بەرنامەی ئەدەبی کوردی // ناسر حسامی

Рет қаралды 524

Күн бұрын

ناسر حیسامی شاعیر و نوسەری کورد لە
دوایین مانگی هاوینی 1338ی هەتاوی،
سێپتامبری 1959 لە شێخاڵی لە ناوچەی موکریان لەدایک بوو
لە شێخاڵی، کۆنەمەڵڵالەر، بۆکان، نەغەدە و کەرەج خوێندویەتی
ساڵی 1978 بوو بە ئەندامی یەکییەتیی قوتابییانی کوردستان و سەرنووسەری گۆڤاری ئەو یەکییەتییە بە زمانی فارسی.
ساڵی 1980 وەک هاوکاری ”جەمعییەتی دیموکراتیکی موعەلیمانی موبارز“ لە بۆکان، لە بەڕێوەبردنی چەند خولی فێرکردنی خوێندن و نووسینی زمانی کوردیدا بەشداری کرد.ناسر حیسامی دواتر تێکەڵ بە چالاکی سیاسی بوو و تا ساڵی۲٠٠۹بەردەوام بوو
لە بەرهەمەکانی دەتوانین ئاماژە بە:
هۆنراوەەکانم
وەرگێڕدراوی هۆنراوەی 5 شاعیری ئێرانی: نیما، شاملوو، سایە، کەسرایی، موشیری
وەرگێڕدراوی هۆنراوەەکانی بابەتاهیری هەمەدانی
دیوانی وەفایی (ساغکردنەوە و لێکۆڵێنەوە)
==========
بێدەنگی
دەمێکە من لەدووی تۆ دێم، بەبێدەنگی وەکوو "سایە"
نە ڕۆژ خاک هێندە بێدەنگە، نە ئەستێرە بەشەو وایە
هەموو سینەم بە عیشقی تۆ، وەکوو کوانوو بڵێسەی بوو
کە تینی پێ نەما ئیدی، هەموو هەر خۆڵی بەربایە
هەتا سەرسەوزە دارستان، گەڵا و لاولاوی تێک داڵێن
خەزان هەر تاکەدارێکی، لە بەرزریان بەتەنیایە
بەفر بەرزایی داپۆشی، لەبەر مژ ئێستە نابینی
کە ئەم دەربەندە دڵتەنگە، چ تۆفیکی لە سەردایە
زمانێکم دەوێ بۆ دوان، کە بانگم کردی بێژی گیان!
چلۆن بدوێم لەگەڵ خەڵکێک زمانی بێ وشەی وایە
هەتا دەنگی شەقەی باڵت نەیە، خامۆشە دڵ بۆیە
گمەی ئەم کۆترە زامدارە، دەمێک دێت و دەمێک نایە
دڵم وەک نەی دەناڵێنێ، گەرووی سەد قومریی تێدایە
بەبێ پەنجەی هونەرمەندت، حەیف بێدەنگە ئەو نایە
#سازمانی_خەباتی_كوردستانی_ئێران
#ئێران #کورد #کردستان
#sazmanixebat
#شۆڕشی_ژینا
#ژینا_ئەمینی
#پێشمەرگە