Шавкат Мирзиёевга спорт соҳасида амалга оширилаётган ишлар ва режалар тўғрисида ахборот берилди

Президент Шавкат Мирзиёевга спорт соҳасида амалга оширилаётган ишлар ва истиқболли режалар тўғрисида ахборот берилди.
Аввало, оммавий спортни ва олимпия ҳаракатини янада кенгайтириш масалаларига эътибор қаратилди. Яқинда Парижда бўлиб ўтган Олимпия ва Паралимпия ўйинларида Ўзбекистон спортчилари жами 39 та медални қўлга киритиб, юзлаб давлатлар орасида 13-ўринларни эгаллаган эди. Бу мамлакатимиз спорти тарихида энг юқори натижалар бўлди.
Мазкур нуфузли мусобақалар ғолиб ва совриндорлари билан учрашувда давлатимиз раҳбари 2028 йилда Лос-Анжелесда бўладиган ўйинларга ҳозирдан тайёргарлик кўриш, йўлланмалар сони ва турини кўпайтириш зарурлигини таъкидлаган эди.
Шундан келиб чиқиб, Спорт вазирлиги, Миллий Олимпия ва Паралимпия қўмиталари томонидан спорт турлари бўйича фойдаланилмаган имкониятлар яна бир бор танқидий таҳлил қилинди.
Мисол учун, Олимпия ўйинларида енгил атлетика бўйича 48 та, сув спорти турларида 49 та дастур мавжуд. Лекин вакилларимиз уларда 5 ва 4 та йўлланма билан қатнашди, холос.
Теннис, ўқ отиш, гимнастика, велоспорт бўйича федерациялар ҳам, шароит ҳам бор. Юнон-рум кураши, от спорти, қиличбозлик, эшкак эшиш бўйича ҳали ишга солинмаган имкониятлар кўп. Чим устида хоккей, баскетбол, гандбол, регби, сув полоси каби жамоавий спорт турларини ҳам ривожлантириш зарур.
Мазкур спорт федерациялари ишини жонлантириш, ўқув-машғулотлар тизимини такомиллаштириш бўйича вазифалар белгиланди.
Олимпия ва паралимпия ҳаракати оммавий спортдан куч олиши таъкидланиб, маҳаллаларда селекция ишларини кенгайтириш, иқтидорли ёшларни профессионал этиб тарбиялаш бўйича кўрсатмалар берилди.
Маълумки, келгуси йил юртимизда ёшлар ўртасида Осиё ва Параосиё ўйинлари ўтказилиши режалаштирилган. Бунинг учун Тошкентда Олимпия шаҳарчаси барпо этилмоқда.
У ерга ташрифи чоғида Президентимиз бу мажмуа мамлакатимиз спортининг илмий, амалий, ўқув-машғулот маркази бўлиши зарурлигини айтган эди.

[@user-wb8bq5ux5q]

спортга эътиборни қўллаб қувватлиман

[@user-wb8bq5ux5q]

хар бир сохага катта эътибор қаратяпти Президентимиз барака топсин

[@ТурабекРахматуллойев]

Президент.отамизни.умири.узок.болсин.

[@ФотимаСолиеваЮсуфхонвна]

❤❤❤❤

[@LazizUlmasov-gb5zd]

☝️🤝✊️☝️

[@SunnatTurdiyev-xy9di]

Буйоги нима болади

[@SunnatTurdiyev-xy9di]

Футзал пишти жоноб президент

[@ШерзодЮнусов-т6б]

ничо хали ютуклар олдинда, биргина бу сафарги муваффакиятсизликдан катастрофа ясаш керемас, спорт борасида бизда яхши ишлар килинмокда, хали футзалда хам йирик ютукларга эришамиз

[@AbduxamitTangirov-rx2yf]

Узбекистоннинг спортдаги ютуклари энг аввало президентимизнинг окилона сиесати натижаси.Шунингдек спорт вазири Икромов Адхам Илхамович хамда Отабек Умаровларнинг хам бу борадаги хизматлари хам катта булмокда Офарин.Жиззах ДПУ

[@rasulovbarakallo5375]

Jahon chempionatiga cniqish xozir bizni orzueimiz bulib qolmoqda futbolda