Бакиров Шухрат 2018 йил 21 апрел куни озодликка чиқди.

“Албатта иймон келтириб яхши амаллар қилган зотлар учун Раҳмон дўстликни (барқарор) қилур” (Марям: 96).
Аҳмад чиқарган ҳадисда Мусъаб ибн Саъд отасидан ривоят қилади: “Мен: “Эй Расулуллоҳ, қайси одамларга бало қаттиқроқ бўлади”, деб сўраган эдим, у киши:
“Пайғамбарларга, кейин солиҳларга, кейин уларга ўхшашларга ва ўхшашларнинг ўхшашларига ва ҳоказо. Киши динига қараб балога учрайди, агар динида салобат бўлса, балоланиши ҳам ортади, агар динида бўшлик бўлса, балоланиши ҳам енгил бўлади. Банда то ер юзида ҳеч бир хатосиз юрадиган бўлгунига қадар балоланиб бораверади”, деб жавоб бердилар.
Ўзи суйган ва Ўзи танлаган Ҳақ динда собит бўлган мусулмонларга синов бериш Аллоҳ Субҳанаҳу ва таолонинг суннати бўлиб, Аллоҳ бандасига иймонига қараб синов беради.
Ислом динида собит, ўзи учун яхши кўрган нарсани бошқаларга ҳам илиниб яшовчи биродарларимиздан бири 1972 йилда туғилган Бакиров Шухрат 2018 йил 21 апрел куни озодликка чиқди.
Ҳизб ут-Таҳрир сафида фаолият олиб бориб ҳақ динни одамларга етказиш учун тиним билмаган биродаримиз Шуҳрат 2012 йил декабр ойида ЖКнинг 299 модда 1 қисми (этник, диний ва миллатлараро низо келтириб чиқаришга уриниш) билан судланиб 7,5 йилга озодликдан маҳрум қилинган эди. Биродаримиз Бишкек шаҳридаги Беловодск қамоқхонасида ноҳақ тайинланган жазо муддатини ўтаб, 21 апрел куни озодликка чиқди.
Биродаримиз ўз нафси кўйида ёки бировнинг ҳаққига тажовуз қилиб эмас, балки Умматни зулматдан нурга олиб чиқиш йўлида фаолият қилгани учун қамоққа ташланган эди. Одамлар буни англаб етгани учун ҳам уни қаҳрамонлардек кутиб олишди.
Шухратнинг озодликка чиқиш муносабати билан уюштирилган эҳсонда юзлаб одамлари иштирок этишди. Уч кун мобайнида уйи зиёрат учун келувчилардан аримади.
Аллоҳ Таоло ўзининг суйган бандасига синов бергани каби уларни халқ ичида азиз ҳам қилиб қўяди.
Зеро, Набий соллаллоҳу алайҳи ва саллам айтганлар: “Ким одамларни ғазаблантириб туриб, Аллоҳни рози қилса, Аллоҳ у учун одамларга кифоя қилади. Ким одамларни рози қиламан деб Аллоҳни ғазаблантирса, Аллоҳ уни одамларга топшириб қўяди”.