Рет қаралды 76,720
#НартайАралбайұлы #NartayNews #НартайНьюс #Сайлау #Amanat
«ХАЛЫҚ АЙТСЫН» арнайы жобамыздың келесі межесі - Қостанай облысы, Қостанай ауданы, Алтынсарин ауылы. Айналасын ну тоғай қоршаған қарлығаштың ұясындай ауылда 307 түтін тұрады. 1 200 халық қоныс тепкен.
Әкімшілік жүйенің ығына жығылмай, тек қарапайым халықпен кездесетін “ХАЛЫҚ АЙТСЫН” жобама Алтынсарин ауылындағы ағайын алуан түрлі арыз айтты.
Негізгі мәселелер:
1. Ауыл әлі “Алтынсарино” деп аталады. Мекеннің атын “Ыбырай Алтынсарин” деп атау туралы ұсыныстың арты сиырқұйымшақтанып кеткен.
2. Ауылда балалақша жоқ. Салдарынан аналар жұмысқа шыға алмай баласы мектеп жасына жеткенше үйде отыруға мәжбүр.
3. Ауылда Мәдениет үйі жоқ. Жастар бос уақытын дүкендердің алдын торуылдап өткізуге мәжбүр.
4. Ауылда қаңғыбас ит көп. Оларды атуға болмайды депті әкімдік. Аулап та қатырмапты, салдарынан адамдар балаларын далаға ойнауға жіберуге қорқады.
5. Ауылға су өткізілген, бірақ ол қыста қатып қалады. Ауыл әкімдігі “мәселені өздерің шешіңдер” депті халыққа.
6. Алтынсарин ауылындағы 3 көшеге ғана жарық жүргізілген, оның өзі толық жанбайды дейді жұрт.
7. Жайылым жер жоқ.
8. Ауыл ішінде жол жоқ, көктем мен күзде көшелер батпақ болып адам да, көлік те жүре алмай қалады.
9. Сосын ауыл іргесіндегі үйлерді жылда еріген қар суы басып кетеді екен. Бірақ оған ауыл әкімдігі мүлдем назар аудармайды екен.
10. Азық-түліктің қымбатшылығы халықты қысып бара жатыр. Жалақы мен зейнетақы түкке жетпейді деп кейиді тұрғындар.
…Ең сорақысы, “ХАЛЫҚ АЙТСЫН” жобаммен келгенімді көрген Алтынсарин ауылының әкімі дереу көлікпен елді-мекенге кіріп кеткен еді. Кейін белгілі болғандай, ол тұрғындарға “Нартай Аралбайұлына ешқандай проблеманы айтпаңдар, мәселе қозғамаңдар” деп бұйрық беріпті. Бірақ “ХАЛЫҚ АЙТСЫН” халықтың сөзін сөйлейді.
Инстаграм: nartay_aralbayuli?igshid=vrytdav3x4e3
Фейсбук: nartai.sarsengaliyev