ب ٤ مكونات وبدون أي قطاعات هنعمل بسكوت(سابليه) ومن نفس العجينة هنعمل بسكوت القهوة تحفة مقرمش يجنن 😍

#marianhabib
#سهل_سريع #سابليه #بسكوت_القهوة #قهوة #بسكوت_الزبده #٤_مكونات #بسكوت #سابلية
المقادير :
٣٠٠ جرام زبده طريه
١٥٠ جرام سكر بودر
رشه ملح ، ٢ باكو فانيلا
بيضه بدرجة حراره المطبخ
نص كيلو دقيق ٥٠٠ جرام يفضل دقيق كحك وبسكوت او كيك
او جميع الاستعمالات
ربع م ص بيكنج بودر مهم منزودش اكتر من كده 👍
⬅️ لو هنعمل بسكوت القهوة :
هناخد ربع كمية العجينة بعد م نعملها ونضيف ليها م ك نسكافية قهوة سريعه الذوبان مذابة ف م ص مياه نضيفها العجين وعليها م ك ممسوحة دقيق وبس 🤩
ممكن بدل معلقة الدقيق معلقة كاكاو بس مهم يكون كاكاو محلي مش خام علشان البسكوت ميمررش معانا 👍
الطريقة :
ف طبق هنضيف السكر والزبده ورشه الملح والفانيلا ونخفق كويس بمضرب كهربي او سلك يدوي لحد م نوصل لقوام كريمي فاتح نضيف بعدها البيضة ونخفق دقيقة تاني وبعد م تختفي نضيف الدقيق والبيكنج بودر ونقلب الخليط ب اطراف صوابعنا لحد م تتشكل عجينة طريه حلوه كده تمام 👍 ممكن بقي ناخد منها جزء ونعملها ب القهوة وبعد كده نغطيها وندخلها التلاجة ترتاح حوالي نص ساعة
بعد كده نبدأ نشكلها ف صنيه مش مدهونة ويفضل الومنيوم ناخد حته حته من العجينة حوالي ٤ جرام او اد البندقة ونعملها كوره ونرصها ف صنية وجنبها واحده تاني وواحده تاني لحد م نعمل شكل البابلز دا ومهم نسيب مسافات بسيطه بين كل بسكوته علشان بتفرد بسيط فالفرن وبس تدخل فرن ساخن كويس ع ١٨٠ رف أوسط حوالي ٢٠ دقيقة احنا بعد ربع ساعة نتابعها ولو اخدت لون دهبي حلو من تحت نهدي النار ل ١٦٠ ونسيبها شويه تاني علشان تاخد لون حلو من الأطراف وتقرمش معانا تخرج تبرد تماما ونشيلها من الصنيه وتتاكل بالف هنااا تحفة ريحة وطعم قمر بجد 😍😍
تشكيل بسكوت القهوة بنفس الطريقة اخدت حتة عجينه برضو حوالي ٨ جرام وعملتها كوره وبططها شويه ورصيتها ف الصنيه وع الوش واحده شوكليت شيبس وتدخل الفرن 👍
ملحوظة ⬅️ لو هنعمل كميه من البسكوت يفضل نسيب العجينة ف التلاجة وناخد جزء جزء نشكله يخلص ناخد جزء تاني علشان ف الحر العجينة ممكن تفصل منكم ويفضل برضو يكون مكان في تهوية او مروحة علشان برضو العجينة متفصلش
ممكن نشكل السابليه دا بين كيسين بلاستيك ويتقطع بأي قطاعات زي م نحب
ممكن بعد م يبرد تماما او تاني يوم نزين البسكوت او السابليه ب شوكولاتة او مربي حسب الرغبة 🤩

[@sherykitchen]

رووعه تسلم ايدك بالتوفيق ديما❤

[@marianhabib4668]

شكرا حبيبتي

[@Nerm467]

الله علي الجمال ما شاء الله احلي من كده مفيش ❤تسلم ايدك ألف هنا

[@marianhabib4668]

شكرا حبيبتي

[@SHSMSNADA]

تسلم ايدك ياقلبي فعلا روعه ماشاء الله ❤

[@marianhabib4668]

شكرا حبيبتي

[@monaedwar8423]

حبيبتى ممكن المقادير بالكباية

[@marianhabib4668]

انا أسفه بس معايرتش بالكوب انا وزنت علطول ف ممكن لو قولتلك بالكوب متبقاش مقادير مظبوطه