Рет қаралды 36,815
#Қазақстан #Мажилис #Депутат #НартайАралбайұлы #NartayNews #НартайНьюс #nartaynews #Еңбекадамы
00:00 Басы
01:00 Логопед-дефектолог - Нұрлықыз Нұрлыбек
01:44 Баланың сөйлемеу себебі неде?
04:10 Логопед пен дефектологтың айырмашылығы қандай?
08:47 Сенсорлық интеграция кабинеті деген не?
10:10 Маман қандай арнайы тестіден өтеді?
11:40 Мультфильмдердің зияны қандай?
14:42 “Баламыздың дамуын өщ қолымызбен шектеп жатырмыз”.
17:08 Су-джок терапиясы.
18:31 Дисграфия, дислексия диагнозы неге көп? Емдеу жолы қандай?
20:57 “Баланы кез келген диагноздан емдеп шығуға болады”.
22:15 “3 жасқа дейін баланы түзетіп, коррекция жасау өте оңай”.
26:03 Сөйлеуі мен психикасы бұзылған балалар неге көбейіп кетті?
27:03 Гамак пен подвесный туннельдің пайдасы қандай?
Қазір технология төрге шыққан заман. Таяқтың екі ұшындай әр жаңашылдықтың да оң және теріс тұсы бар. Технологиямен қатар тұрмыс жеңілдеді, рас. Бірақ, смартфонға байланған буынның тілі буылып жатыр. Мамандардың айтуынша, әр төртінші баланың тілінде дефект бар. Бұл дабыл қағып, алаңдайтын мәселе. Бүгінгі кейіпкеріміз мыңнан аса баланың тілінің шығуна ықпал етіп, сөйлеу қабілетін түзеген тәжірибелі логопед-дефектолог - Нұрлықыз Нұрлыбек.
Кей баланың тілі кеш шығады. Алайда қазіргі заманда тілі кеш шығып жатыр деп, бейқам жүруге тағы болмайды. Себебі, цифрлық ағаттық деген түсінік қалыптасты. Бала телефонға телміріп, өз бетімен, өз әлемінде өсе береді. Адамдармен қарым-қатынасы алыстаған сайын, сөйлеу қабілеті де дамымайды. Ең қорқыныштысы тілмен бірге ой-өрісі де тежеле бермек.
Нұрлықыз Нұрлыбек сияқты білікті, тәжірибелі мамандар қазіргі таңда өте-мөте көп керек, бізге. Өйткені, логопед-дефектологтарға сұраныс жыл сайын еселеніп жатыр. Біз де осындай кейіпкерді көрерменге таныстыра отырып, асқынып бара жатқан мәселеге елдің назарын аударғымыз келді. Мөлшерден асқанның бәрі зиян. Сондықтан, бала әйтеуір тыныш отырсын деп қолына телефонды ұстата бермеген дұрыс. Салғырттықтың салдарын һәм салмағын саралаған боларсыз. Шыбықты қалай исең, солай өсетінін ұмытпасақ игі.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev