🚜 Berisha premton revolucion në bujqësi! A do të ndodhë? 🌾💰

Рет қаралды 458

Күн бұрын

#SaliBerisha #PD #Bujqësia #Fermerët #Ekonomia #Subvencione #Pensionet #Blegtoria #IPARD #Qeveria #EdiRama #Shqipëria
Kryetari i Partisë Demokratike, Sali Berisha prezantoi programin e PD për sektorin e bujqësisë.
Berisha fajësoi qeverinë për mungesën e investimeve dhe mbështetjes për bujqësinë, përfshirë mbrojtjen e tokës dhe zhvillimin e infrastrukturës vaditëse.
Ish-kryeministri Berisha akuzoi qeverinë për keqpërdorimin e fondeve të IPARD, të cilat duhej të shkonin për bujqësinë, por u përdorën nga klanet e pushtetit.
“IPARD që ishte një burim i rëndësishëm financimi, shumë i rëndësishëm, u vërsulën si lukuni ministrat, ministret, klanet e drogës dhe të trafikantëve, dhe në vend se të shkonte tek fermeri të përdorej për industrinë përpunuese, u përdor për sipërpamrrjen e banditëve dhe të qeveritarëve, për hotele në bregdet, e me radhë.
I lënë në mëshirë të fatit është fermeri sot. Mbështetja e tij nga shteti është 3-5 herë më e vogël se në Kosovë, dhe po të shtojmë këtu dhe IPARD-in që iu hoqi, si rezultat i vjedhjes së Edi Ramës dhe minitrave të tij, them Edi Ramës, se ajo zonja hajdute, ajo është këshilltare. Në vend se të shkonte atje ku e ka vendin, për shpërdorimin masiv të fondeve të IPARD-it, është këshilltare te Edi Rama“, tha kreu i PD.
Berisha tha se çdo fermer do të ketë pension dhe çdo i moshuar në fshat do të trajtohet me minimum jetik. Buxheti për bujqësinë dhe blegtorinë do të trefishohet dhe do të arrihet niveli i vendeve të rajonit. Ai kërkoi subvencione për çdo bimë, kokë bagëti dhe prodhim, dhe heqjen e taksave ndëshkuese për prodhimet bujqësore.
“Ne marrim përsipër një qendrim transformues për bujqësinë tonë. Dhe kur them tranformues, kam parasysh në radhë të parë fermerin.Fermerit do t’i vendoset pensioni, çdo i moshuar në fshat do trajtohet me minimum jetik, nuk do të ketë më pensionist apo shqiptar në moshë pensioni që do të marrë më pak se 200 euro.
Buxheti për bujqësinë dhe blegtorinë do të trefishohet dhe do të arrijë në dy vitet e para mesataren e buxhetit të vendeve të rajonit. Tani jemi 8 herë nën Maqedoninë, imagjinoni ku jemi. Me Serbinë ndoshta dhe më shumë.
Do të subvencionohet çdo bimë, çdo kokë bagëti dhe çdo prodhim. Taksa ndëshkuese për prodhimet bujqësore në sektorin e përpunimit do të hiqen, do barazohen. Sot ka taksë vetëm në shitje në mënyrë absurde. Ballkani i Hapur do hidhet në kosh. Ballkani i hapur shkatërroi një nga faktorët kryesorë, konkurrencën e ndershme në Ballkan”, u shpreh Berisha.
“Ne zotohemi se, do të 3 dhe 5-fishojmë në vitin e dytë investimet dhe buxhetin për bujqësinë dhe blegtorinë, por edhe do mbrojmë prodhimet tona. Nuk ka vend në botë që nuk mbron prodhimin, asnjë. Përveç Shqipërisë që, për të therrë lopët e veta miraton ligjin e futjes së qumështit pluhur pa TVSH.”