Рет қаралды 4,370
БІЗДІҢ KZbin АРНАҒА ТІРКЕЛІҢІЗ: / @informburo31kanal
---------------------------------------------
"Мұзарт" тобындағы Кенжебек Жанәбіловке ән сатқан адам туындыны тағы он шақты өнерпазға саудалаған болуы мүмкін. Өзін ақын және композитормын деп таныстырған азаматқа кәміл сеніп, ұятқа қала жаздаған жұлдыздардың арасында Асхат Тарғын да бар. Әншілердің көбі шығармалардың арзан бағасына қызыққан. Алайда түптің түбінде салған әні де, төленген ақша да жоқ. Бүгін Алматыда бір топ өнер адамы осы мәселе бойынша шағым айтып, құзырлы органдардан тиісті шара қабылдауды сұрады.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Бұл "ән аламыз деп сан соқтық" деген шағымы бар әншілердің бір бөлігі ғана. Өнерпаздардың сөзінше ақын-композитордың атын жамылған азаматтың әрекетінен бас-аяғы 100-ге жуық адам зардап шеккен. Көбі 100 мыңдап шығынға батса, он шақты әнші бір әнге таласып қалдық дейді.
ПЕРИЗАТ АЛПЫС, Әнші, актриса:
- Қысқасы шоу-бизнесте алаяқ жүр. Оның есімі Жақсылық Ыбырай. Бұл маған сатқан 3 әннің авторының біреуі де өзі емес екенін түсіндім. Өз авторлары шықты. Әйгерім Сырлыбаева, Саят Әбеновтың әндерін маған сатқан екен. Ол кісілерге айтсам, ол кісілер де ашуланды. Олар: "Бұған дейін де біздің әндерімізді сатып келген",-дейді.
ӘЛИ РИМОВ, Әнші:
- 10-15 адамға сатылған ба, соны білмеймін нақты. Енді ондай әнді мен де алыппын. Тақырыбы әйелдер, идеал, патша мен патшайым жайлы. Арзан болғаннан кейін, тегін келіп тұрған соң аласың. Сөзі де, музыкасы да әдемі. Қарасам, ол әнді мұндағылар кісілер шығарып тастапты. Енді шығарсаң ұят болады. Елдер еңбектеніп қойды, клип түсіріп тастапты.
ҚАНАҒАТ МЕЧЕНБАЙ, Әнші:
- Оранжеровкасымен, свидениесімен, домбыра-гитарасымен қосып жасап беремін деді. Мен таңғалдым, біз деген 1 әнді 350-400 мыңға жазамыз. Ақындарың бар ол жерде, оған 500 мың кетеді. Сөйтіп айтып едім, ол баласының ауырып жатқанын айтты. Ақшадан қысылып жатырмын деді. Содан 80 мың теңгеге алдым әнді. Ол ертең дайындап жіберетін айтып, ертесі күні жоқ болды.
Ал басы дауға қалған азамат әншілердің уәжін жоққа шығарып, олардың айыбын жалаға теңеді. Бір әннің бірнеше адамға сатылғанына қатысы жоғын айтты.
ЖАҚСЫЛЫҚ ЫБЫРАЙ, Алматы қаласының тұрғыны:
- Жоқ, енді менің әннің 10 адамға сатылғанына қатысым жоқ. Кінә жоқ демеймін. Ол бекер, жел тұрмаса шөптің басы қимылдамайды ғой. Менен де біраз қателіктер болды негізі. 2-3 күнде барлығын по факту реттеймін. Мен сізге кері байланысқа шығамын, оларға шықпасам да. Болды. Өзім хабарласамын, қайта-қайта мазалау қажет емес.
Әншілер қолда тиісті айғақ барын алға тартады. Олар полицияға арыз да қалдырған.
САЛТАНАТ ӘЗІРБЕК, Алматы қаласы полиция департаментінің ресми өкілі:
- Бостандық ауданына қарасты полиция бөлімінің қызметкерлері тексеру жұмыстарына кірісіп кетті. Барлық объективті мән-жайлар анықталып, құқықтық тұрғыда баға берілетін болады.
"Біреудің әнін басқаға сатты" деген атаққа қалған азаматқа ашулы әнші көп. Алайда бірі мәселеге қолын бір сілтесе, енді бірі осы дау шешілмейінше байыз таппайтынын айтты.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық