بەڵگە فیلمی "تاقیگەی ژمارە ٢" بەشداری گەورەترین فێستیڤاڵی بیگ سکای وڵاتی ئەمریکا دەکات

بەڵگە فیلمی "تاقیگەی ژمارە ٢" بەشداری گەورەترین فێستیڤاڵی بیگ سکای وڵاتی ئەمریکا دەکات
بەڵگە فیلمی تاقیگەی ژمارە ٢ لە گەورەترین فێستیڤاڵی بیگ سکای وڵاتی ئەمریکا لە بەشی پێشبرکێدا کێبرکێی خەڵات دەکات، کە کوالیفای ئۆسکاریشە بەمەش فیلمەکە بووەتە پاڵێوراو بۆ فێستیڤاڵی ئۆسکار.
هاوکار ساڵح بەڕێوەبەری بەرهەمەکە بە دیجیتاڵ میدیای ئێن ئاڕ تی راگەیاندوە، بەڵگە فیلمی تاقیگەی ژمارە ٢ کە بەڵگە فیلمی کوردییە لە سیناریۆ و دەرھێنانی ھەردوو فیلمسازی کورد ئیدریس ئەبدی و ئاوارە عومەرە.
تاقیگەی ژمارە دوو خاوەنی دوو خەڵاتی دیکەیە بۆ باشترین بەڵگە فیلمی نێونەتەوەیی لە ھەردوو فێستیڤاڵی سلێمانی و سلێبرێتی وڵاتی ئیتاڵیا.
ئەم بەرھەمە بەھاوکاری کۆمەڵێک فیلمسازی بەتوانای دیکە بەرھەم ھاتووە، یاریدەدەری دەرھێنەر لیلیان ئەمیر و بەرێوەبەری بەرھەم ھاوکار ساڵح، کاری رەنگکردنی میران عومەر ئەنجامی داوە و شاعیری ناودار رامیار محەمەد کاری نوسینی تێکستی کردووە، ھونەرمەندی گەورەی شاری سلێمانی قادر جەلال کاری خوێندنەوەی بۆ ئەنجام داوە.
ئەوەی گرنگە باس بکرێت ئەم بەڵگە فیلمە کوردییە دووەم فیلمی کوردییە کە لە فێستیڤاڵی بیگ سکایی وەردەگیرێت و یەکەم بەڵگە فیلمی کوردیە پالێوراوە بۆ ئۆسکار