Рет қаралды 624,995
Бәріңізге ассалаумағаликум. Ұлттық қауісіздік комитеті Кәрім Мәсімовтің біз білмейтін сұмдық былықтарын ашыпты. КНБ бұрынғы басшысының үстінен үсті-үстіне айып тағылып, тергеу жүргізіліп жатыр екен. Басқасын айтпағанда ол 2 млн. АҚШ доллары сомасында пара алған. Ал үйін тінту кезінде қандай заттар табылды? Одан бизнес санаттағы 11 қымбат көлік тәркіленгені рас па? Премьер министр боп тұрған шағында қандай жемқорлық жасаған? Туысқандарынан қанша ақша алынды? Мұндай сұмдық ақпараттарды сізге білген дұрыс!
ҚАЙЫРЫМДЫЛЫҚ
Бөліс
Бөлісу
Бөл
Ұлттық қауіпсіздік комитеті мемлекетке опасыздық жасау, билікті күшпен басып алу және лауазымдық міндеттерін асыра пайдалану күдігі бойынша Кәрім Мәсімов пен басқа да адамдарға қатысты қылмыстық істі тергеуді жалғастырып жатыр. Тергу барысында Мәсімовтің іс-әрекетінде көптеген сыбайлас жемқорлық белгілері анықталған. Отандық бизнес қауымдастықтар мен шетелдік субъект өкілдерінен жылжымайтын мүлік, қымбат сыйлықтар, соның ішінде мәдени құндылықтар, елеулі мөлшерде ақшалай қаражат алу фактілері құжатталды. Енді жеке-жеке айтсақ, жабық келісімшарттардың бірі бойынша шетелдік мемлекет өкілдерінен ҰҚК төрағасы боп тұрған шағында 2 миллион АҚШ доллары сомасында пара алған. Бұл ақша Гонконгтан Қазақстан Ұлттық банкіне қайтарылыпты.
Сонымен қатар Мәсімов премьер-министр боп тұрған кезінде бизнес-құрылымның бірінен астанада құны 2,5 миллиард теңге тұратын элиталық тұрғын үй мен жер телімін алды деген күдікке ілінді. Мәсімовті ұстағаннан кейін осы тұрғын үйден 17,2 миллион АҚШ доллары мөлшерінде қолма-қол ақша, сондай-ақ көптеген құнды заттар - элиталық сағаттар, алтын кесектері, антиквариат және басқа заттар тәркіленген.
Сағат демекші Мәсімов анау-мынау сағат тағатын немесе сыйлыққа алатын адам емес. ҰҚК ұсынған суреттегі мына сағаттың құны шамамен 7-8 мың еуро яғни біздің ақшамен 4-5 млн.теңге тұрады екен деп жазды каз.орда.кз сайты.
Мәсімовтің былығы бұл ғана емес, одан бизнес санаттағы 11 қымбат автокөлік алынды. Нұр-Сұлтан қаласындағы екі элиталық пәтеріне, Алматы қаласындағы 2 пәтері мен дербес сарайына, сондай-ақ Щучье-Бурабай шипажайы аймағы көлінің жағасындағы аумағы 1 гектар жер теліміне тыйым салынды. Мәсімов туысқандарында әбден қарық қылған екен. Жақын байланыстарынан 5 миллион АҚШ долларынан аса ақша алынып, оған тыйым салынды.
Осымен бір мезгілде Мәсімов пен оның айналасындағылар шетел банктеріне заңсыз шығарған аса ірі мөлшердегі ақшалай қаражатты іздестіру, бұғаттау және Қазақстанға қайтару бойынша жұмыс ұйымдастырылды деп хабарлады ҰҚК.
Бұл Мәсімов байлығының бір шеті ғана болуы мүмкін. Суреттегі чемодан-чемодан ақшаның әлі қаншасы табылатыны немесе табылғаны белгісіз. Бірақ бары анық. Бір езде оның Америкада 16 зәулім үйі бар деген ақпарат тарап еді. Егер ол шын болса бүкіл үйінің бағасын мөлшерімен есептей беріңіз...Түсіңізгеде кірмейтін цифрлар елестеп кеткен болар. Осы жолғы әшкереленген байлықтарының өзін көріп біздің жұрт аң-таң. Тойымсыз, Үйін музей қылсын да, барып бізде тамашалайық деген пікірлер айтылып атыр.
Ал журналист Ербол Мәндібек үкіметке үйірсоқ шенеуніктердің барлығында мұндай байлық ар деп видеопікір білдірді. Тыңдап шығыңыз.
СНХ:
Ел Мәсімовтің байлығына тамсанып тұрған шақта Назарбаевтың күйеу баласы мен құдасына қатысты қылмыстық іс қозғалды деген тың ақпарат жылтың ете түсті. Orda.kz редакциясы миллиардерлер Тимур Құлыбаев, Қайрат Боранбаев және Александр Машкевичтің Молдованың ұйымдасқан қылмыспен және аса маңызды істермен күрес жөніндегі прокуратурасына жауап алуға шақырылғаны туралы сотқа шақыру қағазының көшірмелерін алды.
Orda.kz редакциясы Молдова Республикасына Тимур Құлыбаев пен Қайрат Боранбаевты жауап алуға шақыру туралы ресми сауал жолдаған. Прокурор Денис Поятэнің айтуынша, 189-баптың 6-бөлігі «бопсалау» бойынша қылмыстық іс бойынша күдікті ретінде танылған қазақстандықтардың кейбірі жауап беруге келмеген. Қылмыстық іс 2021 жылдың тамыз айында қозғалған.
«Осы қылмыстық іс бойынша қылмыстық қудалау барысында әртүрлі процессуалдық сипаттағы айғақтар беру үшін бірнеше адам әлі келмеген. Қазақстан Республикасының азаматтары жауапқа шақырылып, олардың сотқа келуін ұйымдастыру мәселесі қаралды. Бұдан былай қылмыстық қудалау Молдова Республикасының Қылмыстық іс жүргізу кодексінің нормаларына сәйкес шешілетін болады» деп жауап берді Денис Поятэ.
Молдова Республикасы қылмыстық-процестік кодексінің 212-бабына сәйкес, басқа ақпарат жария етілмейді екен.
Жүре берсең, көре бересің деген осы. Қазақты тонағандар жайлы әлі талай былық ашылып, байлықтары елге қайтарылатын күн тусын. Сіз үшін білген дұрыс!