Баткенди байырлаган "БАРДАК" | Туташ тууганчылык | Ыдырыс Исаков

#ЫдырысИсаков, #Лейлек, #Жаңы-Жер
--------------------------------------------------------------------
Мындан ары биздин Ютуб канал Орусиядагы монетизациядан ажыратылды. Биздин ишмердүүлүккө мына ошол Орусиядагы жарнамалардын эсебинен жакшы каражат түшүп аткан. Мындан ары каналыбыз кирешесинин 80%ынан айрылды. Эгерде менин ишмердүүлүгүмдү туура деп санасаңыздар, ыктыярдуу колдоо көрсөтсөңүздөр болот. Сиздерден түшкөн каражаттар каналыбыздын муктаждыктарына жумшалат. Анын акысына сиздерге чын эле маанилүү темаларды чагылдырып берүүнү уланта беребиз.
Элсом: 0550504555
---------------------------------
Жакында өкмөт мүчөлөрү көчмө жыйын менен Баткенге келишкен. Облусту өнүктүрүүгө 1 млрд 600 млн сом бөлүнөрүн жарыялышкан. Анын 400 млн сому айыл чарбасын өнүктүрүүгө, 700 млн сому чекара чырынан жабыркагандарга кенемте катары таратыларын, дагы 500 млн сому облусту өнүктүрүүгө жумшаларын үстүртөн айтышкан.
Бирок өкмөт Баткенде кадимки мамлекеттик институттардын ишин иретке келтирбесе, чиновниктердин, деги эле аткаруу бийлигинин ар бир кадамын эрежеге салбаса каражат бөлгөндөн майнап чыккыдай эмес.
Бирин-бири колдоп, бири-бири менен коюн-колтук алышып, чырмалышып калган бир ууч чиновниктин напсин тыйбаса млрд сом эмес, млрд доллар бөлүнсө деле элге жеткидей эмес. Баткен азыр эл ырысын жарым жолдон жара тартып, жеп кеткенге чебер, жетилген жаактуулар байырлаган жайга айланган.
Бул чыгарылышта Баткен эли акыркы 30 жылдан бери жоопкерчиликсиздиктин курмандыгы болуп келатканын ачыктаганга аракет кылганбыз.
----------------------------------------------------------------------