Рет қаралды 189
«Алпамыс» театралдық-цирктік шоуы бұл - кәсіби акробаттар, авторлық музыка, көздің жауын алатын декорациялар. Астана қаласының тұрғындары мен қонақтарын таңқалдыру үшін қойылым авторлары күні-түні тынбай, жұмыс істеді. Мың адамға шақталған зал өз көрерменін асыға күтуде. Бұл да елорданың 20 жылдығы қарсаңында қазақстандықтарға жасалған ерекше тарту болмақ. Цирктік шоу аптасына төрт рет өтеді. Көрініске 70-тен астам әртістер қатысады. Олардың жартысы қазақстандық әртістер. Қойылымда өнер көрсететіндер нағыз өз ісінің шеберлері. Араларында халықаралық байқаулардың жүлдегерлері мен әлемге әйгілі «Cirque du Soleil» қойылымдарында тәжірибе жинаған қатысушылар да бар. Аңыздың негізгі кейіпкері Алпамыстың рөлін сомдаушы - Дархан Қамбышев. «Алпамыс» театралдық-цирктік шоуы қала тұрғындары мен қонақтарының назарына бүгіннен бастап 31- тамызға дейін бейсенбі мен жексенбі аралығында ұсынылады.