B ჰეპატიტის მართვის პროგრამა დაიწყო

საქართველოში B ჰეპატიტის მართვის ახალი პროგრამა დაიწყო.
ნებისმიერ ადამიანს უკვე აქვს საშუალება, გაიაროს ტესტირება, ვირუსის აღმოჩენის შემთხვევაში კი ძვირადღირებული კვლევები სრულიად უფასოდ ჩაიტაროს. ასევე საჭიროების შემთხვევაში, უსასყიდლოდ მიიღოს ძვირადღირებული მედიკამენტებიც. მათ, ვისაც ვირუსი არ დაუდასტურდება, B ჰეპატიტის საწინააღმდეგო ვაქცინაციის ჩატარების შესაძლებლობა ექნება. ამ დრომდე, B ჰეპატიტით დაავადებულ ადამიანებს მკურნალობა საკუთარი სახსრებით უწევს საჭირო მედიკამენტების ღირებულება კი თვეში ასობით ლარს აღწევს, რის გამოც პაციენტების დიდი ნაწილი სრულფასოვან მკურნალობას ვერ ახერხებს. სექტემბრიდან პრეპარატებს უფასოდ მიიღებს ყველა მოქალაქე, რომელსაც მკურნალობას სპეციალისტი დაუნიშნავს.
ეწვიეთ ჩვენს საიტს - 1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.