Bato, inaming may paglabag sa human rights ang war on drugs

Sa isang presscon sa Senado, aminado si Senator Bato Dela Rosa na mayroong human rights violations ang war on drugs ng Duterte administration.
“Hindi ko sinabi na walang nangyayaring human rights violation during war on drugs. Aminado tayo diyan na merong mga kaso na talagang naviolate ’yung right ng tao,” saad ni Bato.
“Kasi kung wala, eh ’di dapat hindi na kakasuhan ’yung mga pulis na gumawa ng kalokohan. Kasi kung wala, eh ’di dapat walang pulis na na-convict o nakulong. So meron talaga, kaya dapat imbestigahan individually bawat kaso,” dagdag pa niya.