Рет қаралды 6,345
巴黎奧運|藝人齊集錄影廠同賞精彩賽事 諾懿被女同事圍剿古佩玲回應拖手戀事
近排大家全天候直擊唔同嘅奧運精彩賽事,呢日 詹天文 何晉樂 周吉佩 支嚳儀 顏米羔 劉威煌 周嘉洛 吳偉豪 黎諾懿 仲有奧運之星 劉穎鏇 何泳芍 同埋《愛.回家》嘅 滕麗名 呂慧儀 古佩玲 齊齊於電視城以巨形屏幕欣賞,氣氛超級熱鬧。
雖然因為香港同巴黎嘅時差影響,唔少賽事都喺深夜至凌晨舉行,不過就無阻大家嘅熱情,好似諾懿就開綠燈俾小春雞捱夜睇電視,不過滕Auntie同呂Auntie就擔心小春雞唔瞓他日會唔長高,圍攻諾懿非常搞笑。長腳蟹就藉仔仔蟹籽沉迷淨水項目,趁機叫佢多多留意世界頂級運動員嘅動作參考喇。
Ricco同嘉洛呢對好兄弟,早前先由台灣拍新劇返港,而Ricco呢日就提到自己鍾意睇滑浪,仲話項目非常受天氣影響,覺得更加刺激呀。至於幾位《中聲》成員,就齊齊對微笑劍后 江旻憓 非常敬重,仲話佢嘅笑容可以傳染予大家呀。身為爸爸嘅吉吉仲透露仔仔曾經集劍,不過後來就轉學跆拳,因為仔仔認為更加直接好玩咁話。
《愛.回家之開心速遞》早前到廣州宣傳,日前就有傳媒指當日緋聞男女 古佩玲 同 陳浚霆 毫不避嫌公開拖手,呢日Kelly就解釋當時係因為手捧花束又要落樓梯,加上一向都係遴迍鬼,所以當時風少毫非常紳士地出手相扶,至於有冇發展空間,Kelly就開晒口歡迎約會喎,咁Andrew睇到就有識做喇。
#巴黎奧運 #TVB奧運 #黎諾懿 #滕麗名 #呂慧儀 #捱夜 #游水 #吳偉豪 #周嘉洛 #滑浪 #支嚳儀 #江旻憓 #微笑劍后 #周吉佩 #跆拳道 #古佩玲 #陳浚霆 #拖手 #遴迍體質 #緋聞 #約會OK
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0