Рет қаралды 19,173
თავისუფლება ცაშია
(ერეკლე ჭინჭარაულის ხსოვნას)
უდროობა უსივრცო ლაბირინთში ჩარაზეს,
სევდამ დაისადგურა, ზღურბლთან დაუდარაჯა,
უკან მოუხედავად მივალთ სოფლის შარაზე,
ლაბირინთის ჭიანი კედლის მიღმა არა ჩანს
სიხარულის სხივები. მხოლოდ შავი ცის თავი
გვახურავს და აღარც წვიმს,
გვახურავს და აღარც მზე,
აღარც მთვარე ანათებს;
ჩვენი ტანჯვის მტვირთავი
სიყვარულიც გაქრა და გოდების ხმით აღავსეს
წარწყმედილთა დილეგი. ვერ ვიცოცხლებთ ერთზე მეტ
წამს და ახლავ მოვკვდებით განა დღეს და განა ხვალ?!
არსად ამ ქვეყანაზე, მხოლოდ ცაში ეძებეთ,
სულს თავისუფლება, რადგან ცოცხლად დამარხა
ამ დამპალმა საწუთრომ, მართალთ დაუდარაჯა,
ვეძებთ ადამიანებს და ვპოულობთ ტყვეობას
სიძულვილის, სიყალბის და ამიტომ მარადჟამს
თვალი ცისკენ გვიჭირავს, ზეცის მოსახლეობას!..
იანვარი. 2014.
ნ.ხახუტაშვილი