Рет қаралды 829
Біздің оқу орнымыздың тарихы 1937 жылы Алматы әуежайының базасында Қазақ азаматтық авиация басқармасының оқу-жаттығу жасағы құрылған кезден басталады. 1962 жылы Киев азаматтық авиация инженерлері институтының оқу-кеңес беру пункті ашылды, ал 1995 жылы Азаматтық авиация академиясы болып қайта құрылды. Академияның ресми құрылған күні 1995 жыл болып саналады, ал 2020 жылы Қазақстандағы жалғыз азаматтық авиация ЖОО өзінің 25 жылдық мерейтойын атап өтті.
25 жыл ішінде Академияда Қазақстан мен жақын және алыс шетел үшін алты мыңға жуық авиация мамандары даярланды: ұшқыштар, авиаинженерлер, авиациялық тасымалдау және авиациялық қауіпсіздік мамандары, авиадиспетчерлер.
Қазіргі уақытта жоғары оқу орнында Қазақстандық студенттермен бірге Өзбекстан, Тәжікстан, Қырғызстан, Ресей және Қытай студенттері білім алуда.
Жұмыс барысында заманауи оқу-материалдық база құрылып, жоғары білікті профессор-оқытушылар құрамы жасақталды.
Академия көп деңгейлі жүйе бойынша мамандар даярлауды жүзеге асырады: бакалавриат - магистратура - докторантура - қайта даярлау.