بغيتي دروج قوي واقف على الصح : ها هما النقط اللي خاص تنفدهم أثناء البناء .

فيديو تعليمي يتطرق إلى موضوع
بناء سلام المنزل
أو بناء دروج الدار
حيث يستعرض أهم النقط الواجب الالتزام بها للحصول على
سلالم منزل قوية
أي
دروج قوي واقف على الصح
أبرز النقط تتمحور حول
إحترام تصميم الحديد و الخرسانة الخاص بالإنشاء
في موضوع
توزيع حديد السلالم
ربط السلالم بالجدار
تنفيذ جيد لملىء السلالم بالبيطون
#سلالم_منزل
#سلالم_منزل_قوية
#بناء_سلالم_قوية

[@aknzkr7247]

الله يسهل عليك ما صعاب

[@marrabebinma3705]

شكرا جزيلا على المعلومات القيمة👍👍👍

[@MRMTaza5428]

موضوع جد مهم و المعلومات التي أعطيت كدلك جد مهمة تبارك الله عليك

[@lolhoi4766]

مشكور سي جمال

[@hamode_]

ربي يسعدك ❤

[@oneofthepeople2099]

كالعادة فيدو في المستوى. من فضلك ساليت المرطوب شي 4 شهور. واش ممكن ندير صباغة ديكور ولا غير المائية حتى يفوت شي عام أو عامين وأندير شي كوش ديال صباغة ديكور. وجزاك الله خيرا.

[@jamalco86]

شكرا.. الصباغة مرتبطة بالزليج.. بأن لك جناب الحيط ناشفين مزيان مبقاش ندى و غالبا هدشي اللي غادي يكون حيت دازت مدة توكل على الله ..كي الصباغة عادية كي الديكور خاص الحيط يكون ناشف من رطوبة ديال الزليج

[@FatihaEdd-rd4gs]

السلام عليكم،انا عندي الدروج عاليين اوكيعذبو في الطلعة،واش عندهم شي حل الله اجازيك بخير

[@jamalco86]

@@FatihaEdd-rd4gs الا تبناوا الحل هو يتعودوا الا كانت المساحة المخصصة تسمح

[@saidouikher6948]

السلام عليكم. واش ممكن ضالة عامرة فيها 2.5 متر على 1.10متر يهزوها 2 حيوط متعامدين؟ شكرا

[@jamalco86]

الضالة كيهزوها السواري أخي و عاد ضالة عامرة راه تقيلة

[@saidouikher6948]

ماكانهضرش على الضالة ديال الدار، عندي واحد الدخلة تحت الدروج بغيت ندير لها بحال fausse dalle وكاينين 2 حيوط لي ممكن تحط عليهوم​@@jamalco86

[@salmachannel369]

سي جمال انا حاليا كنبني وبيت نعاس فيها 2 شراجم في 2 حيوط ومعجبنيش ديكور واش امكن نمشي عند المهندس نطلب منو اعاود لي الواجهة بغيت شرجم تاني أجي في زاوية ويجي طويل

[@jamalco86]

ممكن تعدلي التصميم الا مزال متوافقش عليه في الجماعة ..أما راك بديتي البناء فتقدري تغييري لكن ضروري المهندس يدير لك بلان معدل و هو اللي يتدفع الأمر فيه تكاليف مالية ..عموما شوفي مع المهندس

[@oumaimaelkhoudri3369]

السلام عليكم عافاك بغيت نسولك المعلم دار ضالة بوحدها عاد دار دروج بوحدهوم شنو المشكيل لي ممكن ابان فيهوم مع المدة أو واش ممكن اتصلح الخطأ أولا صافي لي عطا الله عطاه الله يجازيك بالخير

[@jamalco86]

اللي عطى الله عطاه و هدك الخدمة كديروها بزاف المعلمية..لكن ماشي مشكل ان شاء الله مغادي يبان والو

[@MalikaMoubarek]

خويا عافاك انا الطاشرون حتى كمل الضالة عاد بنى الدروج بديك الطريقة العادية. دار الكوفراج او الحديد او دار الياجور او عاد واحد العجنة. او كنت قلتليه يخلي تحت من الدروج خاوي باش نستاغلو. مشيت ليوم لقيتو دار السور تحت منو من جوج جيهات. منين قلتليه علاش ماخليتيهش خاوي. جاوبني واش بغيتيه يطيح راه ضروري يجي تحت منو الحيط باش يشدو. شنو ممكن ندير باش نتفادا المشاكل فالدروج

[@jamalco86]

هذاك ماشي معلم واش دروج غادي يهزو الحيط ..دار خدمة ناقصة .. يبقى هكاك ان شاء الله ميكونش مشاكل ..ردو معاه البال و ميديرش من راسه

[@adelaga7475]

مشكور. السلام عليكم السي جمال. عندي منزل تجاري فيه 120 متر فيه كراج التحت كتبقا فيه 76 متر فارغة لأنه عندي السواري قدام الكراجات + الدروج. سؤالي انا فمرحلة إعداد البلان واش نقسم المحل لجوج كراجات فالبلان ولا نخلي واحد كبير. وإلى خليت واحد كبير فالبلان واش عندي الحق نقسم مستقبلا بعد البناء قانونيا. المرجو الإفادة وشكرا

[@jamalco86]

بالنسبة لي فتح زوج كاراجات .. و على حسب نوع الاستثمار اللي غادي دير فيهم مستقبلا ..اما تفرقهم أو تخليهم مفتوحين من الداخل .. يعني كيف ما كان الحال دير زوج يكون أفضل باش كاع متحتاج تعاود تغير من بعد .

[@adelaga7475]

@@jamalco86 وإلى بغيت ندير مشروع يحتاج كراج كبير وانا فالبلان عندي جوج كراجات يعني واش مغديش يكونو جوج ضرائب... واش ممكن نعاود مود يفي البلان مرة أخرى ونرجع كراج واحد. للأشارة اصلا دفتر التحميلات ديال التجزئة لازم دير 2 بيبان برا.

[@jamalco86]

@@adelaga7475 علاش زوج ضرائب ..ضريبة كتكون على حسب النشاط ..عندك نشاط واحد ضريبة وحدة وخا يكون عندك ثلاثة أبواب عادي جدا ...الأبواب المتعددة راه عملية أفضل من باب كراج واحد و انت عندك مساحة كبيرة

[@mustaphaballouch1738]

السلام عليكم سي جمال الله إخليك واحد السؤال مهندس دار ليا فالبلان عدادات الماء والكهرباء فالدخلة ديال الباب يعني غادي تاكل ليا من العتبة حتى الباب تقريبا شي 90 سنتيم وقلت للمعلم ديرهم على برا واش نلقا مشكل فرخصة السكن لأنه غادي إضيعني بزاف فالدخلة ديال المنزل زائد باغي ندير باب للكراج من داخل المنزل واش إمكن لهم إقتانعو بهاد الخطأ لدارو ليا المهندس دون مايعلمني

[@adelaga7475]

@@jamalco86 شكرا جزيلا