BABA NE IKËM---------Petrit Ruka

© #PetritRuka! ✍️😘
BABA NE IKËM
Baba, ne ikëm,… Shtëpinë e braktisëm…
Një kohë arixhinjsh jeton gjithë bota,
Dhe foton tënde nga muret e zbritëm,
Si dryn një palë lot vendosëm tek porta…
Ikëm, or ikëm, vendlindjen e vramë,
Në metropole që mblidhen si punë e iriqve,
(E ke parasysh kur e vjelin një pemë
Dhe mblidhet e ngjishet si në vargjet e fiqve?!)
U ngjeshëm këtej nëpër halle të reja,
E humbëm dhe barin, dhe gjumin, dhe këngën,
Gjithçka e gatshme në dyqane luksoze,..
Dyqan psikologu, që të kallais dhe zemrën…
Ne ikëm dhe varrin ta kyçëm në një video,
Të dielën të takojmë në xhamin vizual,
Me mend i vemë lulet, dy lotë, një cigare,
Jetojmë me simbole,…në një botë me manual.
Në fshat nuk shkojmë, e kemi me vete,
Tani ne gjithçka e mbajmë në një kuti,
Kjo kutia baba e ka emrin kompjuter,
Në xhamin e tij takon çdo njeri..
Në xhamin e tij gjen nuse, bën dasëm,
Puth djemtë e vëllait në tjetër kontinent,
Dhe nënën e qan nga mijëra kilometra
Kur e fusin në varr, me video koferencë.
Ne bashkë do bëhemi kur të vijmë aty poshtë,
Këtu lart u ndamë për jetë e për mot,
S’të shkruaj më shumë, se ti e di mirë,
Qëllova i dobët dhe mbytem në lot.
Nuk dimë ku shkojmë, s’ka kohë të mendohesh,
Nxitojmë nga që thjesht është në modë nxitimi,
Një kohë arixhinjsh jeton sot gjithë bota,
Ik edhe thur kanistra pikëllimi…

[@jetabiti4325]

Sa i thjesht ishte,,sa mir qe na ka lene keto poezi e shkrime..

[@ilijailija7773]

Sh bukur

[@NatashaOrmeni]

Nese nga Turani ju ze rrugetimi Petrit Ruken,pa kujtuar ,te mos e lini E t'i thoni,se ...jeton......ne kenge,vargje Eeee e more eeee,...jehon...

[@higjenaegojeskeshilla]

Like 2 🥰🥰🤗auuu sa e bukur shum e vertet 😭😭😭

[@FotoValiKucove]

faleminderit shume

[@sonja.dhiamandi]

👏👏👏

[@FotoValiKucove]

Mirmbrema Sonja! Te falenderoje qe je pjese e kanalit tim letrar :)

[@sonja.dhiamandi]

Gjithashtu dhe un te falenderoj qe me bere subs. 😊

[@FitneteTaraj]

Poezi brilante nga permbsjtja

[@lunakolonja8754]

Ju pershendesim ne Email,L.K.

[@FotoValiKucove]

OK Luan