الناظر ولا صعيدي في الجامعة الامريكية | مين اجمد ؟

[@hamdyno]

صعيدي دخلته سينما و مكنتش سامع حاجه من كتر الضحك بس لما بشوفه دلوقتي مش بيضحك غير بسيط اما الناظر فبيضحك جدا لغايه دلوقتي

[@alaouinail]

احسنت

[@smoa37]

اتفق معك تماما

[@omarelshaf3y739]

لا طبعا انت بتقول ايه بس

[@يوسفشردي-و9ذ]

اتفق معك

[@kenzymustafa5055]

@@omarelshaf3y739 وجهة نظره علفكره

[@a_elgaafary]

افشخ فيلمين كوميدي في مصر .. بس انا بحب الناظر اكتر الحقيقة

[@ahmedsabry711]

الصراحة علاء ولى الدين رحمة الله عليه كان كوميديان عالى جدا بالفطرة مش هيتكرر وفيلم الناظر من اجمل افلامه

[@tawfeekin]

الناظر طبعا ..لا مجال للمقارنة كل الشخصيات كانت رائعة، و بكل لقطة تقريبا كان في إيفيه لا ينسى

[@OmarAhmed-bq3tf]

انا شايف ان الناظر افضل لانه طلع ممثلين مهمين جدا زي محمد سعد واحمد حلمي

[@mahmoudsalama5821]

صعيدي في الجامعة الأمريكية طلع ممثلين مهمين أيضا زي احمد السقا وطارق لطفي ومني ذكي

[@xrayxray9802]

@@mahmoudsalama5821 غاده عادل + فتحى عبد الوهاب + هانى رمزى

[@mandialsherif5773]

جميع مشاهد فيلم الناظر بقيت كومكس ولسه بنستخدمها لحد دلوقتي ♥️

[@mo_bahaj]

اعمل مقارنة عن كده رضا وطير انت او لا تراجع ولا استسلام

[@AhmedAlaa-kc4fb]

كده رضا ولا تراجع ولا استسلام احسن

[@ياسرباحاج-خ3ث]

لا تراجع ولا استسلام فعلا

[@mo_bahaj]

حاضر باعدل التعليق

[@zeyadnasser8652]

لا تراجع ولا أستسلام طبعا كده رضا مضحكتش فيه خالص و طير أنت قصته تافهة شوية

[@hussainebr]

المفروض لا تراجع ولا استسلام وكتكوت لأنهم نفس القصة

[@عبداللهأبوالخير-ع4ج]

احسن حاجة بتحكني في الناظر بس يا عاطف 🤣🤣

[@imomar.0]

الحلقة الجاية عن الفيل الأزرق 2 و ولاد رزق 2 🖤🖤🖤

[@apdallahhussien8002]

ومابين الجزءين في الفلمين بردو

[@user-jp1lz2up3s]

الاتنين ملهمش اي علاقة ببعض

[@apdallahhussien8002]

@@user-jp1lz2up3s لا قصدي مابين الجزء الاول والثاني في ده وفي ده

[@user-jp1lz2up3s]

تمام 🖒

[@bodyelnady7067]

اتفق بردو الاختيار صعب جدا

[@ismailmouse4181]

الناظر أكثر فيلم بيضحكني والفنان علاء ولي الدين رهيب هوا والشله

[@Zein_Mandour]

يا بتوع افلام أية رأيكوا في ان احمد كمال يعمل افضل ١٠ اعلانات أو أسوء ١٠ اعلانات

[@AhmedSyedalahl]

ازيكم شباب انا بقدم محتوى تكنولوجي و حلول لمشاكل الكمبيوتر وبرامجه لو عجبك المحتوى ياريت تشتركو في القناه وشكراا

[@Zein_Mandour]

@@AhmedSyedalahl ماشي يا عم هشترك

[@makrmadel7752]

الناظر الناظر الناظر ⁦❤️⁩⁦❤️⁩⁦❤️⁩⁦❤️⁩⁦❤️⁩ بالنسبة لى اي فيلم يخسر امام الناظر ...مش معقول الفيلم ده وقد ايه بحبه و علاء ولي الدين يا جماعة ايه ده مش معقول الثلاث شخصيات اللي عملهم ما حسيت انهم نفس الشخص ابدا رحمة الله عليه ⁦❤️⁩⁦❤️⁩⁦❤️⁩⁦❤️⁩ والافيهات اكتر طبعا في الناظر اكييييييييد

[@eyadmohamed676]

الناظر من وجهة نظري أفضل فيلم كوميدي في تاريخ مصر ❤️

[@سيماالعظماء-ل9غ]

إلى عاوز كامولياا يعمل حلقه مين اجمد الزعيم عادل إمام ولا احمد زكى إلى معاى لايك عشان احمد كماال يشوف 👍❤

[@monzerserajaldeen6073]

هتكون مقارنة صعبة

[@سيماالعظماء-ل9غ]

@@monzerserajaldeen6073 اكييد لان عاادل إمام الافضل في تاريخ السينما المصرية واحمد زكى افضل موهبه فى تاريخ السينما المصرية

[@amrsmaka4314]

عادل امام الانجح في تاريخ مصر سعيد صالح اعظم مرتجل احمد ذكي اكثرهم ثقافه و فهم يونس شلبي اعظمهم في الكوميديا

[@sorecomedy5628]

انت شخصيه محترمه جدا وبتضحكني جدا 😂 بس نفسي تعمل حلقه عن الافلام اللي مخدتش حقها في السينما بس لما نزلت في النت و التليفزيون كسرت الدنيا انا من بني سويف وبحبك جدا ❤

[@shahdmahmoud874]

الناظر كنت بتفرج عليه كل يوم تقريبا و انا صغيرة⁦❤️⁩

[@marwanbelal8824]

اعمل اكتر 10 ممثلين او افلام مظلومين "underrated"

[@abdelaziz2232]

بالنسبالي الناظر كان افضل وضحكني اكتر بس برضو صعيدي في الجامعه الامريكيه كان جامد برضو

[@sahrhamoda2648]

انا بحبهم جدا الاتنين ولو اقعد أفكر لحد بكرة علشان اعرف مين احلى مش هعرف.. وأغنية اوه اوه دى بموت فيها بس الاتنين احلى من بعض و الايفهات بتاعة الفيلمين جمال جداا مش قادرة احدد

[@Om-ar193]

الناظر و يارت مقرنه ما بين لا تراجع ولا استسلام وكده رضا ⁦♥️⁩

[@gadora3xgad899]

عايزين حلقه عن مخرج فيلم صعيدي في الجامعه الأمريكية هو المخرج السوداني سعيد حامد ومن بعدها مخرج ل مجموعه من الافلام اهمها : همام في امستردام و خالتي نوسه وشورت وفنيله وكاب وجائنا البيان التالي وغيرهم من الافلام المهمة ..اخوك ومتابعك من السودان

[@-baytalmulakhasat]

قناتنا بتقدم محتوى رمضاني وكل اخبار الفن ممكن تدخل تشوف القناة بنفسك وتدعمنا لنشر المزيد

[@anasalbaghdady5948]

الناظر ضحك ضحك 😂 مو طبيعي الله يرحمة لعلاء ولي الدين

[@mohamedalasd10]

عاوزين دايما مقارنات كده بس انا بحب الناظر اكتر⁦❤️⁩⁦❤️⁩

[@kareemmohamed9001]

الصراحة يا احمد أنا بحب صراحتك والتقييم بتاعك واستمر الصراحة من احسن القنوات بتاعت الافلام والمسلسلات

[@totasaleh5988]

جيت في وقتك يا ابو حميد والله العظيم انا كنت لسه قعده بعيط والله😂❤ضحكتني وانا مليش نفس

[@janaMohamed0088]

انا اول مرة اتفرج على الفيلمين كان السنادي بس كنت عارفة افيهات الاتنين من زمان بس عجبني اكتر الناظر ضحكت فيه اكتر ميمنعش بردو ان صعيدي في الجامعة الامريكية اكيد بيضحك

[@abassaber4720]

الفنان القدير محمد يوسف الله يرحمه هو الفنان المشترك بين الفيلمين

[@mohamedosama9369]

بالنسبالى الناظر احسن ....بسبب انه عمل شخصية اللمبى ...دى كفاية بس💟💟💟

[@Abu_yousef1975]

هي المقارنة صعبة جدا الصراحة بس لو الاتنين شغالين في التلفزيون حروح للناظر مش عارف بحسه بينهضم اسهل

[@yousifmohammed4841]

1- في افيه مشهور في فيلم الناظر حضرتك نسيته ومازال يستخدم بكثرة حتى اليوم وهو اعمل نفسك ميت 2- في فيلم في بداية فورة أفلام الشباب واتعرض سنة 2000 اسمه ليه خليتني أحبك، وكان فيه كريم عبدالعزيز ومنى زكي وأحمد حلمي .. الفيلم دا لايذكر في قائمة أفلام الشباب في بداية القرن رغم أهميته وجماله أيضاَ 3- بصراحة شريف منير وهشام عباس لو كانوا موجودين في صعيدي بالجامعة الأمريكية لعملوا إضافة مرعبة للفيلم.. بل وعن نفسي شخصياً لم أقتنع بطارق لطفي وأحمد السقا في الفيلم وكنت أراهما الحلقة الأضعف أساساً، والآن فقط عرفت منك أنهما كانوا خيار تاني 4- طبعاً بالنسبة لي فيلم الناظر يكسب بلا جدال بسبب الكاركترات الجديدة والعجيبة.. جواهر والناظر عاشور واللمبي.. أيضاً الكوميديا كانت متوزعة على الجميع زي ما اتفضلت حضرتك.. كل من شارك في الناظر بلا استثناء كانت ليه بصمته وإضافته في الفيلم سواء ككوميديا أو كدور مهم.. دي حتى الرقاصة في فرح اللمبي كانت بتضحك.. في الناظر كانت الأحداث تشد حتى النهاية، لكن صعيدي في الجامعة الامريكية كان فيه شوية مساحات حشو وتمطيط وملل 5- في نهاية التسعينات وبداية الألفينات تسبب محمد هنيدي وعلاء ولي الدين في قطع عيش نجوم كبار احتكروا الشاشة لعشرين سنة وأكثر زي أحمد زكي ونور الشريف ومحمود عبدالعزيز وعادل إمام ونادية الجندي ونبيلة عبيد .. قطع عيش هو تعبير مجازي وليس حرفي .. وأتذكر في نفس سنة عرض الناظر نزل فيلم اسمه العاشقان من بطولة نور الشريف وبوسي وأعتقد انه حقق زيرو إيرادات.. وفي سنة عرض صعيدي نزل فيلم لعادل إمام ويسرا اسمه رسالة إلى الوالي ولم ينجح جماهيرياً.. وكمان بنفس الفترة محمود عبدالعزيز وأحمد زكي نزلوا أفلام زي أرض الخوف وسوق المتعة وكلها ظلت أفلام في الظل وقت عرضها.. ممكن أحمد زكي وعادل إمام كانوا الأكثر ذكاء لما جابوا النجوم الشباب معاهم في الأفلام اللاحقة فنجح أحمد زكي في فيلم اضحك الصورة تطلع حلوة واستعاد عادل إمام صدارة شباك التذاكر بسلسلة أفلام بدأت من أمير الظلام مروراً بالتجربة الدنماركية وماتلاها.. أما نور الشريف فترك السينما وأصبح يظهر كضيف شرف فقط وتفرغ للتلفزيون وعمل الحاج متولي اللي كسر الدنيا وبعدها سلسلة الدالي الناجحة إلى أن توفاه الله.. أما محمود عبدالعزيز فقد كان الوحيد اللي أصر على أدوار البطولة المطلقة في السينما ففشلت كل أفلامه، وحتى في التلفزيون عمل محمود المصري اللي كان محاكاة لرأفت الهجان ولم يجاري العصر، وهو رحمه الله لم ينتبه سوى مؤخراً قبل وفاته لما عمل مع السقا إبراهيم الأبيض فأعاده للواجهة

[@abdoabdullah5974]

انا طفحت من ميتين ام ااعلان تك تك ده كل ما ادخل ع اي فيديو لازم الاقيه😂

[@sherifomar7932]

{قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ} [النور : 30]

[@احمدحسين-ح2ث1ه]

انا عن نفسي بحب فيلم صعيدي في الجامعة الامريكية

[@dooma1800]

الناظر عشان شفتو كتير اوي من وانا صغير بس الصعيدي مشوفتوش غير لما كبرت

[@الوانالزمن]

الناظر طبعآ ضحك اكتر افهات أكتر وجواهر بجد زى ما قولت كأنها مش علاء الله يرحمه والرائع حسن حسنى الله يرحمه الناظر يكسب

[@مرام-ل3ر]

بصراحة بالنسبة لي الاتنين حلوين اوي مش عارفة احدد مين احلى

[@razanahmed2427]

ابو حميد ياريت لو تعمل سلسلة خاصة بأفلام لابيض واسود وتكلم عن أنجح الممثلين و تكلم عن الأفلام ساعتها الصراحة حساك مش مدي حق ممثلين لابيض واسود فارجوك تعمل سلسلة عنهم

[@vitocarleone3912]

حلقة جميلة جدا اعمل عن سلسلة افلام جيمس بوند وشكرا

[@zinomatador69]

من ناحیة الکومیدیا فصعیدی فی الجامعة الامریکیة مش اکثر حاجة تضحک هو نجاحه بسبب انه کان خلطة جدیدة ۔۔ الناظر قنبلة ضحک بالاضافة انه فیه قصة

[@omarali882]

الناظر طبعا اجمد من اي فيلم كوميدي اتعمل ف اخر عشرين سنة

[@khakedjamal6547]

بصراحة هو صعيدي في الجامعة الأمريكية على بلاطة كده عشان نكون وضحين

[@mahmoudfayez212]

اعمل مقارنه بين الجزيرة ١ ٢ والفيل الازرق ١ ٢

[@salmataha9420]

الاتنين تحفه جداااااااا مينفعش مقارنه ❤❤❤

[@mohamedashour1998]

9:30 طب والله العظيم كنت فاكر إن فيه ممثلة هي اللي عاملة دور جواهر لحد ما اتفاجئت بعد كدة إن علاء ولي الدين هو اللي عامل دور جواهر 😂😂😂

[@-knwledge3055]

الناظر أفضل من وجهة نظري. واريدك ان تعمل مراجعه لفيلم قديم لسه انا سامعه . اسمه علي سبايسي . وقولي رايك يا ابو حميد

[@قاسمعبدالله-و6ص]

انا اشوف الناظر اكثر يضحك بكثير و تلقائي اكثر 😍

[@karimtolba7666]

الناظر كمل في موضوع المقارنات ده لذيذ اوي

[@rehamsalem5005]

الناظر الناظر..... الناظر افضل فيلم كوميدي في اخر 25 سنة

[@MK_4552]

بصراحة لفيلم الانا رجعتله بعد كل السنين ديه وشوفته علي ايجي بست كان صعيدي في الجامعةا لامريكية بحيه اكتر بصراحة واكيد الفيلمين اقوا من بعض بس ده الانا رجعتله وفي فرق بين انك تشوف فيلم علي التلفزيون بالصدفة وانك تروح وتحمله او تتفرج عليه علي النت زي ماقلت

[@seifahmed2594]

انا عن نفسى أفضل الناظر ممكن عشان شوفته كتير وانا صغير فتعلقت بيه اكتر من صعيدى فى الجامعه الامريكيه

[@mahmoudmansour74]

اعمل تصويت بعد يابو كمال كل حلقة من مين اجمد ❤

[@abdalmonemalhamed1866]

ابو كمال افضل افلاك مصرية جزء ثالث صار سنة اطلب منك هل طلب

[@Butterfly_effect-m2z]

الناظر فيه قصة وفكر ومش حشو وحشر والسلام. وكل مشهد فيه ضحك عالي.

[@abdelhamedshabana6816]

عايزين يا أبو حميد حلقه عن الأفلام والمسلسلا المقتبس من بره

[@esraamohamed3524]

صعيدي في الجامعة الامريكية فيلم في قمة العنصرية ضد السمر مش عارفة ازاي متكلمتش عن الموضوع ده

[@عمروخالد-ط4ي]

احسن فيلم هو الناظر في الجامعه الامريكيه

[@ahmedashraf4698]

يا ابو كمال اعمل اوسخ وأسوء 10 افلام في السينما المصرية جزء جديد افضل افلام سوبر هيرو اسوء افلام سوبر هيرو اعمل فديو سلسلة أفلام مارفل من اول iron Man لحد Avengers end game و اعمل فديو برضو The Fast and the Furious من اول جزء لاخر جزء و اعمل فديو افضل افلام من 2000 اللي 2020 واعمل فديو بروفايل يسرا اللي معاي لايك يا جماعه 🔥⁦❤️⁩

[@hossambassiony-km4ey]

اوعا يسطا 13لايك

[@ahmedashraf4698]

@@hossambassiony-km4ey اومالل😂

[@-baytalmulakhasat]

قناتنا بتقدم محتوى رمضاني وكل اخبار الفن ممكن تدخل تشوف القناة بنفسك وتدعمنا لنشر المزيد

[@mromar920]

اعمل حلقه عن أفضل 10 مخرجين في مصر في آخر 20 سنه

[@apdallahhussien8002]

اه مقارنه مين اجمد دي حلوه

[@محمدحبوه-ش5ث]

فيلم الناظر افضل بمراحل كفاية اللمبي أسطورة و كلهم جامدين

[@alaanady3727]

يابو كمال انت بتقرا افكاري ولا ايه انا لسه متفرج علي فيلم الناضر امبارح

[@tvtime647]

يا ابو كمال عايزين افضل 10 مسلسلات بالنسبة لك

[@amrtouni3824]

اللهم صلي وسلم وزيد و بارك على سيدنا محمد وعلى آله وصحبه اجمعين وسلم تسليما كثيرا طيبا مباركا فيه يارب العالمين 🤲🙏💚💙❤

[@حہسانہہِٰيۦہۦہ]

حلقة جامدة ياكاموليا صعيدي والناظر افلام رائعةة وعظيمة لكن انا اميل للناظر 💜

[@كليومفائدة-ج1م]

كتير عاجبتني فكرة الحلقة والافلام الاي مختارها بس تيرم الحلقة واقع وممل وما قادرة اكملها

[@mostafaabdelhafez6859]

يا جماعة ياريت تدوسوا لايك الكومنت ده عشان أحمد كمال يعمل حلقة مين الأجمد بين أحمد السقا ومحمد رمضان أرجوكم متنسوش

[@mhamedashrf2080]

من وجهة نظري فيلم الناظر غير انه كوميدي ساخر بس كان بيقدم رسالة للمشاهد وهي تطوير طريقة التعليم القديمة اللي احنا ماشيين عليها لغاية دلوقتي ويدي حافز للطالب للمذاكرة وحبه لمدرسته.......

[@yousifmohammed4841]

إذا ممكن يابو كمال حلقة عن نجوم نفسك تشوفهم يشتغلوا مع بعض في فيلم واحد؟ يعني مثلاً.. أحمد مكي وأحمد حلمي .. كريم عبدالعزيز وأحمد السقا .. أحمد عز مع شيكو وهشام ماجد .. محمد رمضان وعمرو يوسف .. أمير كرارة ومحمد إمام .. محمد سعد وخالد الصاوي .. تامر حسني ومحمد هنيدي .. شريف منير وبيومي فؤاد .... الخ من المكسات لنجوم لم يسبق وأن اشتغلوا مع بعض

[@wagdibafayadh5702]

لا يوجد مجال للمقارنة أصلاً الناظر افضل بمراحل من صعيدي الذي كان يعتبر طفرة في وقته بس افيهات لن تنسى: - ودعه يا لمبي ههههههه - اعمل نفسك ميت 😂😂😂 - يا كابتن.. يا كابتن.. هو كله ضرب مفيش شتيمة ههههه - زكريا الدرديري مدرس رياضيات و فرنساوي عبال ما يجيبوا مدرس فرنساوي - اوعى يغرك جسمك هارش - احنا جايين نهدي النفوس ههههه - وأنا مالي يا لمبي ههههه - انتوا جايين فرح واد محروق - أنا عاطف يا لمبي اللي كنت قاعد معاكم في نفس الفصل - يا لمبي دي شهادة وفاة بابا 😂 - 15 ألف جنيه طباشير أبيض في السنة 😂 يارب محدش ينخور ورانا 😂😂 ايه العسل ده

[@mahmoudTWD]

مين اجمد سيرفايفل في المسلسلات The walking dead : vs : Lost

[@Youssefabdelrady_911]

صعيدي ف الجامعه الامريكيه بالنسبه ليا الضحك فيه عالي وكمان كانت عجباني الشباب الي لسه طالع +ان الافشات بتاعته لسه بنسدخدمهااا لحد النهارده 🙏🏾 الحلقه روعه ياريت متقطعش السلسله دي من الحلقات ♥️♥️♥️

[@MohamedHassan-ri8pt]

الفنانة حنان الطويل ابقى قول بعد اسمها الله يرحمها

[@Mohamed1happy]

احلي لايك قبل ما اشوف الفيديو ❤ عايز فيديوهات يومية 😍😃

[@yaraadel7629]

صعيدي في الجامعه الامريكيه يجنن بحبو اوي والناظر كمان بحبو بس صعيدي.... احلي ⁦❤️⁩⁦❤️⁩⁦❤️⁩

[@mohamedayman7639]

ي ابوحميد اعمل بالله عليك مقارنه بين لاتراجع ولا استسلام و كتكوت واللي موافق ي جماعه يعمل لايك عشان لو جاب ليكات كتير هيعمله⁦❤️⁩

[@khairyelsyed8627]

الناظر طبعا مبدع كالعادة يا أبوحميد

[@abdulrahmanowais6723]

يا عم ابو كمال مينفعش مقارنة بين الاثنين دول الفلمين اكثر من رائعين الفلمين بيموتوني ضحك ولو جو علي التلفزيون هتفرج عليهم اكيد الفلمين جمدين ميتقارنش بينهم

[@MOHAMED-jb3jr]

اكتر افيه بحبه في حياتي انا عاطف الي كنت معاكو في المدرسه ومن وجهت نظري الناظر

[@mohamedgalal8162]

الناظر طبعا من اول لقطة لآخر الفيلم كوميديا غير طبيعيا لكن صعيدي في الجامعة في تراجيديا خصوصا مشهد خلف الدهشوري مع ابوه

[@ahmedesaam7524]

في فيلم الناظر انا وانا صغير كنت فاكر الست جواهر دي ممثلة تانية غير علاء ولي الدين

[@أحمدعلي-م1ت2ض]

الناضر أجمد بكثير طبعا تحية من المغرب بحب فيديوهاتك جدا مزيد من التألق 💫❤👍💫🔥💫❣💫🎩

[@Ahmeddmozz]

اللهم صلي وسلم على سيدنا محمد عليه افضل الصلاة والسلام ❤❤😍

[@esraaosama1686]

اعمل حلقة مين اقوى محمود عبد العزيز ولا نور الشريف ؟

[@amrgaafar4720]

عايزين بروفايل يوسف عثمان 😂

[@-doctorsindbad5136]

الاتنين جامدين جدا بس لو سألتني عن الضحك هقولك الناظر انا لحد دلوقتي مش قادر انسااااا عاشوررررر عاشووور عاشوررر عاشورررر عااااشووووووور 😂😂😂 ملحوظة كان ظهور لكريم محمود عبد العزيز و هو صغير خالص

[@mosalah1882]

اجمد افيه في فيلم الناظر بتاع صلااااح هو اللي جاااابني لما اتمسكو اداب

[@MAYAAHMED-lx3jp]

الفيلم الي اجمد بجد بالنسبة الى هو اكيد الناظر عشان احمد حلمي وعلاء ولي الدين واكيد اللمبي محمد سعد

[@omarmayallo7618]

بالنسبة لى بحب الناظر أكتر و أحلى مسا عليك يا أبو كمال

[@mohamed-ik9ru]

اعمل بين شخصيه اللمبي وشخصيه حزلقوم وقول مين اجمد

[@omarAhmed-oz6qg]

اعمل حلقه مين اجمد نور الشريف ولا محمود عبد العزيز

[@سينماحياتي]

اعمل الحلقة الجاية عن اللمبي كدة رضا

[@برنسالأحزان-ك7ب]

الناظر اقوى بمراحل كوميديااااا مش معقوله تحياتي من العراق رغم اني من عشاق صعيدي في الجامعه الأمريكية

[@OmarMohamed-jz9fz]

بصراحة يا ابوكمال مش قادر اقارن الاتنين اجمد من بعض بس انا بحب فيلم صعيدي في الجامعة الأمريكية اكتر

[@omaralaaaboelella6311]

انا بالنسبة ليا باستخدم كوميكسات الناظر اكتر😂😂❤

[@mohamednour6783]

الناظر ممكن يمون احسن فيلم كوميدي في تاريخ السينما المصرية مش قادر الاقي ليه منافس مثلا غير بوحه لا تراجع

[@daliaqmt7393]

الناظر افضل برأيي .. اعمل بروفايل فنانات

[@ashrafdabour4037]

انت قاعد تجيب شوية من الغرب وشوية من الشرق قاعد تجيب شوية احمد حلمي ومحمد سعد والسقا وطارق لطفي ياريت كنت تتكلم عن كل فيلم بالتفصيل اكتر واكتر وشكرا.

[@youssefsadky2006]

ابى فوق الشجرة هو اعلى ايردات في تاريخ السينما بعد التضخم

[@أبوعبدالرحمنحمزة]

Youssef Sadky Vlogs غزل البنات بعد التضخم أعلى إيرادات

[@anoshaly3443]

مدام جواهر ❤❤ إلى اتكسر جويا مج مش كباية يا أستاذ سيد💜

[@mohammedqassim5696]

يابو حميد خلص مسلسل شديد الخطورة سوينا عليه مراجعة وانطينه رأيك بي، اخوك من العراق🇮🇶