Рет қаралды 16,091
Ermənilərin talan etdiyi Ağdamın Papravənd kəndi - Baku TV
Papravənd kəndi Ağdam şəhərindən 21 kilometr şimalda, Ağdam-Ağdərə yolunun üstündə, dağətəyi düzənlikdə yerləşir. Vaxtı ilə rayonun ən abad yaşayış məntəqələrindən olan Papravənddə üzümçülük, taxılçılıq, heyvandarlıq və baramaçılıq inkişaf etmişdi. Burada heyvandarlıq kompleksi, məktəb, mədəniyyət evi, kitabxana, tibb məntəqəsi var idi.
Erməni qəsbkarları 1993-cü ildə Papravənd kəndini işğal edən zaman talan edərək dağıdıblar. Kənd sakini Yaşar Ağayev doğmaları ilə birgə bu kənddən məcburi köçkün düşəndə 15 yaşı var idi. Ailəsi ilə birlikdə Bərdədə məskunlaşan Yaşar Ağayev 29 ildən sonra doğulub boya-başa çatdığı kəndə gəlib.
Yol boyu böyük həyəcanla avtomobil idarə edən Yaşar Ağayev Ağdamda gördüyü dağıntılardan dəhşətə gəlib. Onun kənddə ilk gəldiyi yer evləri olsa da, ermənilər onların vaxtı ilə yaşadığı məkanı yerlə-yeksan ediblər. Evlərindən bir daş belə olsun qalmayıb.
Ermənilər işğal etdikləri digər yaşayış məntəqələrində olduğu kimi, Papravənddə də tarixi keçmişimizi, mənəvi yaddaşımızı silmək istəyiblər. Kənddəki XVIII əsrə aid məscid və qədim qəbiristanlıq da dağıdılıb.
________________________________
Pulsuz Elanlar:www.tut.az
Website: www.baku.tv
Bizi izləyin: bit.ly/2Y75DEU
****
Bizi Sosial Şəbəkələrdə izləyin
Facebook: / www.baku.tv
Instagram: / __baku_tv__
Tiktok: vm.tiktok.com/...
****
Kanalımızın məqsədi dünyada və ölkədə baş verən ən vacib və maraqlı xəbərləri Azərbaycan və Rus dillərində geniş auditoriyaya çatdırmaqdır
****
2018/2021 © All Rights Reserved ℗ Baku TV
#BakuTv #Azerbaycan #trend