Білген дұрыс! Сот орындаушылары қай шотты бұғаттай алмайды?

Соңғы жылдары сот орындаушыларының заңсыз әрекетіне қатысты шағым көбейген. Ел әсіресе, ескертпей, бүкіл шотты бұғаттай салуды әдетке айналдырғандарын сынға алып жатыр. Сорақысы, кейбір сот орындаушылары борышкердің жалақы түсетін шотына да, тіпті «қорғалған арнайы шотына да» шектеу қояды. Ал, енді бірі қарызы бар кісінің емделуге, не тұрғын үй жағдайын жақсартуға жинап отырған қаржысынан өндіреді екен. Алайда, мұның бәрі заңсыз дейді мамандар. Жалпы, осындай қиын жағдайда қалған адам не істеуі қажет? Әріптесім, Нұрболат Жаңабекұлы айтып беруге әзір. Нұрболат, сот орындаушылары тарапынан қандай бір заң бұзушылық болса, кімге жүгінген жөн?
НҰРБОЛАТ ЖАҢАБЕКҰЛЫ, тілші:
- Алдымен, шағымданбас бұрын себебін анықтап алған абзал дейді заңгерлер. Яғни, шотыңыз бұғатталды, не банк картаңыздан ақша шешілді деген хабарлама келсе, бірден тиісті органдардан нақтылауыңыз қажет. Негізі, мерзімі өткен берешектер үшін қаржы ұйымдары транзакцияларды тоқтата тұру түріндегі шектеу қоя алады. Әрі, сот шешімі негізінде шоттағы ақшаға тыйым салынуы ықтимал. Мәселен, адам алимент төлеуден бас тартып, салық не борышын, айыппұлын өтемеген жағдайда мұндай шешім орынды-ақ. Ал, сот орындаушысы тек сот шешіміне сәйкес қана әрекет ететінін ұмытпағаныңыз жөн. Демек, адам қарызын қайтармаса, кредитор оны сотқа береді. Судья қанағаттандырса, атқарушылық құжат өндіріске алынады. Сәйкесінше, сот орындаушылары бірден борышкерді хабардар етуге міндетті.
Нұрболат, бұл тәртіп түсінікті. Ал, сот орындаушылары борышкердің бүкіл шотына шектеу қоюға құқылы ма?
НҰРБОЛАТ ЖАҢАБЕКҰЛЫ, Тілші:
- Жоқ, Асыл, олар арнайы шоттарды бұғаттай алмайды. Яғни, сот орындаушыларға алимент, жәрдемақы секілді әлеуметтік өтемақы алуға арналған шоттарды бұғаттауға, қарызды өндіріп алуға тыйым салынған. Әрі, шектеу өндірілуі тиіс сома шегінде ғана қойылады. Сондай-ақ, тұтынушының шотында кем дегенде ең төменгі күнкөріс деңгейіндегі сома қалдырылуы қажет. Бұл тәртіп бұзылса не қарыз сомасы әртүрлі шоттардан бірнеше рет ұсталса, шағымдануға болады.
НҰРБОЛАТ ИБРАЕВ, заңгер:
- Сонымен қатар, Бірыңғай жинақтаушы зейнетақы қорындағы ақшаларды, сосын үй алуға арналған ақшаларды бұғаттауға немесе ол ақшадан өндіруге болмайды. + Кейбір жеке сот орындаушылары бар өз функцияларын дұрыс атқармайды. Ал кейбірі өзіне берілген өкілеттілікті асыра пайдаланады.
НҰРБОЛАТ ЖАҢАБЕКҰЛЫ, тілші:
- Сондай-ақ, банк жеке сот орындаушысына жалақыңызды толық аударып жіберсе сол бойда қаржы ұйымына жүгінгеніңіз жөн. Яғни, төлемді қайтару үшін түскен ақшаны қайтадан тексеруге өтініш тастау қажет. Банк өтінішіңізді тексеріп, жеке сот орындаушысына сұраным жолдайды. Ал, олар жауап бермесе, жеке сот орындаушыларының республикалық палатасына арыз тастайсыз. Болмаса, сотқа жүгінуге құқығыңыз бар. Тіпті, лицензиясынан айыруға мүмкіндік мол дейді заңгерлер.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp [phone]
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

[@Kazakhstan_king]

Мына Алимент дегенді қысқарту керек кінә тек бір жақтан болмайды ғой. Қазіргі кезде қыздар бір екі бала тауып алиментке бере салып ажырасып оңды солды жүргенді жақсы көрет.Сондықтан кімде жұмысы бар асырайды алады соған баланы қалдырғаны дұрыс

[@user-gj8up4yz2c]

Шшс 10 жыл болдыгой кара халыкты канап келе жатканына жеке сот орындаушылар , енди гана соны айтып жатсындар

[@user-lw4bz3jh1i]

Есепшінің дурыс аудармауына баиланысты.балаларға алимент толық тимеген счоттарымды бғақтады..дұрыс па қалаи шағымдданам.

[@user-xv7jq8qc8v]

Жеке сот деген бале болды асыра паидаланат жумысн,симаитын жерге бастарын тыгып ,болмаитын нарсеге чотты бугаттап ,занды билмеит бугаттауды уиренип алган болды.акша олтрип бара жаткан халыкты тонап.