Ауылым - өлең авторы Сабит Утебаев

... " Ауылым " ...
Ауылым тал бесігім арман далам,
Орныңды баса алмас зәулім қалам.
Топырағыңнан алыстап жүрсем дағы,
Өзіңді сағынғанда жылап алам.
Ауылым ұстазымсың тәлім берген,
Анамдай аялаумен барын берген.
Сағыныштан жүрегім толқып жатыр,
Шабытым қамшылаумен жазып өлең.
Ауылым бау бақшалы бай өлкемсің,
Өзіңмен өткен менің бал дауренім.
Жазмыштың талабымен кеткем жырақ,
Десе де іздеп сені барам бір күн.
Ауылым ұмытпашы бір ұлыңды,
Арнадым мен өзіңе өлеңімді.
Бауырлар аман болсын елде қалған,
Жеткізіп тұратұғын хабарыңды.
...
Сабит Утебаев