Рет қаралды 1,627
چىراغ ئوتىدا پەرۋانە كۆيەر مەردانە-مەردانە،
گۈزەل ۋەسلىڭگە، ئەي دىلبەر، بولاي قۇربانە-قۇربانە،
كۈلۈپ كەلگەنىدىڭ بىر چاغ، يېتىپ ۋەسلىڭگە گۈلشەن باغ،
قايان كەتتى ئاشۇ كۈنلەر، كۈنۈم سەرسانە-سەرسانە.
پىراقىڭدا بولۇپ مەجنۇن، يانارمەن شەمئىدەك ھەر تۈن،
ئېزىپ جىسمىم، ئاقار كۆزدىن يېشىم دۇردانە-دۇردانە.
ساچىم بەلدە، ھاسام قولدا، بۇ نۇرسىز كۆزلىرىم يولدا،
كىشى كۆرسە بۇ ھالىمنى، بولۇر ھەيرانە-ھەيرانە.
گۈزەل ھۆسنۈڭنى بىر كۆرەي، ئاياغىڭدا بېشىم قويماي،
ئۆتەرمۇ ئۇشبۇ ھەسرەتتە ئۆمۈر غەمخانە-غەمخانە؟
يېنىپ كەلسەڭ يەنە باغقا، قونۇپ بۇلبۇل كەبى شاخقا،
تاماشا ئەيلىسەم بىردەم يۈرۈپ سەيلانە-سەيلانە.
جامالىڭ نۇرىلە بىردەم مۇنەۋۋەر ئەيلىسەڭ كۆلبەم،
سائادەت شۇ ئىدى مەڭگۈ ماڭا يېگانە-يېگانە.
قۇياش يۈزىگە كىر قونماس، ئۈمىدنىڭ قانىتى سۇنماس،
يولۇڭدىن نائۈمىد بولماق ماڭا بىگانە-بىگانە.
نەۋائىي ئىزىدىن مىسكىن كۆرەي دەپ مەيدە يار ئەكسىن،
ئېلىپ قولغا ساپالنى كېزەر مەيخانە-مەيخانە.
Chiragh otida perwane köyer merdane-merdane,
Güzel weslingge, ey dilber, bolay qurbane-qurbane,
Külüp kelgeniding bir chagh, yétip weslingge gülshen bagh,
Qayan ketti ashu künler, künüm sersane-sersane.
Piraqingda bolup mejnun, yanarmen shemidek her tün,
Ézip jismim, aqar közdin yéshim durdane-durdane.
Sachim belde, hasam qolda, bu nursiz közlirim yolda,
Kishi körse bu halimni, bolur heyrane-heyrane.
Güzel hösnüngni bir körey, ayaghingda béshim qoymay,
Ötermu ushbu hesrette ömür ghemxane-ghemxane?
Yénip kelseng yene baghqa, qonup bulbul kebi shaxqa,
Tamasha eylisem birdem yürüp seylane-seylane.
Jamaling nurile birdem munewwer eyliseng kölbem,
Sa'adet shu idi menggü manga yégane-yégane.
Quyash yüzige kir qonmas, ümidning qaniti sunmas,
Yolungdin na'ümid bolmaq manga bigane-bigane.
Newa'iy izidin miskin körey dep meyde yar eksin,
Élip qolgha sapalni kézer meyxane-meyxane.
чирағ отида пәрванә көйәр мәрданә-мәрданә,
гүзәл вәслиңгә, әй дилбәр, болай қурбанә-қурбанә,
күлүп кәлгәнидиң бир чағ, йетип вәслиңгә гүлшән бағ,
қаян кәтти ашу күнләр, күнүм сәрсанә-сәрсанә.
пирақиңда болуп мәҗнун, янармән шәмидәк һәр түн,
езип җисмим, ақар көздин йешим дурданә-дурданә.
сачим бәлдә, һасам қолда, бу нурсиз көзлирим йолда,
киши көрсә бу һалимни, болур һәйранә-һәйранә.
гүзәл һөснүңни бир көрәй, аяғиңда бешим қоймай,
өтәрму ушбу һәсрәттә өмүр ғәмханә-ғәмханә?
йенип кәлсәң йәнә бағқа, қонуп булбул кәби шахқа,
тамаша әйлисәм бирдәм йүрүп сәйланә-сәйланә.
җамалиң нурилә бирдәм мунәввәр әйлисәң көлбәм,
саадәт шу иди мәңгү маңа йеганә-йеганә.
қуяш йүзигә кир қонмас, үмидниң қанити сунмас,
йолуңдин наүмид болмақ маңа биганә-биганә.
нәваий изидин мискин көрәй дәп мәйдә яр әксин,
елип қолға сапални кезәр мәйханә-мәйханә.
We share Uyghur folk songs and Uyghur traditional dance.
You will learn about Uyghur people and enjoy the beauty of Uyghur culture.
If you’d like to talk, we’d love to hear from you.
Please don't forget to hit the like button and subscribe to see more!