Бастауыш мектебі жабылады дегенді естіген халық шу шығарды

БІЗДІҢ KZbin АРНАҒА ТІРКЕЛІҢІЗ: / @informburo31kanal
---------------------------------------------
Биыл Жетісу облысында 22 бастауыш мектеп жабылады. Оның бірі Қаратал ауданына қарасты Ұмтыл ауылында орналасқан. Бұл жаңалықты естігелі бері елдімекен халқынан маза кетті. Олар білім ошағының есігіне қара құлып салынбасын деп шу шығарды. Халық ауылдың болашағына, балалардың қауіпсіздігіне алаңдайды. Себебі, көрші ауылға ұл-қыздарды күн сайын тасу оңай емес.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Халықпен кездесуге келген аудандық білім бөлімінің басшысы бұл бастама білім сапасын көтеру үшін жасалып жатқанын жеткізді. Сондықтан балаларды келесі оқу жылынан бастап жеті шақырымдық жерде орналасқан көрші Жаңаталап ауылына апаруды ұсынды. Алайда бұған ата-аналар үзілді-кесілді қарсы.
САНДУҒАШ ҚАСЫМОВА, Ұмтыл ауылының тұрғыны:
- Далада ит-құс деген сияқты бар мысалы, оны да естіп жатамыз, уайымдаймыз. Кейде көлік жүреді, кейде жүрмейді, соған уайымдаймыз.
АҚЖАМАЛ ТЕМІРЖАНОВА, Ұмтыл ауылының тұрғыны:
- Мен ол жаққа жібере алмаймын баламды. Мына мектеп жабылмаса екен деймін. Осында оқиды түгел. 5 балам бар, екеуі инвалид.
Ауылдағы бастауыш мектеп осыдан 22 жыл бұрын ашылған. Қазір мұнда төрт мұғалім он бес балаға сабақ береді. 2020 жылы бюджеттен 5 миллион теңге бөлініп, нысанның есік-терезесі, едені ауыстырылып, ыстық және суық суы тартылыпты.
ӘСЕЛ ЫРЫСБЕКОВА, Ұмтыл ауылының тұрғыны:
- Қазір ауылымызда жастар көбейіп келе жатыр. Мына мектеп жабылатын болса балаларымызды қайдан оқытамыз?! Әр жыл сайын 7-8 баладан дүниеге алып келіп жатыр.
Бүгінде Ұмтыл ауылында 200-ге жуық тұрғын бар. Басым бөлігі жас отбасылар. Дені мал шаруашылығымен айналысады. Олар мектеп жабылатын болса ауылдың да болашағы бұлыңғыр деп алаңдаулы. Ал, шенеуніктер ұл-қыздардың ары-бері қатынап оқуына толық жағдай жасалады деп сендірді.
ЖАНДОС ТЕНЕБАЕВ, Қаратал аудандық білім бөлімінің басшысы:
- Біз ол балалардың қауіпсіздігі үшін жаңа автобус та беріп отырмыз. Кезекші мұғалімге дейін қойып береміз. Осыған дейін тасымалданып келе жатыр ғой үлкен сынып оқушылары. Балалардың білім сапасын жоғарлату үшін біз осындай қадамға барып тұрмыз.
Атқамінерлер ауылдағы төрт ұстаз жұмыссыз қалмайтынын жеткізді. Облыстық білім басқармасының мәліметінше, биыл өңірде 22 бастауыш мектеп жабылады. Білім нысандары жергілікті әкімдіктердің балансына берілмек.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық

[@user-mu9rj9wt3l]

Жаңа мектеп салып берсін, оған дейін осы ғимаратта оқи тұрсын.

[@user-em6vd4qf9t]

Асхана жоқдеп мектепті жабама??

[@user-xo1gb2pc9s]

Кеңес үкіметі кезінде мектепте оқып едім ауылда асхана деген болмайтын сол дұрыс еді асханадан тамақ ішіп жарытпайды , бұның бәрі ауылды құртып жерді сату .

[@user-wl9mz2fn8n]

Ай,ептиалмайттар-ай...

[@user-et7le3ii6r]

Сол автобуспен өздері жүрсін, бір сыныптын балалары ерте шығат екіншісі кеш шығат сонда қақиып тосып отырама? 1бала болсада оқыта берсін, сонда ауыл көбейеді, әйтеу ақша жымқырылып тек кетет!

[@user-lu7py7bf7h]

Дамыған Қазақстан гой

[@svetlananusipovna4812]

... 👩‍💻💫🙇🪑🧸🧮🗺️🏫👩‍🏫 Балаларга обал емес па , автобус бар , Бирак бензин жок , жол нашар ! Ойланып барып истеу керек шыгар ! ...