انك فاكر ان العربية قيادتها 4×4 لكن دي عربية بتع نسوان يعني برستيج

[@محمدسلطان-ذ5م3ص]

كنت عاوز أعرف حل التسقيفة إللي في الموتور عندي أوبل إنسيجنيا٢٠١٦ توب لاين رغم إني بحط بنزين ٩٥ من محطة محترمة جدا ومع ذلك مع ضغط بدال البنزين بلاقي فيه تسقيفه أعمل إيه لو سمحت ؟

[@aymannofz]

ارجع للتوكيل ويعملك تعديل للسَفتوير الخاص بالسيارة

[@mohamedh4460]

ملخص الفديو اخلع عشان هتزعل

[@shekoy7392]

اعملنا فيديو ازاي نعرف ان الزيت ناقص من المقاس عشان معقد ومحدش فاهم حاجه

[@samehmmali]

باشا مع أحترامي لحضرتك الكلام بخصوص مواصفة الزيت مش صح إطلاقاً لو في فرصة أتواصل مع حضرتك على الخاص لو تكرمت

[@autozonemagazine7025]

ابعتلي على انستجرام 👍 او هنا مفيش مشكلة

[@mohamedhassan2648]

نوع الزيت المستخدم من وكيل بيجو ف الخليج غيؤ نوع الزيت ف مصر

[@autozonemagazine7025]

تقدر تقولنا نوع الزيت المستخدم في وكيل بيجو بالسعودية ؟

[@momentogaming5104]

@@autozonemagazine7025 يوروريبار

[@momentogaming5104]

@@autozonemagazine7025 eurorepar

[@autozonemagazine7025]

@@momentogaming5104 ممكن رقمه او مواصفاته ؟شكرا جزيلا 🙌🙏

[@ahmadhammam4946]

يعني انا اجيب عربية ب ٦٠٠ الف عشان كل شوية اشيك ع مقاس الزيت ليه راكب ١٢٨ ؟؟؟!!!!!!

[@mohammedelsaeed6519]

🙄 يعنى الزيت بينقص فى كل مواتير التربو طيب باقى العربيات اللى مش فرنسى ليه مفيش عندها نقص فى الزيت 😁

[@PinoPino-rq5oq]

في نقص زيت مثلا الكودياك

[@TamirAsherbiny]

ايكليبس وتوسان توربو ماباكلوش زيت

[@ahmedmattr8454]

مش مقنع خالص مافيش عربيه بتنقص زيت إلا لو فيها مشكله إنت بدافع عن الشركه بطريقه مبالغ فيها

[@autozonemagazine7025]

والله ده اللي انا قلتوا بس حضترك وناس كتير مفهمتوش😃

[@ziyad22khaled]

يعني العربية تنقص لتر زيت كامل مع ١٠ الاف كم؟؟؟ لييييه؟ هل ده طبيعي ي بشر؟؟ طب ما هي التوسان والتيجوان والاتيكا وغيرهم عمرهم ما نقصوا .. اشمعنا بيجو وسيتروين؟؟

[@autozonemagazine7025]

مهو علشان كدة شوف الفيديو 😃

[@ziyad22khaled]

@@autozonemagazine7025 شوفته كله للاسف

[@makaryphilemon7262]

@3:20 حضرتك قصدك ال pcv مش ال EGR

[@autozonemagazine7025]

واضح كدة اني اختلط عليا الامر

[@AbdelrahmanSoliman-rj2vv]

عمار هل فيه مشاكل ف ال٢٠٠٨ الجديده ولا ايه ، ياريت تفيدني لاني حاجزها

[@wildcorner1]

موتورها puretech, مش برنس ، الموتور نفسه مش بياكل زيت زي البرنس ، بس مشاكل بيجو وسيتروين واوبل حاليا بتظهر بعد سنتين استخدام او اقل، انا مالك ٥٠٨ وبندم حاليا اني اشتريت البراند الزفت دا ، من كتر المصايب اللي كل شويه تظهر ومصاريف هلاميه للمشاكل اللي لا حصر لها اللي بتظهر كل شويه وغير متوقعه، نصيحه اسحب حجزك وخليك ف ياباني واشتري راحتك

[@AbdelrahmanSoliman-rj2vv]

@@wildcorner1 انا حاليا فعلا بفكر اسحب الحجز واشوف الليون الجديده ،، صحيح مفيش حاجة ظاهره دلوقتي بس من الواضح ان البيجو بتخسر سمعتها بالبطيئ

[@mohamedaltaweil3701]

@@wildcorner1 ممكن اعرف نوع المشكله اللي واجهتك

[@ge3edy]

الEGR ملوش دعوه بالموضوع، الPCV هو بتاع بخر الزيت

[@autozonemagazine7025]

مش ال pcv جزء من ال egr ؟ ولا انا فاهم غلط

[@makaryphilemon7262]

@@autozonemagazine7025 لأ ملهوش دعوة

[@mahmoudhaikal6435]

ايه صحه الكلام عن فتيس التوسان و هيونداى

[@autozonemagazine7025]

مفيش اي كلام رسمي من الشركة في اي حتة في العالم ان في مشكلة في الفتيس ….تحياتي

[@حسامالدينمحمد-ر8س]

الكوري كله بالنسبه للاوربى ما يتركبش انا جبت السبورتاج وبعتها بعد سنه وركبت التوسان بتاعت واحد صاحبي ومرضيتش اشتريها

[@احمدفهمي-ض5ط]

@@حسامالدينمحمد-ر8س راي حضرتك في ستروين سي الاليزيه

[@shekoo007ss]

معجبنيش كلامك ولا تحيزك لتبرير التوكيل , في حاجه اسمها الموتور ياكل زيت بنسبه معقوله انما ده زياده قوي وراكبين مواتير تربو من زمن مشفناش النسبه الغريبه دي زي مابيحصل مع رجاله بيجو ولما قارنت مع الموتور ال M من BMW مكنتش مقارنه صح تبرر الموقف دي عربيه اداء ده مقبول يعني زي مابتبقى عارف وأنت شاري عربيات رياضيه معينه بعد كذا launch control إنك هتحتاج تغير طقم دبرياج ! ده أنت عارفه وموافق بيه ! انما الناس دي اتغفلت في عربيه لا تستحق المعاناة دي والفشل ده

[@autozonemagazine7025]

يا اخي العزيز…. انا قلت لو المحرك كل زيت يبقى عيب صناعة ….ومجموعة فولكس فاجن وبي ام دبليو وشركات تانية كتير بتقول لو سقت بعنف العربية هتاكل زيت ….الفكرة ان حضرتك وناس كتير مفهمتش يعني ايه سواقة بعنف او بشكل رياضي …١٠٠٠ كم سواقة رياضية مش هتعرف تعملها في ال ١٠ الاف كم …يعني لو المحرك سليم مش هتحس باي نقص للزيت …فهمت القصد ….الشركة قالت ان في عيوب صناعة ….لا انا ولا هما بررنا ….تحياتي لك واتمنى تشوف الفيديو مرة اخرى

[@shekoo007ss]

@@autozonemagazine7025 معلش ومع احترامي وهم كل الناس اللي حصل معاهم المشاكل دي ناس طالعه بالعربيه عالاوتو بان ؟ مش حاسس ان الموضوع غير مقبول مع عربيه بتقدم الاداء ده من الزيرو يكون فيها مشاكل زي دي في الاول والاخر أنا بشتري عربيه عاديه مش عربيه اداء يعني ك مستهلك أنا مقبلش منها ده أي منطق يقول كده ؟ طيب على المدى البعيد وبعد ال 150 ألف كيلو إيه اللي هيحصل لما والموتور بكامل كفاءته بياكل زيت بالشكل ده ؟ أنا شفت الفيديو عامة وفهمت توضيح سواقه بشكل رياضي من الكومنت بتاعك اللي وضحت فيه تحياتي

[@autozonemagazine7025]

@@shekoo007ss الناس اللي حصلهم مشاكل عندهم عيب صناعة والشركة هتغير المحركات …الموضوع مش حالة عامة …او الموضوع منتشر …الشركة مش هتبيع …بس كدة ..وبيجو شركة مش صغيرة علشان تغلط نفس الغلطة جيلين ورا بعض …اتمنى تكون فهمت قصدي …تحياتي لك ولمرورك الكريم

[@ahmedadel-qf7wl]

@@autozonemagazine7025 ماشى أكيد خايفين على سمعة البراند و مبيعاته , و معليين ضمانهم لخمس سنوات أو مائه و خمسون ألف كيلومتر و لو تصادف وجود عيب صناعه فى محرك إحدى السيارات هيغيروه بدون تكاليف على المستهلك (فى البدايات فقط لضمان تسويق أكبر عدد ممكن من السيارات و بذلك يكون التارجت قد تحقق) و النقطه الأخيره دى مظنهاش تتفعل بنسبة مائه بالمائه ولا حتى ربع ذلك لو صار ظهور المشكله مع الكيلومترات المقطوعه أدام أكتر و أعمق و فى أعداد أكبر من السيارات المباعه - راجع نهج منصور فى طراز أوبل أسترا تربو !!!! - , لكن أساسا هل المستهلك المقبل على شراء سيارات بهذه الأسعار على إستعداد لتقبل المخاطره و بخاصة فى مصر مع الأداء الباهت لأجهزة الدوله فى مجالات المواصفات القياسيه و الرقابه على الأسواق و حقوق المستهلك - الأداء الباهت الذى يؤسف له و لعله يتطور و يصبح أكثر قوه و مصداقيه و فاعليه - ؟؟؟ كلامك فى تقريرك يعتبر منطقى أكثر فى دول ذات منظومات أكثر فاعليه فى العداله بين البائع و المستهلك ... يرجى الرجوع أكثر لتجارب المستهلكين كمصادر للتحليل و الدراسه على حساب الرجوع للوكلاء بل على حساب الرجوع للمصنع أصلا حتى لو كان مصنع محترم مثل بيجو فى دول راقيه مثل فرنسا ... كما نرجو منك واقعيه و معايشه أكثر للمجتمع المصرى بعيوبه و مميزاته عند تناول موضوع تقييم السيارات كأحد مناحى الحياه فى مصر ... نرجو مزيدا من الحرص و النزول على أرض الواقع الذى نحياه على حساب الأحلام الورديه و حسن الظن المفرط

[@MohamedHamdy-kq9cp]

الموتور دة فاشل ياعمار من اول ظهورة.

[@a-mansour]

طب معلش التوسان التربو مع القيادة الرياضية بتبخر زيت بردو ولا لأ؟ مجموعة VW المواتير التربو بتاعتها بتبخر زيت مع السواقة الرياضية بردو ولا لأ مظنش صح ولا لأ؟ طيب لو كدة كام هى نسبة العربيات اللى تبخير الزيت فيها بيبقى عالى لدرجة تخلينى ازود زيت قبل الصيانة ؟ لو مثلا نسبة العربيات اللى بتبخر كمية كبيرة تحتاج إلى تزويد قبل معاد الصيانة عند مجموعة PSA 20% بينما عند VW النسبة دى ١٪ يبقى فى مشكلة عند PSA بردو نسبة العربيات الشكل الجديد اللى باظ فيها مواتير ايه و ايه سبب بوظان المواتير كلها صيانة متأخرة و عيوب صناعة الموضوع ملوش علاقة بتبخير زيت زيادة عن الطبيعى ؟ بصراحة كلام غير مقبول اما يبقى مقبول انى اشترى عربية ب٥٠٠ الف جنيه و ابقى محتاج ابص كل شوية على الزيت عشان اشوفه لو ناقص ازوده الا لو كل العربيات التربو بما فيها العربيات الكورى و مجموعة VW بتبخر بنفس الكمية و كلهم بيحتاجوا يزودوا زيت قبل معاد الصيانة

[@autozonemagazine7025]

طبعا مش مقبول وانا معاك ….المفروض ان المشكلة دي مش معممة مع كل كلام بيجو

[@a-mansour]

أيوة طب هل يا عمار باشا تكملة لمحتوى البحث تقدر تقول لنا نسب مئوية بدل الكلام المرسل من بيجو أنه لا مش كتير و أنه للقيادة الرياضية بس فى الاخر فى ارقام نسب

[@autozonemagazine7025]

منا قايل ….لو استخدمت العربية بعنف …الاستهلاك اخروا ربع لتر كل ١٠٠٠ كم …مهو مش معقول انت بتسوق بعنف ال ٥٠٠٠ كم علشان الزيت ينقص لتر وربع كل ٥٠٠٠ كم ….يعني انت مثلا لو اجمالا مشيت ٢٠٠٠ كم من ال ١٠٠٠٠كم وانت "بتحرق" يبقى الزيت هينقص نص لتر وخلاص …وصلت يا اخي العزيز ؟

[@a-mansour]

وصلت بس بردو مش معقول كل الناس اللى بتشتكى من نقص الزيت اللى يحتاج تزويد كلها بتسوق سواقة رياضية حتى ٢٠٠٠ كيلومتر من ١٠٠٠٠ كم ؟! عايزين نسب و الله غير كدة يبقى دة كلام مرسل من التوكيل بيحافظ على البراند بس و بيقول لى حضمنلك الموتور و اغيرهولك و انا يا سيدى مقلتش انه مش حيغير الموتور لو حصل مشكلة بس انا اساسا مش عايز مشكلة عامل زى مشكلة الdsg بتاع VW بالظبط اللى هو تجيب القرف لنفسك و العربية تتركن بالشهر و الشهرين عشان يغيروا الفتيس/الميكاترونيك و على حسابهم و كل حاجة بس نسبة الناس اللى حصل عندها مشاكل عالية وانا مش جايب عربية زيرو ب٥٠٠ الف عشان التوكيل يقول لى متقلقش حغير لك الموتور

[@a-mansour]

بالكلام دة الماركة دى كدة اتحكم عليها بالموت الفترة الجاية و عامة حجم المشكلة الحقيقى كدة كدة حيبان فى الشهور الجاية إذا مشكلة كبيرة زى dsg vw ولا لأ