#طباشيرة_وسبورة

الحلقة التالتة من سلسة #طباشيرة_وسبورة إللي بنجاوب فيها على كل الأسئلة إللي وصلت لنا عن مجال تدريس الإنجليزي، سواء إللي اتسألت لنا على رسايل الصفحة أو في ورش العمل المختلفة إللي بنقدّمها.
الحلقة دي وإللي جاية هتكون بتناقش موضوع بيمثّل قلق لمدرسين كتير، مع إنه مجرد تمثيلية ... أيوه بالظبط بنتكلّم عن الـ DEMO 😈
لو عندكم أي استفسارات بخصوص الديمو أو مجال تدريس الإنجليزي عموماً، تقدروا تكتبوا لنا في التعليقات وهنعمل فيديوهات تجاوب على كل الأسئلة إن شاء الله.
هنجاوبك هنا على كل الاستفسارات إللي عندك عن الديمو، مقسّمين الكلام لـ قبل وأثناء وبعد الديمو، عشان نناقش الموضوع من كل جوانبه.
شاركوا الفيديو مع كل مدرسي الإنجليزي إللي تعروفهم، واستنونا الحلقة الجاية عشان نعرف مع بعض هنعمل إيه أثناء وبعد الديمو ;)
اتفرّج على باقي فيديوهات سلسلة "طباشيرة وسبورة" من اللينك ده:
• طباشيرة وسبورة
Series Presenter: Basma Abd Elhamied
تقدر كمان تحمّل كتاب "مذكرات أبلة بسمة" إللي بيناقش مواقف مختلفة في التدريس والتعامل مع الطلبة والمديرين والزملاء وأولياء الأمور، وبعض التحديات إللي هتقابلك في بداية شغلك في التدريس، الكتاب مجاني على اللينك ده
bit.ly/AblaBasmasDiaries
/ basmaabdelhamied
#TEFL #TEFLship

[@einfachdeutsch8996]

انا شايفه ان الديمو ده اسلوب معقد لخنق المتقدمين لوظيفه المعلم عشان المدرسه تقعد تنقي وتختار على مزاجها من غير مراعاه لشعور المتقدم عشان يبقى معلم محدش اتولد كامل ولا عنده الخبره كلها في حاجات لازم مش هنتعلمها غير لما هندخل المجال لكن الأسلوب حاليا بقى اسلوب تطفيش عشان عارفين ان ال بيتقدموا كتير غير كده احنا متخلقناش عشان نضغط على نفسنا بكل الضغوطات دي وكأني داخله امتحان ثانويه عامه

[@user-zp9gz6ts1s]

فعلا

[@esraatarek1675]

بكتب ابلكيشن النهارده قالي ديمو بكرة لك حرية التخيل عن حالتي

[@mennaahmed5422]

و​عملتى ايه

[@user-qm7kq6vz8f]

ربنا يجزيكى خير ❤

[@asraadnan3693]

الله يجزيكِ الخير

[@MervatFayyad106]

شكرا

[@user-ix6zt8pz3n]

جزاك الله خيرا 👍

[@TEFLship]

وجزاكِ خيراً ^^

[@basmamostafa5139]

جميل 👍👍

[@moneksh2641]

ممتازة الله يوفقك يارب

[@asmaamahmoud278]

Great

[@farahtark9307]

مس انا هخد ايه وانا محضرة الماضي البسيط يا ريت حضرتك تقوليلي لان بكرة عندي ديمو

[@TEFLship]

على حسب أنتِ ناوية تشرحيه إزاي، ممكن تستخدمي flash cards وممكن يبقى فيها matching لشكل الفعل في الماضي مع الـ inf. في أفكار مختلفة، على حسب أنتِ عايزة تعملي إيه.

[@saedmorad6261]

لو سمحتي انا طالبه في آخر سنه في الجامعه وطالبين مني احضر اي درس وازاي حشرحو لو سمحتي ممكن تساعديني انا خايفه جدا قدام الأستاذ ومش عارفه ازاي احضر درس واشرح

[@TEFLship]

متقلقيش خالص، دي خطوة أساسية وبسيطة إن شاء الله، في نفس السلسلة هنا طباشيرة وسبورة بنتكلّم عن الـ lesson plan والـ demos، شوفي الفيديوهات وطبّقي عليها وكل حاجة هتبقى تمام إن شاء الله

[@saedmorad6261]

@@TEFLship شكرا على ردك 😊😊

[@asmamahmoud4996]

لو سمحتي هو الديمو لمدرسين اللغة الانجليزية بس عشان مطلوب مني ديمو وانا مدرسة Art

[@TEFLship]

الطبيعي إن الديمو مطلوب من أي مدرس، ممكن بعض المدارس متحطوش كـ شرط لمدرسة الـ Art بس ده استثناء، اتعلمي تعمليه إزاي وحضّري درس يبقى جاهز معاكي على طول ومتعودة عليه عشان تبقي جاهزة في أي وقت بردو. اتفرجي على الحلقة دي والحلقات اللي بعدها، بنشرح فيها التحضير للديمو بالكامل، وكل اللي بيتعمل قبل وأثناء وبعد الديمو.

[@asmamahmoud4996]

@@TEFLship متشكرة جدا وجزاكم الله خيرا

[@esraanassef3455]

هو الديمو بيكون عبارة عن باور بوينت ولا مش لازم وممكن اشرح عادي ولا يكون معايا وسيلة

[@TEFLship]

مش لازم يكون في باوربوينت، يكون جميل لو معاكي وسيلة زي مثلاً Flash Cards لو تحبي تشوفي أمثلة للديمو، ممكن تدخلي على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=11 بنشرح فيه كيفية شرح مهارات اللغة، وفي آخر كل مهارة موجود ديمو تطبيق على كيفية شرح المهارة بالنسبة للوسائل، تقدري تشوفي أمثلة مختلفة للوسائل إللي ممكن تستخدميها على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=16

[@speakenglishwithmremad3974]

لا اللي حصل معي ان لقيت الماوس بتاع المكان بايظ والحمد لله كان معاي واحد تاني

[@TEFLship]

برافو عليك (Y) هو ده إللي بنتكلّم عنه، إنك دايماً تكون جاهز ;)

[@farahtark9307]

ممكن تقوليلي الوضع بيكون عبارة عن ايه انا عندي بكرة. لو سمحتي

[@wa3ad703]

شكرا ادعولي بالتوفيق بس مافهمت مووضوع محضر للوقت الاقل و ربع ساعة انشطة زيادة اخليه اكثر كلامك صعب شوي ومش واضح .، شكرا عالنصايح الجميلة وماعطوني وقت احضر شي،. للمدرسين لانترفيور هما اللي اختاروا الدرس ازاي انا اختار هو قالي الدرس بس فهمت عليك يليت لو مافرضوش علي.،

[@TEFLship]

أهلاً وعد ^^ ربنا يوفقك وييسّر لك كل خير المقصود من الكلام إن ممكن لما تروحي تعملي ديمو يكونوا متفقين معاكي إنك تعمليه في 10 دقايق، وبعدين قبل ما الـ 10 دقايق يخلصوا تلاقيهم بيقولوا لك الوقت خلص كفاية كده! أو الـ 10 دقايق يخلصوا وتلاقيهم قرروا يخلوكي تكمّلي عادي، فـ لو أنتِ عاملة حسابك على ديمو مدته 10 دقايق بس، يبقى هتكوني في موقف صعب، لكن لو عملتي تحضير لمدة أقل ومدة أطول وجهّزتي أكتر من نشاط ممكن تستخدميهم، واحد مدته طويلة عشان لو معاكي وقت زيادة وواحد مدته قصيرة عشان لو قالوا لك الوقت قرّب يخلص، فـ كده هتبقى جاهزه لأي سيناريو وهتظهري بشكل محترف ومش هتتفاجئي. في أماكن بتقول لك اختاري أنتِ الدرس إللي عايزه تشرحيه، وأماكن تانية بيقولوا لك على الدرس إللي لازم تشرحيه.

[@amalsaleh6207]

ماهو الديمو

[@TEFLship]

كلمة Demo هي اختصار لـ Demonstration يعني بتِظهري مهاراتك وطريقتك في الشرح عشان تتقبلي في الشغل كـ مُدرِّسة إنجليزي بتعملي الديمو ده قصاد مدرسي الإنجليزي بالمدرسة أو قسم الموارد البشرية عشان يشوفي طريقة شرحك وعلى أساسها تتقبلي معاهم

[@TEFLship]

رفعنا امبارح أكتر من مثال لـ ديمو يا أمل لو تحبي تشوفيهم عملنا ديمو على كل مهارة، هتلاقي الديمو الخاص بكل مهارة هو آخر فيديو في الكورس إللي بيشرح إزاي تدرِّس المهارة دي، كـ تطبيق على الخطوات إللي اتشرحت بالتفصيل، ومعاه الماتيريال إللي اتذكرت في الفيديو وكل حاجة. هتلاقي كل المهارات على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=11

[@ghufransaleh6109]

7:40 ايش الخطأ لما نعمل سترس عالg ب playing ?

[@TEFLship]

النطق الصحيح للكلمة لا يشتمل على stress قوي على حرف الـ g، تُنطق بشكل مُخفف ولا نقف عليها. إذا وقف عليها الطالب المبتدئ مفيش مشكلة، لكن في المستويات المتقدّمة أكتر بنوضّح للطلاب نطق أهل اللغة أكتر عشان يبقوا fluent.

[@omniamonmon4449]

بتتنطق و كأن عندك برد بخنفان شويه من غير ما توضح ال g

[@TEFLship]

الفيديو ده بيشرح طريقة النطق بطريقة كويسة kzbin.info/aero/PL3R5zyJNLfdLPwCwYhHTXpq_3snr4raU4

[@flowerhager9119]

السلام عليكم طيب لو هشتغل ف مدرسة دولية .. بس الدراسات الاجتماعية بتتدرس فيها بالعربي .. هل كدة اللغة مهمة بردوا ؟

[@TEFLship]

هي اللغة دايماً مهمة الأيام دي. نرشحلك تتناقشي في النقطة دي مع أبلة بسمة facebook.com/AblaBasmaAbdElhamied

[@flowerhager9119]

@@TEFLship طيب ممكن لو سمحتم توصلوا سؤالي ل ابلة بسمة .. لان بعتلها مش بترد ع رسائل الصفحة واتصلت برقم. الصفحة مش بترد برءوا

[@TEFLship]

@@flowerhager9119 هي بتقول لحضرتك إن اللغة مهمة في كل الأحوال - لأن ممكن يبقى في مدارس بعد كده تحبي تقدمي عليها تكون بدرسها بالعربي أو بردوا عشان البراندنج بتاع بعض المدارس بياخد ناس بتتكلم إنجليزي عشان أولياء الأمور. ممكن الرسالة تكون موصلتش لأبلة بسمة أو تكون راجت في ال spam فلسه مشافتهاش وده رقم الواتساب بتاعها 01020049951

[@suaadstayl6717]

ايش هوا الديمو

[@TEFLship]

الـ Demo هو اختصار لكلمة Demonstration دي بتكون حصة صغيرة مدتها 10 دقايق أو ربع ساعة بتقدّميها أمام مدرسي اللغة الإنجليزية في الكيان التعليمي إللي بتقدّمي عليه، وبيكون أحياناً حاضر بعض ممثلي إدارة الموارد البشرية الديمو بيكون خطوة أساسية للتعيين لازم هيمر بيها أي مدرس

[@TEFLship]

للتوضيح أكتر، عملنا ديمو على كل مهارة، هتلاقي الديمو الخاص بكل مهارة هو آخر فيديو في الكورس إللي بيشرح إزاي تدرِّس المهارة دي، كـ تطبيق على الخطوات إللي اتشرحت بالتفصيل، ومعاه الماتيريال إللي اتذكرت في الفيديو وكل حاجة. هتلاقي كل المهارات على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=11

[@farahtark9307]

حضرتك لييه معملتيش ده عملي بدل الكلام

[@TEFLship]

هننشر فيديو قريب فيه الخطوات بالتنفيذ إن شاء الله يا فرح

[@TEFLship]

الفيديوهات بتاعة الديمو إللي كنا قلنا لك عليها من فترة خلصت الحمد لله عملنا ديمو على كل مهارة، هتلاقي الديمو الخاص بكل مهارة هو آخر فيديو في الكورس إللي بيشرح إزاي تدرِّس المهارة دي، كـ تطبيق على الخطوات إللي اتشرحت بالتفصيل، ومعاه الماتيريال إللي اتذكرت في الفيديو وكل حاجة. هتلاقي كل المهارات على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=11

[@salmasaid5349]

معلش يعنى ايه ديمو

[@TEFLship]

الديمو Demo اختصار لـ Demonstration بتكون عبارة عن إنك بتمثلي إنك بتشرحي درس قصاد الـ HR والـ English Supervisor في المدرسة إللي بيمثّلوا إنهم طلبة، مدة الديمو بتكون قصيرة، مثلاً 10 دقايق أو ربع ساعة، بيكون الهدف منها إنهم يشوفوا طريقة شرحك، وبيفتعلوا بعض الغلطات عشان يعرفوا هتتعالمي إزاي مع المواقف دي. ممكن تقرأي في البوست ده خطوات تعيين مدرسي الإنجليزي، وإللي أهم نقطة فيها هو الديمو facebook.com/TEFLship/photos/a.215987935584351/411631449353331/?type=3&theater

[@TEFLship]

رفعنا امبارح أكتر من مثال لـ ديمو يا سلمى لو تحبي تشوفيهم عملنا ديمو على كل مهارة، هتلاقي الديمو الخاص بكل مهارة هو آخر فيديو في الكورس إللي بيشرح إزاي تدرِّس المهارة دي، كـ تطبيق على الخطوات إللي اتشرحت بالتفصيل، ومعاه الماتيريال إللي اتذكرت في الفيديو وكل حاجة. هتلاقي كل المهارات على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=11

[@emihema93]

لو سمحتي انا لو بعمل ديمو ف مدرسة لغات لمادة الماث. هل الشرح كله انجلش

[@TEFLship]

الطبيعي والمتعارف عليه إن مادام الديمو في مدرسة لغات وبيتم فيها الشرح بالإنجليزي، يبقى الديمو بالإنجليزي. في بعض المدارس بتوافق إنه يكون بالعربي، بس ده مش صح.

[@walaataha9604]

@@TEFLship طب عاوزين حد يعلمنا math زي مابتقولي لمدرسين انجليش

[@TEFLship]

احنا اسمنا TEFLship والـ TEFL هو اختصار لـ Teaching English as a Foreign Language فـ احنا متخصصين مع مدرسي الإنجليزي بس، لكن عموماً الديمو بيكون بنفس الطريقة في كل المواد، يعني ممكن تاخدي من الفيديوهات دي الشكل العام للديمو وتعدّليها بحيث تكون مناسبة لدرس الماث. بالتوفيق إن شاء الله ^^

[@emihema93]

@@TEFLship لو سمحتي ليا سؤال محتاجه رايك ضروري متاح وظيفه مدرسه متدربه بنص راتب بنظام تعاقد هل دي حاجه كويسيه اوافق ولا لا لاني محتاره ربنا يكرمك تنصحيني لو عندك فكرة

[@TEFLship]

لو مش متاح ليكي غيرها حالياً يبقى ليه لأ، بنسعى وربنا يكرم خطوة بخطوة. وفي نفس الوقت إللي هتكوني فيه في المدرسة دي، دوّري في باقي المدارس.

[@ahmedawny3144]

مع احترامى و الله و تقديرى لكل المعلومات اللى اتقالت بس انا شايف كده و كان الموضوع منتهى التعقيد الحقيقة مين هايعمل و يركز انه يعمل كل اللى حضرتك بتقولى عليه خلال ١٠ دقايق !!

[@TEFLship]

شوف باقي كورساتنا إللي فيها إزاي تشرح المهارات يا أحمد وهتلاقي أمثلة لديموهات في آخر كل كورس في منها 10 دقايق وأقل وأكتر. مش احنا إللي بنختار إن الديمو يكون 10 دقايق دي معظم المؤسسات التعليمية إللي بتطلب ديمو عشر دقايق واحنا بنحاول نساعد المدرسين تعمل ديمو كويس في أقصر وقت ممكن لإن ده أصعب حاجة بتواجههم. يعني التعقيد مش من عندنا احنا بقى يا أحمد :D 😂

[@user-kl3hv4vw3q]

فضلا الديمو بيكون لمدرسين الEnglish فقط ولا حتى لو مدرسة لدين بيكون نفس النظام

[@TEFLship]

الطبيعي إن الديمو مطلوب من أي مدرس، ممكن بعض المدارس متحطوش ك شرط لمدرسة الدين بس ده استثناء، اتعلمي تعمليه إزاي وحضري درس يبقى جاهز معاكي على طول ومتعودة عليه عشان تبقي جاهزة في أي وقت بردو.

[@user-kl3hv4vw3q]

@@TEFLship شكرا على الرد انا لسه متخرجه ولسه معنديش معلومات عن التحضير ازاى والديمو ازاى اعمل ايه

[@TEFLship]

ربنا يقويك ويفتح عليكي اتفرجي على الحلقة دي والحلقات اللي بعدها، بنشرح فيها التحضير للديمو بالكامل، وكل اللي بيتعمل قبل وأثناء وبعد الديمو.

[@user-kl3hv4vw3q]

@@TEFLship الله يعزك تمام حاضر

[@hebaabdalla4540]

هو ايه الكلام ده كله حضرتك مصعبه الدنيا كده ليه يخربيت الفتى بتاع المصريين

[@TEFLship]

وإيه لازمة "حضرتك" جنب "يخرب بيت الفتي بتاع المصريين" 😂 إيه إللي أنتِ شايفاه مش صح في الفيديو يا هبة؟

[@hebaabdalla4540]

@@TEFLship انا مش قصدى عليكى حضرتك تمام

[@marvelous6370]

المفروض كنتى عملتى عملى احسن من الكلام

[@TEFLship]

شكراً ليكي يا رورو على اهتمامك بالنصيحة، بالفعل الجزء الجاي من الفيديوهات هيكون فيه تطبيق عملي للكلام ده عشان تشوفوه بنفسكم ^_^

[@TEFLship]

عملنا ديمو على كل مهارة، هتلاقي الديمو الخاص بكل مهارة هو آخر فيديو في الكورس إللي بيشرح إزاي تدرِّس المهارة دي، كـ تطبيق على الخطوات إللي اتشرحت بالتفصيل، ومعاه الماتيريال إللي اتذكرت في الفيديو وكل حاجة. هتلاقي كل المهارات على اللينك ده kzbin.info/door/Gfa-5QKOWu2vWg47PwjTJAplaylists?view=50&sort=dd&shelf_id=11