„ბავშვები ჩვენი ქუჩიდან“/ანიმაციური ფილმი

„ბავშვები ჩვენი ქუჩიდან“ საგანმანათლებლო-შემეცნებითი ხასიათის ანიმაციური ფილმია, რომელიც მიზნად ისახავს ბავშვებს ადრეული ასაკიდან განუვითაროს ისეთი უნარ-ჩვევები, როგორებიცაა: გუნდური მუშაობა, გადაწყვეტილების მიღება, პრობლემის გადაჭრა, არჩევანის გაკეთება, დაგეგმვა, მართვა, სოციალური პასუხისმგებლობის შეგრძნება და სხვა.
ანიმაციური ფილმის მთავარი გმირები, სანდრო, ელენე და გუგა ერთ ქუჩაზე ცხოვრობენ. ისინი მეგობრები არიან და გუნდური მუშაობისა და სწორად დაგეგმვის შედეგად, ახერხებენ მათი საცხოვრებელი გარემო გააუმჯობესონ.
„ბავშვები ჩვენი ქუჩიდან“ გათვლილია 9-დან 12 წლამდე ასაკის მოზარდებზე.
ანიმაციური ფილმი შექმნილია საქართველოს დაწყებითი განათლების პროექტის (G-PriEd), ბიზნესის უნარ-ჩვევების პროგრამის ფარგლებში, რომელიც დაფინანსებულია აშშ საერთაშორისო განვითარების სააგენტოს (USAID) მიერ.