BİRİNCİ VİTSE-PREZİDENT TƏQDİM OLUNDU

Prezident İlham Əliyev Təhlükəsizlik Şurasının iclasını keçirərək Azərbaycan Respublikasının Birinci vitse-prezidenti Mehriban Əliyevanı təqdim edib. Dövlət başçısı Mehriban Əliyevaya göstərdiyi etimadın səbəblərini açıqlayıb
Prezident qeyd edib ki, Mehriban Əliyeva 2004-cü ildən Heydər Əliyev Fonduna rəhbərlik edir. Fəaliyyətini humanizm prinsipləri əsasında quran Fondun rəhbəri kimi onun gördüyü işlər yüksək qiymətləndiirlir.
Dövlət başçısı Mehriban Əliyevanın MOK-un üzvü və qurumun İcraiyyə Komitəsinin üzvü kimi fəaliyyətini də təqdirəlayiq adlandırıb və onun ölkəmizdə qlobal idman yarışlarının təşkilindəki rolunu vurğulayıb.
Prezident qeyd edib ki, Mehriban Əliyevanın beynəlxalq aləmdə böyük nüfuzu var. O bir çox ölkənin ən yüksək orden və medallarına layiq görülüb. YUNESCO VƏ İSESCO-nun xoşməramlı səfiri olması isə Mehriban Əliyevanın dinlərarası və sivilizasiyalararası dialoqa verdiyi töhfə ilə bağlıdır. Dövlət başçısı bəyan edib ki, Mehriban Əliyevanın çoxşaxəli uğurlu fəaliyyəti onun vitse prezident təyin olunmasına dair qərar verməyimdə əsas rol oynayıb. O peşəkar, bilikli, təcrübəli , prinsipial və xeyirxahdır-deyən prezident İlham Əliyev əlavə edib ki, Azərbaycan xalqı Mehriban Əliyevava böyük rəğbət və sevgi ilə yanaşır.
Mehriban Əliyeva göstərilən böyük etimada, olduqca mühüm məsuliyyətli vəzifənin ona həvalə edilməsinə görə təşəkkürünü bildirib.