Baggalútur - Nú mega jólin fara fyrir mér

Baggalútur í Vikunni með Gísla Marteini á Rúv, í desember 2016.
Guðmundur Pálsson syngur. Lag og texti: Bragi Valdimar Skúlason
NÚ MEGA JÓLIN FARA FYRIR MÉR
Ég vakna eftir furðulegt fyllerí
ég fatta' um leið að ég hef látið gabbast enn á ný.
Rauðþrútinn af saltáti og sykurinntöku.
Síðast vissi ég af mér í einrúmi með smáköku.
Ég segi bara eins og er - endum þessa dellu hér.
Nú mega jólin, nú mega jólin fara fyrir mér.
Uppþembdur af uppseldum jólabjór.
Með allra þjóða kjötvörum ég drýgt hef stöðugt hór.
Gleyptur er hinn marglitaði makkintosssjóður
meir að segja gaurinn sem mér finnst alger viðbjóður.
Ólgar nú í æðum mér - nær einvörðungu bráðið smér.
Nú mega jólin, nú mega jólin fara fyrir mér.
Enn eitt jólaballaboðið sit
ég brosi gegnum kjötsvimann, og reynað sýna lit
en við mæjónessustækjuna er minningin svo hrein
af mömmu taka æðiskast og reyna að kyrkja jólasvein.
Kaldrifjuð hún kjötið sker, kaldur sviti um mig fer.
Þá mega jólin, þá mega jólin fara fyrir mér.
Hér heima ríkir andleg hungursneyð
því ég horfði gegnum plottið hjá Arnaldi um leið.
Jólatréð í stofu húkir, herfilega trist.
Það hefur barr og lífsþorsta og mestallt silfurhárið misst.
Og áhangandi englaher - hefur fyrirfarið sér.
Nú mega jólin, nú mega jólin fara fyrir mér.
Ef þið sendið fleiri krúttleg kort.
með krökkum, misvelheppnuðum, sem mættu líða skort.
gríp ég þetta bréfafargan beint úr lúgunni
brenni svo allt heila klabbið, ásamt pakkahrúgunni.
Svo logar þetta gjafager, eins og Gene að skjóta sig í Cher.
Þá mega jólin, þá mega jólin fuðrupp fyrir mér.
Þegar þetta frensí fjarar út.
Ég finn það losnar ögn um þennan kvíðarembihnút.
Tíni saman skrautið - og pínu væminn verð
og vildég yrði aftur lítið jólabarn í sleðaferð.
Unz raunveruleikinn réttir mér - reikning fyrir desember.
Þá mega jólin, þá mega jólin bara fokka sér.
Þau mega fara fyrir mér.
FLYTJENDUR:
Guðmundur Pálsson, söngur
Karl Sigurðsson, raddir
Kristbjörn Helgason, raddir
Eyþór Gunnarsson, píanó
Guðmundur Kristinn Jónsson, gítar
Bragi Valdimar Skúlason, gítar
Ingi Björn Ingason, bassi
Kristinn Snær Agnarsson, trommur
Helgi Svavar Helgason, slagverk
Friðjón Jónsson, sleðabjöllur
Óskar Guðjónsson, saxófónn
Samúel Jón Samúelsson, básúna
Kjartan Hákonarson, trompet

[@birnabjorkreynisdottir3199]

Samt fínt að hafa þau áfram

[@isoldgigja3762]

eitt af bestu lögunum mínum GUÐMUNDUR PÁLSSON ER SVO SÆTUR ELSKA HANN❤❤❤❤

[@Yatukih_001]

Eineltislaus jól 2016. Keypti ENGANN geisladisk með Baggalút...

[@karikrummi4222]

04:14 Ég vissi að hann hefði sagt "fara fokka sér." :D

[@elvar5173]

omg er það

[@eta2001carl]

hefði mátt vera "Replace All" með þessu.. :D

[@SomeUnsoberIdiot]

"bara fokka sér"