Բարձրորակ արտադրանք՝ առաջատար լուծումներով․ կայացավ «Իննոտեկ» ապրանքանիշի շնորհանդեսը

Բարձրորակ արտադրանք, ժամանակակից պահանջներին համապատասխանող առաջատար լուծումներ և իննովացիոն, թվային համակարգեր: Այս ամենը մեկ տեղում միավորում է «Մեհրաբյան և Որդիներ» ընկերության նոր բիզնես ճյուղը՝ «Իննոտեկ» ապրանքանիշը, որի շնորհանդեսը տեղի ունեցավ մայիսի 22-ին։
Շնորհանդեսի շրջանակներում կայացավ գործարանի բացման արարողությունը, Էքսկուրսիա գործարանի տարածքում, որի ընթացքում ցուցադրվեցին գործարանի հիմնական գործընթացներն ու տեխնոլոգիաները, ինչպես նաև նոր թվային հարթակները՝ բջջային հավելվածը և վեբ կայքը։
«Մեհրաբյան և Որդիներ» ընկերությունը առաջին հայկական արտադրողն է, որն անցել է եվրոպական սերտիֆիկացիա։ Ունենալով էկոլոգիապես մաքուր արտադրություն՝ Innotek-ը պահպանում է որակի ամենաբարձր չափանիշները։
Innotek-ը թվայնացումը բերում է նաև շինարարական աշխատանքների ոլորտ՝ համակարգելով և առավել արդյունավետ դարձնելով շինարարության գործընթացի ամբողջ շղթան:Միաժամանակ, այն դառնալու է հարթակ, որտեղ մասնակից կողմերը կկարողանան առաջարկել իրենց արտադրանքն ու ծառայությունները, ձեռք բերել պայմանավորվածություններ և ընթացք տալ աշխատանքներին:
Շնորհանդեսին տեղի ունեցավ նաև Ճարտարապետության և շինարարաության Հայաստանի ազգային համալսարանի հետ հուշագրի ստորագրումը, որն ընդգրկելու է ընկերության և բուհի միջև լայն համագործակցություն՝ և՛ կրթական, և՛ հետազոտական գիտական բաղադրիչներով, հատկապես, շինարարական նյութերի շաղախների պատրաստման գործընթացում։
Հայաստանում ժամանակակից տեխնոլոգիաների կիրառումը մեծ տարածում չունի, ուստի այդ գիտելիքի պակասը շուկայում շատ է զգացվում: Innotek-ի առաքելությունն է ապահովել և աջակցել վարպետներին ոչ միայն ժամանակակից գործիքներով և որակյալ շինանյութերով, այլև մասնագիտական վերապատրաստումներով, որոնց արդյունքում վարպետները նաև ծանոթանում են ընկերության կողմից ներկայացվող գործիքակազմին։
🔗Է՛լ ավելին տեսնելու համար հետևե՛ք մեր Յութուբյան ալիքին, կայքին և սոցիալական մեդիային՝
Ինստագրամում՝ / how2b.am
Տելեգրամում՝ t.me/how2bam
Ֆեյսբուքում՝ / how2b.am
ԼինքդԻնում՝ / how2bam
Մեր կայքը՝ how2b.am