Azərbaycan Respublikasının Xalq artisti Roza Cəlilovanın 95 illik yubiley konserti.

🎼27 iyun tarixində Azərbaycan Respublikasının Xalq artisti "Şərəf" və "Şöhrət" ordenli xoreoqraf, səhnəmizin ağ çiçəyi Roza Cəlilovanın 95 illik yubileyinə həsr olunmuş konsert keçirilib.
Öncəliklə Roza Cəlilovanın həyat və yaradıcılığına dair videoçarx təqdim olunub. Daha sonra F.Əmirov adına Əməkdar Kollektiv Azərbaycan Dövlət Mahnı və Rəqs ansamblı (bədii rəhbər Azərbaycan Respublikasının Xalq artisti Ağaverdi Paşayev, baletmeyster Azərbaycan Respublikasının Əməkdar artisti Ceyhun Qubadov, xormeyster Azərbaycan Respublikasının Əməkdar artisti Naala Barateliya), Cəngi ansamblı (bədii rəhbər Azərbaycan Respublikasının Xalq artisti Mircavad Cəfərov, baş baletmeyster Fərhad Əliyev) və Azərbaycan Dövlət Rəqs Ansamblı (bədii rəhbər Azərbaycan Respublikasının Xalq artisti Rüfət Xəlilzadə) rəngarəng proqram ilə çıxış ediblər.
Azərbaycan Respublikasının Əməkdar artistləri Fərid Əliyev, Almaz Orucova, Viktoriya Şaxmuradova, Günel Şeyxova, Nigar İbrahimova və solistlər - Lalə Aslanova, Ramin Hüseynov, Şahin Cəfərov, Nigar Rzayeva, Timur Oduşev və Taleh Yəhyayevin ifasında “Vətən süitası”, “Dağlı” rəqsi, “Ağçiçək” rəqsi, “Sarı gəlin”, “Cəngi”rəqsi, “İlk bahar”, Əfrasiyab Bədəlbəyli “Qız qalası” baletindən adajio, “Muleyli”, “Qaytağı”, Elza İbrahimovanın “Sən yadıma düşəndə”, “Naxçıvanı”, Cahangir Cahangirovun “Süzən qızlar”, “Günəşin doğuşu”, “Çayçı”, Emin Sabitoğlunun “Sən uzaq yaşıl ada”, “Uzundərə” və “Yallı” mahnı və rəqsləri izləyicilərə təqdim olunub.

[@nargizallahverdi4783]

Bugün TV də izləmək şansım oldu bu gözəl konserti. Möhtəşəm tədbir idi, əməyi keçən hər kəsə sonsuz təşəkkürlər, böyük zövq aldim. Roza xanıma isə möhkəm can sağlığı nəsib olsun.

[@user-tn4ec2zs6b]

Çox gözəl

[@papaqlitabriz.]

burda üstad fərhad vəliyevin necə rəqsi səhnəyə çixdi amma adini çəkmədiniz vallahi ayibdi