Рет қаралды 40
Адьувьчин созэн. Сардор Рахдор
МОДЗИВ
Тонасан Помир кӯйэн йастат им динйо ца йаст,
Тонасам зинда ца машат тонасам гӯйо ца йаст,
Тонас им олам ца йастат, пуц ца йастат, мо ца йаст,
Пуцта ху мод зивь напардьидьд, йа ага ум пуц ца вьавт!
Одаминзода ба гардьан аз назэм та болубол,
Аз ху Пир ивась матал тарэ лувьум маса малол,
«Одама гуйо ба ғайр аз зивь йичизгэ нист алол»,
Пуцта ху мод зивь напардьидьд, йа ага ум пуц ца вьавт!
Аз парранда то чарранда, йоғайат йухтай ту час,
Хурн зарэзь дастур навақтат ам накихьт тар ум авас.
Булбулэн йивась ҷириван тар чакал йо ар қафас,
Пуцта ху мод зивь напардьидьд, йа ага ум пуц ца вьавт!
Сардор Раҳдор
аз ҷон пиро
Пар-парак курта қатай нихьтайдат аз боғэн мадьэн,
Гул лувьум, тӯт гулрэ зойа, мэст лувьум, тӯт хор ризэн.
Хӯч-хӯчак тэйэ гимон савьзьа навунт озорэ та,
Та вийов зэхьтов майинат, та ху вудьдов ҷон разэнт.
Дьар па дьар тэйум ба сад умидь, вунум та ноқадо,
Ҷон ца вьавт ар цонд ширин, тӯт мурэ аз ҷон пиро.
Нала тӯт гӯйо сабо вьо хьар ба хьар хьэтов равон,
Йота му зордьак хьичафтат йо дина нихьтизд му ҷон.
Бад дуъойум нист раво аз тарийат, му зивьтэ бодь,
Ноқ ҳаво кихьт абрата, силэн кинан пандэн вирон.
Дьар па дьар тэйум ба сад умидь, вунум та ноқадо,
Ҷон ца вьавт ар цонд ширин, тӯт мурэ аз ҷон пиро.
Мардумэн нала туйат суст ошиқат ам булавас,
Та вафо гӯйо йимисьат та му живҷахь йи нафас.
Аз ху ҷонат, аз ху номат, аз ху номус татэ дьам,
Ғайрэ аз та тар йийорась нисттэ Сардора ҳавас.
Дьар па дьар тэйум ба сад умидь, вунум та ноқадо, Ҷон ца вьавт ар цонд ширин, тӯт мурэ аз ҷон пиро.
#2024 #beautiful #music #best #pamir #top #pamirmusic #pamirmedia #памир #памирмедиа #памирмузик