Рет қаралды 513,731
ياخوك خلّي مايفارق بيته
وان راح، راح لبيت ابوه الثاني
شفته وهو غافل ولا حاكيته
ماناطق لسانه بيوم لساني
صد وستر نفسه ولاغثيته
لا بيه يكرهني ولا ينساني
هو ما درى وانا العناء عانيته
جاني بشوفه شي ماقد جاني
ان الله اعطاني رضاه اعطيته
وجه النقاء والقدر والصفطاني
هذا اللي لامنه حصل وليته
في ما يبي يامرني وينهاني
مافيه درب يمر مامريته
كل الدروب يدلها شيطاني
و الآدمي ذا نادره نوعيته
ماهوب يشبه جيله التعباني
ارسلت له مرسولي ووصيته
على الوفى والصدق والكتماني
اما بما يرضي اهله وافيته
ولا فـ له شانه وانا لي شاني
تدرين ويش الحب يا باغيته ؟
المره والرجال والحرماني