Рет қаралды 148
БАЙГАЛИЙН ШИНЖЛЭХ УХААНЫ ҮНДЭСНИЙ МУЗЕЙН ШИНЭ БАРИЛГЫН БҮТЭЭН БАЙГУУЛАЛТ ЭХЭЛЛЭЭ
Намрын дунд сарын шинийн 2-ны өдөр, Монгол Улсад орчин цагийн музей үүсэн байгуулагдсаны 100 жилийн түүхэн ойн босгон дээр Байгалийн түүхийн музейн шинэ барилгын бүтээн байгуулалт эхэллээ.
Байгалийн шинжлэх ухааны Үндэсний музейн шинэ барилга нь:
🔹Шинжлэх ухааны судалгаа, үзэгчдийн оролцоонд тулгуурласан дэглэлт,
🔹Орчин үеийн технологийн шийдэл бүхий үзэгчдийг татах виртуал бодит орчин,
🔹мультимедиа, интерактив дэлгэц, динамик тоноглол бүхий 12 байнгын үзүүллэгийн танхим,
🔹Түр үзэсгэлэнгийн танхим, амфитеатр, номын сан, хурлын танхим,
🔹Зоогийн газар, кофе шоп, бэлэг дурсгалын дэлгүүртэй,
🔹Барилгын В1 давхарт 540 автомашины зогсоолтой бүхий нийт 38,406.35 м.кв ашигтай байхаар төлөвлөгдсөн.
Уг музей нь ашиглалтад орсноор Азидаа барилгын талбайн хэмжээгээр эхний 7 багтах Үндэсний хэмжээний томоохон бүтээн байгуулалт болж байна.
Мөн боловсрол, судалгаа шинжилгээний ажлын цар хүрээг нэмэгдүүлж, оюутан сурагчдын байгалийн шинжлэх ухааны хичээлийг музейд хэрэгжүүлэн, үзэгчдийн чөлөөт цагаа зөв боловсон өнгөрөөх соёл, боловсрол, шинжлэх ухааны цогц үйл ажиллагаа явуулах дэлхийн стандартад нийцсэн Байгалийн шинжлэх ухааны Үндэсний музейтэй болох эхлэл тавигдлаа.
Монгол Улсын Ерөнхийлөгчийн Тамгын газар
Монгол Улсын Засгийн газар
Байгалийн түүхийн музей / Natural history museum