ظبط منظومة الزيت ⚙️🙏⚙️ العمرة ( الجزء الثالث )

منظومة الزيت داخل الموتور أثناء العمرة

[@GomaaElsngry]

الله يباركلك يا هندسه

[@user-Lada_2107]

حبيبي 🌹❤️🌹

[@mohamedbahry5587]

‏‪ياريت استاذ محمد يعملنا فديو عن الفتيس لان انتا عارف الفتيس عندي خشن بس الحمد لله الغيرات كويسه كلها

[@user-Lada_2107]

حاضر أول ما يجي فتيس هنفكه ونعمل أحسن فيديو إن شاء الله

[@Yasser.Osman.A.Z.]

انا برده كده. بس هل عند حضرتك صوت ، او في فرق في الصوت لما تدوس دبرياش. انا عندي صوت نحرة كده و بتروح تماما و أحيانا تقل جدا او تفضل مسموعة بسيط جدا بعد ما ادوس دبرياش ، و انا دايس عليه ، ان كنت بانقل او دايس عليه بس و من فترة الأول و التالت بطلوا يعشقوا و رحت للميكانيكي و اول ما سمع الصوت من غير ما يكشف و لا حتي يبص عليه، قال لي عاوز يزود زيت جيربوكس و بالفعل زوده و الصوت راح و النقلات عشقت كلها بسلاسة و تمام، لكن للأسف الصوت رجع تاني من فترة قصيرة. تقريبا بعد سنة تقريبا والله الواحد بيستفيد جدا من القناة هنا، و اتعلمت حاجات كتير و طبقتها و كانت مفيدة جدا. الحمد لله. و نشكر الأخ الفاضل علي المجهود الجميل. في ميزان حسناته بإذن الله و اشكر كل الناس اللي بتتفاعل علي القناة، بيساعدوا في زيادة المعرفة و تنوع المعلومة بسؤالهم و طلباتهم و الاستفسارات المختلفة. العلم بالشئ جميل و نور للانسان و اللي بيفيد الناس بما يعلم ، فيا بخته و سعده بالثواب و الحسنات اللانهائية. ندع الله ان يصلح حالنا و حال بلدنا و حال الناس. اسف للاطالة ، السلام عليكم ورحمة الله وبركاته

[@أحمدالزهيري-ش4ش]

ممكن رقم ميكانيكي كويس

[@user-Lada_2107]

@@أحمدالزهيري-ش4ش ‏‪[phone]‬‏

[@hassanfathy6646]

ا. محمد العربية مركونة يوم ونص جيت ادور لاقتها متلتة جامد والمكينة صوتها طالع نازل طالع نازل ممكن افادة ؟

[@user-Lada_2107]

شيك على البوجيهات في بتوجيه قاطع

[@hassanfathy6646]

@@user-Lada_2107 الف شكر فعلا طلع بوجيه وبيظبط لما العربية بتسخن هو عشان ساكن عالبحر الرطوبة بتنزل عليه وتتعبه لحد ما العربية تسخن بس برضوا لازم حل

[@user-Lada_2107]

@@hassanfathy6646 غير البوجيه مفيش مشكلة

[@noureldinbahy6723]

كلفتك كام معلش .؟

[@user-Lada_2107]

كلفت صاحبها ١٠٠٠٠ جنيه وحضرتك هتلاقي العمرة من أولها الجزء الاول والثاني في الفيديوهات وفيها سعر كل حاجة بالتفصيل والجزء الرابع هينزل خلال أيام

[@noureldinbahy6723]

@@user-Lada_2107 شكرا حضرتك عندك.معلومه ع رحضه تعنمها كام رخصه شخصيه

[@user-Lada_2107]

@@noureldinbahy6723 هطلعها لأول مرة

[@noureldinbahy6723]

@@user-Lada_2107 اه

[@noureldinbahy6723]

@@user-Lada_2107 ايوا ي فندم

[@AhmedEzzat-iw1pc]

في دخنة بيضة بتطلع بيقولولي مكنة خفيفة دا يكلفني كام معلش

[@user-Lada_2107]

الدخنة جامدة ولا بسيطة ؟

[@AhmedEzzat-iw1pc]

@@user-Lada_2107 بسيطة

[@user-Lada_2107]

@@AhmedEzzat-iw1pc هل العربية بتاكل زيت او البوجيهات بيجي عليها زيت ؟

[@AhmedEzzat-iw1pc]

@@user-Lada_2107 لا بس البوجيه بيجي عاليه زيت بسيط

[@user-Lada_2107]

@@AhmedEzzat-iw1pc لو الزيت بيجي على الشمعة يبقى شنبر لكن لو بيجي على السن القلاوظ يبقى جلب صبابات

[@Yasser.Osman.A.Z.]

السلام عليكم. ازي حضرتك؟ اولا شكرا جزيلا، و جزاك الله خير. ثانيا انا اسف جدا اني اكتب كتير علشان اشرح حاجة، و بصراحة انا مش عاوز اتقل علي حضرتك، و محرج كل شوية أسألك في حاجة، و حضرتك عمرك ما بتتأخر في اي رد بصراحة، ربنا يجازيك خير، فرجاء فقط عندما تكون فاض خالص و ليس عندك اي التزامات تماما، ابقي بعد اذنك اقرأ تعليقي و رد عليا،ةفي اي وقت، خد راحتك او حتي لو مش فاض خالص ، بلاش ترد ، و لو في حاجة مش واضحة رجاء تسألني، حتي مرة و اتنين و عشرة، و ان شاء الله اوضح لحضرتك، كفاية ان حضرتك بتاخد من وقتك و تفيد الناس، فمش عاوز أثقل عليك. ثالثا، ممكن اعرف هل الاسطي ربنا يبارك له، يفهم في التروس و تقسيمة في الجيربوكس، بيعرف يفتحه و يصلحه؟ لأن ٩٠% من الميكانيكية بيقولك جيب جيربوكس كامل مستعمل علي التجربة، للاسف القليل جدا بيعرف يفتحه و يشتغل فيه. الميكانيكي اللي باروحله رجل خبرة و فني و دارس من ٦٠ سنة او اكتر و اخوه رحمة الله عليه كان مهندس ميكانيكا، و صنايعي بيشتغل معاه في الورشة، ناس فاهمة جدا جدا. عن علم و دراسة و كمان خبرة العمر كله، لكن المهندس توفاه الله رحمة الله عليه و الاخ الكبير معدي التمانين تقريبا، لكن بصراحة استاذ جيربوكس و استاذ كل حاجة، لكن بحكم السن بطل ياخد شغل معين، و طبعا بطئ جدا، و في شغل مستحيل يثق في اي صنايعي من اللي عنده يعمله بإيده ، رغم انهم صبيانه، و يقول للزبائن روحوا لحد تاني. المهم، للاسف من الحاجات اللي بطل يشتغلها الجيربوكس لأنه بيقول انه بيحتاج مجهود جسماني هو لا يقدر عليه بحكم السن. و كان حصل معايا انزالهامس مش بيعشق خالص، المهم ذهبت له و في الاول رفض و رحت ل ٤ ميكانيكية مختلفين بوصاية من زباينهم و كلهم بلا استثناء، الأربعة نصحوني اشتري جيربوكس استعمال علي التجربة لان محدش هيصلحه. و بصراحة مكنتش مقتنع، فرجعت للميكانيكي بتاعي و بالعافية وافق يعمله، بعد ما اترجيته ، بعشم طبعا (اعرفه من ٣٥ سنة) و صلحه تمام الحمد لله فضل من الله. رابعا و هو سؤالي لحضرتك ، استشارة فنية، اول الصيف اللي فات بدا يظهر صوت حشرجة خفيف كده بعد ما اتحرك بالعربية بشوية، من تحت العربية، و لما ادوس دبرياش الصوت يختفي، زي صوت حاجة بتلف بحشرجة خفيفة، و بدأ الصوت يعلي و شوية شوية، النقلة الاولي و التالتة بدأوا يعصلجوا في التعشيق، مبيركبوش في التعليقة بسهولة لغاية مرة واحدة مبقوش يعشقوا خالص، مابتدخلش مكانها، التروس مبتعشقش اصلا. و رحت له قال لي ده زيت جيربوكس ناقص، و زوده و النقلات بقيت بتعشق تمام، و لفترة الصوت اختفي تماما و لكن احيانا يبقي في صوت بسيط جدا جدا، و أحيانا يختفي خالص ايام كاملة و يرجع تاني بسيط جدا جدا.. و من شهرين كده رجع الصوت تاني و واضح للاسف، لكن ادوس دبرياش اما يختفي تماما او يقل خالص، علما ان النقلات بتعشق كويس، ماعدا النقلة التانية نادرا تعشق بصوت تروس فاهمني حضرتك؟ فاهم قصدي؟ و انا اسف جدا للاطالة، و اتمني ان لا تكون زهقت مني. انا بسأل بعشم لان واضح ان حضرتك فاهم بسم الله ما شاء الله و الواحد مش في حمل صنايعي يعمل عليه شغل و زي ما بيقولوا يعمله البحر طحينة. و ده السبب اني بزعجك بأسألتي، اشعر اني استغل وقتك دون وجه حق. طيب دلوقتي. هل ده معناه ان في تسريب، و ممكن تكون مشكلة دبرياش. انا حاولت ابص بنفسي لكن مش شايف اي تسريب زيت من عند الماكينة و كمان مافيش حاجة باينة من تحت من الجيربوكس نفسه. اروح ازود زيت تاني و لا رأي حضرتك ايه؟ و هل ممكن نعرف مكان الاسطي ، بحيث لما ربنا يكرم اروح له زيارة اسمعه الصوت ده و يشوف كده محتاجين ايه. بعد اذن حضرتك طبعا و مرة اخري اسف جدا جدا للاطالة و السلام عليكم و رحمة الله

[@user-Lada_2107]

وعليكم السلام ورحمة الله وبركاته ازي حضرتك أستاذ ياسر . أولا حضرتك تسأل زي ما أنت عايز أنا عامل القناة لإفادة الناس وحق اي حد يسأل وواجب عليا الإجابة أول حاجة لازم تتأكد من مستوى الزيت في الجيربوكس عند اي حد بتاع زيت او عند الميكانيكي ولو الزيت ناقص ناخد الخطوة التانية وهي البحث عن مكان تسريب الزيت ومنعه وده اللي هيعمله الميكانيكي إن شاء الله والصوت اللي بتسمعه ده هكون حاجة من اتنين بلية الدبرياج أو بلية الدرك ودول بيتغيروا عادي مفيش مشكلة ولو عاوز تروح للأسطى رشيد هو على محور المحمودية قدام شركة منصور اللي قبل كوبري الحجر وده رقمه ‏‪[phone]‬‏ وإن شاء الله الحل بسيط وتحت أمرك في أي وقت

[@Yasser.Osman.A.Z.]

@@user-Lada_2107 ربنا يبارك لك و يعزك و يكرمك و يجبر بخاطرك. حضرتك انسان محترم و والله انا اتشرفت بمعرفتك. قلما يوجد إفادة من السوشيال ميديا، لكن معرفة حضرتك، زي الدهب، و يشهد الله اني اقول ما أشعر به في نفسي تجاه حضرتك و لا عمري شفت حضرتك و لا نعرف بعض، علشان محدش يقول اني باقول اي كلام. مافيش مرة سألت حضرتك الا و اهتميت و افدتني عمليا، ربنا يقدرني و اتعلم من حضرتك و افيد الناس برده و مل ما افيد حد، حضرتك تاخد الثواب، و ده اقل القليل حقا عليا لذوقك و تعبك. ان شاء الله قبل ما اروح له، هعرف حضرتك برده. و شكرا جدا جدا، ساتبع الخطوات بأمر الله و ان شاء الله خير. السلام عليكم

[@user-Lada_2107]

@@Yasser.Osman.A.Z. بارك الله فيك اخي الكريم. الدنيا لسه بخير. وخير الناس أنفعهم للناس وإن شاء الله ربنا يقدرك وتكون خير الناس . وربنا يديم المعروف والمودة . وجزيل الشكر لذوقك وتقديرك . ويشرفني متابعتك لقناتي المتواضعة 🙏🌹❤️