"Барҕа" уһуйаан Томпо улууһа, "Үрдүгү дабайыы" - "Восхождение" 2022.

Балаҕан ыйын 22 - 25 күннэригэр, Мэҥэ - Хаҥалас улууһун Майа сэлиэнньэтин дьаһалтатын иһинэн үлэлиир "Барҕа" авторскай уһуйаан чэрчитинэн, тургутуубут сүрүн түһүмэҕэ Томпо улууһугар Илин Хаандыгаҕа - "Үрдүгү дабайыы" - "Восхождение" бырайыак тэрилиннэ.
Бырайыакка Майаттан - 5, Куораттан - 3 уол кытынна.
"Барҕа" иитиллээччилэрэ бу иннинэ "Кудай бахсы";"Дьөһөгөй оҕото";"Хатарыллыы"; "Хотуур хоһууна" тургутуу бырайыактары ааһан баран "Үрдүгү дабайыыга" кэллилэр.
"Саха киһитэ күһүн кууллаттарар" - сайын устата от үлэтигэр мускуллан, эрчиллэн, буор кута буҕатыйан, этэ сиинэ эрчимирэн сылдьар кэмэ.
2011 сылтан үгэскэ кубулуйбут "Үрдүгү дабайыы" бырайыакпыт тиһигин быспакка утумнаахтык үлэлии сылдьар. 2022 сылга "Хотой уйата - орлиное гнездо" диэн этии кынаттаах, Илин Хаандыга тиийдибит.
Тахсар хайабыт үрдүгэ 1300 м үрдүктээх, хаамыыбыт 2500 м.
Тыйыс айылҕалаах хоту дойду сиригэр
"Барҕа" уһуйаан уолаттара тургутууну этэҥҥэ аастылар, бу дабайыылара кинилэр олоххо сыһыаннарыгар, киһилии майгыларыгар, үөрэхтэригэр үчүгэйдик дьайыа диэн эрэнэбин.
Билиҥҥи кэмҥэ уол оҕо сайдарыгар тоҕоостоох үөрэх хайысхалара дойдуга, өрөспүүбүлүкэҕэ, болҕомтоҕо ылыллан эрэллэрэ көстөр буолла.
Бырайыак олоххо киирэн үлэлииригэр төһүү күүс - көмө буолбут, өйөөбүт дьоммутугар: Мэҥэ - Хаҥалас улууһун баһылыгар Дмитрий Иванович Тихоновка, Майа сэлиэнньэтин баһылыгар Неустроев Алексей Иннокентьевичка, Мэҥэ - Хаҥалас үөрэҕириитин салалтатыгар Никифоров Николай Лукичка махталбытын тиэрдэбит.
Дорҕоон Дохсун Ворогушин

[@user-ud4yf4pe7y]

👍🏼🙌🏼✊🏼

[@MentalPabulum]

👍🏻👍🏻👍🏻

[@user-uo5ww8iq7z]

Ырыаларын? 👍

[@MentalPabulum]

Муоста утары хайа да ?

[@yuliascott7099]

Здравствуйте!) А где это?)

[@-khotugukhomuqun6248]

Республика Саха (Якутия)