巴黎奧運｜藝人齊集錄影廠同賞精彩賽事 諾懿被女同事圍剿古佩玲回應拖手戀事

巴黎奧運｜藝人齊集錄影廠同賞精彩賽事 諾懿被女同事圍剿古佩玲回應拖手戀事
巴黎奧運｜藝人齊集錄影廠同賞精彩賽事 諾懿被女同事圍剿古佩玲回應拖手戀事
近排大家全天候直擊唔同嘅奧運精彩賽事，呢日 詹天文 何晉樂 Rock 周吉佩 Venus Chi Chi 支嚳儀 顏米羔 mic-GO 劉威煌 周嘉洛 Kalok Ricco Ng 吳偉豪 黎諾懿 Lokyi Lai 仲有奧運之星 劉穎鏇 Tiffany Lau Honey Ho 何泳芍 同埋《愛．回家》嘅 Joyce Tang 滕麗名 呂慧儀 長腳蟹 古佩玲 齊齊於電視城以巨形屏幕欣賞，氣氛超級熱鬧。
雖然因為香港同巴黎嘅時差影響，唔少賽事都喺深夜至凌晨舉行，不過就無阻大家嘅熱情，好似諾懿就開綠燈俾小春雞捱夜睇電視，不過滕Auntie同呂Auntie就擔心小春雞唔瞓他日會唔長高，圍攻諾懿非常搞笑。長腳蟹就藉仔仔蟹籽沉迷淨水項目，趁機叫佢多多留意世界頂級運動員嘅動作參考喇。
Ricco同嘉洛呢對好兄弟，早前先由台灣拍新劇返港，而Ricco呢日就提到自己鍾意睇滑浪，仲話項目非常受天氣影響，覺得更加刺激呀。至於幾位《中聲》成員，就齊齊對微笑劍后 江旻憓 非常敬重，仲話佢嘅笑容可以傳染予大家呀。身為爸爸嘅吉吉仲透露仔仔曾經集劍，不過後來就轉學跆拳，因為仔仔認為更加直接好玩咁話。
《愛．回家之開心速遞》早前到廣州宣傳，日前就有傳媒指當日緋聞男女 古佩玲 同 陳浚霆 毫不避嫌公開拖手，呢日Kelly就解釋當時係因為手捧花束又要落樓梯，加上一向都係遴迍鬼，所以當時風少毫非常紳士地出手相扶，至於有冇發展空間，Kelly就開晒口歡迎約會喎，咁Andrew睇到就有識做喇。
#巴黎奧運 #TVB奧運 #黎諾懿 #滕麗名 #呂慧儀 #捱夜 #游水 #吳偉豪 #周嘉洛 #滑浪 #支嚳儀 #江旻憓 #微笑劍后 #周吉佩 #跆拳道 #古佩玲 #陳浚霆 #拖手 #遴迍體質 #緋聞 #約會OK
#TVB #無綫新聞 #News #StayHome #WithMe #跟我一樣 #宅在家