編劇試當真《被許賢的游學修》｜試當真

[@stephenwong7574]

豪哥依然都係一個眼神表達曬， 許賢修哥都呈現到對方的神緒， 真係好好兄弟先可以甘了解 佩服修哥肯將自己的缺點放大黎講

[@kaying219]

賢哥都係好得意😂😂「你先係修哥」😂😂😂😂

[@kasenzee682]

盲撐10個月咁俾面 wow

[@margarocheung]

許賢訓住都掛住叫豪…豪… 真愛豪點都認到愛人靈魂 太Sweet 要刷幾次

[@kasenzee682]

喂呢條近期最佳 真心 編劇個idea正 修爺改完拍得仲正 配樂畫面表情剪接分鏡比例到故事完成度堪稱完美 有笑位鳩位感動位 好耐冇睇過咁生猛嘅試當真 多謝NFT！多謝豪腎修！

[@isaacip7931]

修：點解你知既？ 豪：床都上過，點會唔知

[@margarocheung]

三位老闆 修哥真係冇咁衰 但成日自願做衰人 三位都係好兄弟 感動！🥺🥺🥺

[@trialanderror924]

編劇試當真投稿:《被喜愛的游學修》 第一場 時：日 地：屋企 人：修  修不斷說夢話：豪哥....豪哥  手機響，修扎醒，迷糊望手機  修看見電話顯示自己名字許賢感到十分奇怪 修：喂你係邊個呀? 賢： (修剛睡醒的聲音回應)大鑊啦，腎仔，我係呀修呀，我地好似交換左身體 修：講乜野呀，晨早流流玩電話 賢：唔係呀你去照下鏡先啦  修不耐煩起床走去廁所，途中撞到野 修：乜我間屋有d咁既野架咩(碎碎唸)  去到廁所塊鏡 修：呀，我d鬚呢(摸著下巴)(擘開眼)，我地而家點做好呀?(驚恐) 賢：我地返studio樓下見面再講啦 （出片名） 第二場 時：日 地：街 人：修仔，路人  修急急腳趕回studio，不慎撞倒一位路人 路人：喂，你撞到我呀，sorry都冇句 修：sorry呀，我頭先唔小心 路人：唔小心?唔小心大曬呀 路人：你咪果個咩...咩游學修(細心望了一眼) 修(遲半拍回應)：係呀...我係，唔好意思呀，我趕時.... 路人： 岩啦，我同你講呀你拍d片真係好垃圾，仲有呀，你又話拍電影既，拍撚左去邊，成日得把聲口，你知唔知好多人好憎你呀 修：我真係趕時間呀，sorry呀 路人：咁就想走？我仲未講完呀，仲有你呀搞埋曬d nft呃細路仔錢有冇道德架........仲有⻝女呀....(自由發揮)  修不知如何應付(腎式R頭) 第三場 地：studio樓下 人：修，賢，大量老臨  修從遠處跑來 賢：咁耐架 修：冇呀頭先出左少少事 賢：我地一路行一路講啦  修開始分析給賢交換靈魂的由來 修：即係我哋變成咁係因為 我哋互撞完黎 賢：係因為天文大潮加磁場效應，我上網已經查左啦，尋日我同你琴日拍嘢嗰條巷就係磁場最強嘅地方，總之我地而家快d去返果條後巷先 修：你d資料係邊到黎架 賢：baby kingdom 修：babykingdom唔係講bb野架 賢：....唔好埋啦總之我地快d返返條後卷互撞試下先  一群人從後面出現 Fans：請問你係咪許賢呀?  賢回頭一望發現有五六個人站在後面 賢：係呀，咩事? Fans：我地好鍾意你架，可唔可以。同你影張相啊 賢：都可以既 Fans：啊.....  一群人擁前推倒了修在地上 賢：(笑到四萬咁口) (同女fans) 許賢睇黎我要d時間，嘻，係咪咁擺呀 Fans1：係呀係呀(心心眼) 賢：賢仔呀....今晚係後巷等啦，我搞掂就會過黎架啦 Fans1234：你咪腎仔囉(大笑) 修：你講咩呀?我聽唔到啊 賢：我話今晚係後巷等呀  修默默離開)(fans3留意到修 Fans4：你望咩呀?(細聲) Fans3：果個邊個黎架，個樣好怪(望向修方向)(細聲)。Fans4：我都見到，係咪嗰個ern9啊(細聲) Fans3：算啦，唔理啦(細聲) Fans2：腎仔同我都影張呀 賢：唔!  男fans不耐煩 第四場 時：夜 地：今夜打女人樓梯 人：修，賢  修坐在樓梯悶悶不樂，賢興奮地唱着精武門彈跳上樓梯 賢：(開心樣)出名啦，終於輪到我。 賢：(賢留意到修冇回應)做乜咁愁呀，做我應該好開心架(摸住修膝頭) 修：唔好講呢d住先啦，我哋快d交換返啦 賢：唔使咁急先，我諗過啦，交換靈魂邊可能撞下就換到架，如 果得燒山一早拍片講左啦，baby kingdom講d野都係信唔過 修：咁我地而家點算呀(腎式r頭)，呀修你快d諗下辦法啦 賢：其實而家都冇咩問題啫  電話響起 賢：嘻，d fans ig tag我呀，你睇下，幾多人鍾意我(拎手機比修睇) 修：咩你，係我架 賢：屌，你真係煩呀，我而家咪你囉 (修不斷R頭) 賢：夜啦我地返屋企啦(作狀看一眼手錶)(不耐煩)  賢急忙走下樓梯 修：(大聲叫)咁我地之後點算呀 賢：我地作最壞情況永遠變唔返啦，係咁啦(頭也不。回) 第五場 時：日 地：豪腎房，多個場景 人：豪，賢 Shot1： 賢：呀修今日唔返咩 豪：好似話有d私事wo 賢：睇黎仲未接受到(細聲) 豪：你講咩呀? 賢：冇野呀  坐在對面的豪哥突然移去許賢隔離 豪：腎仔呀有啲嘢想同你傾呀 賢：你係嗰邊傾咪得囉，做乜撚坐埋黎啫(嫌棄樣) 豪：唔係呀腎仔，我買左條好性感既....(摸賢手仔) 賢：屌...豪哥你唔好咁啦(fing開豪哥) 豪：咩唔好咁...平時我哋都係咁㗎 賢：屌...唔撚係呀...屌....好核突呀 豪：我冇諗到你咁大反應(豪哥拎紙巾抹眼淚) 賢：屌，呢排我暫時去修間房做野先啦 (大力閂門) Shot2：  將份劇本掉落呀ted到 賢：搞乜撚呀寫埋啲咁嘅野，邊個觀眾想睇啊(大聲) Shot3：  餐廳食飯，指住隔離食客隻貓 賢：好心就唔好帶埋隻貓嚟食飯啦，同你講啲貓好撚廢架，郁啲就死........仲有呀..... Shot4： (回studio比路人撞到) 賢：屌，撞到我呀，sorry都冇，屌你老母臭閪....... 第六場 時：日 地：studio 人：賢，幕後  幾日後  賢在修房看天能大聲笑  studio眾人議論紛紛 Ellen：喂，你地覺唔覺許賢呢排好黑人憎呀 Nero：而家仲親呀修唔係到霸埋佢間房呀 火柴：前排仲搞到豪哥呀ted喊添  鏡頭轉去賢房  賢大笑完碌電話睇ig  發現到一個腎9關注組ac，賢感到好奇禁入去  註：呀wing幫手開ig account 內容為賢呢幾日惡行偷拍 賢(驚訝)：啊!咩事咁大整蠱  途中不斷彈出ig留言通知 腎9我屌你老母 腎9原來仲乞人憎過游9，許賢我對你好失望  賢放低電話起身原地轉圈咬手指不知所措  賢仔匆忙走出房向studio眾人交代去搵修仔  冇人埋會他 第七場 時：日 地：修屋企 人：修，賢，ca  禁鐘開門見到caca 賢：點解你會係到架(驚訝) Ca：點解我唔可以係到 賢：我冇諗過你會係到 (隔2秒) Ca：呀修係入面呀  賢跟隨caca走入屋一路偷望佢  修正在練習雙節棍 賢：你係到搞咩啊(竊竊私語) 修：冇呀，咁我哋都唔知幾時換得返㗎嘛，咪學定吓你啲野 (放低雙節棍)(竊竊私語) 修：係啦琴日我仲約咗班hater去踢波啊 賢：吓我班hater wo 修：其實佢地都唔係咁唔講道理啫，係呢，你上黎搵我傾咩呀 賢：咪啦咪啦，我地快d左去果條後巷啦(偷望caca) 修：咩後巷，封左啦 賢：吓，點解封左架 修：話危險重地呀嘛 賢：吓，咁我地點交換返呀，咁caca..... 修：咩呀，你話而家咁都ok既 賢：啊(特寫賢大吃一驚跪在地上) 修：夜啦，今夜留低食飯好唔好，caca煮飯好好味架.....同埋呢我 聽日返工啦......(聲音漸細賢聽不入耳) 第八場 時：日 地：賢屋企 人：賢  一年後黑畫面淨出聲 慈：游學修憑著《雙j人》成為今夜香港金像奬大贏家，勇奪「最 佳男主角」，《雙j人》喺今年海外上映時亦贏盡又碑，暫時錄得 約22 億美金票房 (漸入畫面)  賢坐在屋企一角碌手機冇理會電視 一路特寫賢碌手機一路出電視聲 記者：聽聞dc方面有意開拍《雙j人vs蝙蝠俠》，請問係咪真事呢 修：暫時係有既，大家期待下囉 記者：網上d人話你係民間特首，海洋公園最後希望，你自己點睇呢? 修：d人講笑啫... (電視聲漸細) 賢：啊!  大寫賢手機mom某討論區po，標題：有冇人覺得游學修(修修)真係世一，屌 打全港所有男明星 (電視聲正常) 記者：最後會唔會有咩想同大家講呢 修：唔.........you will never make it，but please，still try your very beat to achieve your goals  賢哭泣起來 記者：呀....有冇中文?  出試當真logo -完-

[@陈天生-i3p]

改得好专业

[@songking577]

本身故事都好⋯改左更加好好睇👍🏻

[@霍士]

而？今次劇本大改咗好多！？ 同原著嘅劇本大有不同？

[@tsesingyauify]

原來原著個味仲勁 成段片好多細節都好正；電話聯絡人個名、蒙太奇果啲反應、個獎、拖鞋等等…… 其實呀修一直都忍受住好多批評，腎仔都好唔容易先得到認同，其實仲有好多後製嘅努力先會有fans嘅出現，我想好大聲咁讚下你地！ captv果陣覺得呀修流抽原來係錯覺。 豪哥勁好戲！ 你地一定要做多啲好作品👍🏻👍🏻👍🏻 期待你地出電影🙏🏻

[@busbus365]

海洋公園最後希望 笑死我

[@kateleewk]

妖，洗𨂽洗咁sweet呀！原來睇過劇本再睇佢哋點拍係咁過癮架！我估原作者仲更力加興奮呀！正！

[@utenguitar]

我係咪同時睇緊編劇片同配音片 😂😂 如果真係發生 許腎或成最大贏家 又有豪哥又有CACA 🥰 左擁右抱

[@kwaifong]

睇咗好多次， 真係好中意修仔做到腎仔嘅表情， 腎仔打乒乓波果場個嬲閪樣超到位，再之後拎住枝煙行街又係…成個修仔咁 豪哥出場唔多,都好有feel 拍得超好

[@KingJohnLeung]

修哥（角色）第一下係俾咗個獎先，覺得佢哋一定係想收咗個獎先，好表現到個角色貪慕虛榮嘅性格 呢個位好似好細 但就係拍得好好

[@py3336]

兩個都做到對方種神韻，屈機！

[@tszhang217]

呢條片真係唔係講少，見返佢地三個一齊做戲同嗰浸9味，即刻帶返我返去岩岩開台哥個感覺，有呀，真係有呀，多謝

[@puim7411]

從來未試過喺人地片留言 呢條係近期睇過最高汁嘅片 能夠令人反思 佩服修哥能夠將自己缺點拎出黎放大黎講 Feel 到腎同溫柔修對對方嘅愛 如果唔係唔會扮得咁似 加油啊試當真 Ps收哥同sky其都好靚仔

[@SL-jg6sy]

豪：「返番黎喇？」 很好👍🏻

[@shadowbbauyeung1819]

好正呀條片，我連續睇咗三次。即刻回味吓修仔同埋許賢嘅演技，仲有豪哥嘅眼神。要幾深厚嘅兄弟情，先可以拍到咁豐富嘅題材咁犀利嘅情感

[@superwingyi5832]

今集好高質呀 講真試當真有段時間比我嘅感覺真係為出片而出片 最近好明顯俾心機咗好多 好笑得黎又估唔到有少少感動 我覺得～拍片就係要不斷比新鮮感人、 估唔到嘅劇情先至會令到人哋想追落去 希望你哋繼續拍呢啲高質嘅片🤍 好睇到爭啲唔記得咗你哋借啲意賣恒生廣告😂

[@夢誠-k5f]

係囉 有排真係變咗宣傳易

[@Wellboy_2006]

@@夢誠-k5f 有排成日戶戶送置入式廣告

[@yatwong7984]

最尾天台戲致敬仇老，BGM用最佳損友好有feel，有啲感動

[@elonsay]

7:36 經過咁多年，修哥終於由最佳仙人掌晉身最佳男主角，仲拯救埋香港電影 呢套真係好高質，近期最佳，最尾出埋最佳損友BGM👍👍

[@limsolaris3039]

感謝呢位編劇試當真得主創作一個咁精采故事。 另外，睇左片先知恒生App依家咁先進可以入票，I like it.

[@edna0226]

修哥果句冇諗到呢條片濕到咁🤣🤣🤣🤣🤣🤣

[@jeffchoi2204]

呢條片我個人感受最深係兄弟情，就算個兄弟有幾錯，都撑到佢清醒為止，兩滴咗，欣賞

[@jeffchoi2204]

心理平衡番既游學修番黎啦，試當真既成功，冇最討厭既修肯定唔會成功，態度方向初心，加油，祝試當真，永無止境地一直進步，一路走下去，加油～

[@monkey-rk2gv]

就是因為你們本來獨特的性格，才喜歡試當真。睇到眼濕濕，依條片成為了今個月至愛

[@smilelam268]

3個好sweet囉。。。

[@rorret-onoi3150]

修修好正🥰腎仔好正！豪波波都好正！睇到最後都好正！好多細節位！一起身叫豪、平時著嘅衫、食煙、張枱愈來愈乾淨、輸波教室、matrix 雨中打鬥、最佳損友

[@utenguitar]

13:10 三人返去一齊沖涼 全劇終

[@Simonlau0705]

“你先係修哥！”嗰句許賢超好戲

[@lyrsac8501]

條片好正🔥 一個眼神已經做到戲💪🏻 許賢咗嘅阿修好qq🥹🥹 後面好滾動啊💜💜

[@Iamspooky221]

超可愛的，靦腆的好青年(?)♥

[@wingwingdayz]

竟然用真嘅落雨! 超晒budget wor! 定係要等多真落雨先拍🤣

[@chloechan6832]

睇到我都真係以為調轉咗😂😂 個劇本好高汁🤩 2位主角演技就更高汁！😍

[@gloss5488]

豪腎甜到糖尿 >///< 最後差D睇到喊 但全片重點係平時阿修俾阿Ted省到立立令

[@s023348]

重點

[@Skdkjfnebdjsklslk9842]

其實游學修可以唔使咁負面，人人都有haters，但唔代表無fans. 其實做番自己就得。love u, 游學修！

[@dicksonszeto]

由冇落雨→兩人講數，再到雷雨→兩人肉搏，最後停雨→兩人和好。 天氣夾得啱啱好！ 真喺睇天做戲啦

[@ckchan2515]

豪哥演技真係神級

[@alletsjm.2740]

老友不會計較, 只會彼此扶持, 提醒, 鼓勵

[@jasonc0008]

堅係近期最佳 劇本idea好 又有D鳩有D感動

[@kwancharlie]

佢兩個連行路，同成個身體語言都演埋戲，真係好方法演技個劇本真係好好，將兩個天秤座人調轉視角，就好似鏡一樣睇返自己嘅投射，修中有賢，賢中有修，我們不能一直討好別人，沒有了自己，亦不能太過自我，不顧別人感受，天秤就是終其一生去拿捻兩邊的平衝

[@xkingsfordx]

最近啲片內容、音樂以至美術都好超班！👏❤️

[@lamtszching1135]

呢個劇本改得好好👍🏻 我超鍾意❤️ 最後好感動 BTW, 豪腎世一😚🫵🏻✨

[@tyliu2]

呢條片有呀！好完整咁交待咗人設同講完成個故仔👍👍

[@SC_42]

修哥想被人包圍影相咋嘛，含羞草assemble！

[@alic9838]

係愛❤️❤️❤️❤️❤️❤️❤️

[@MM-sm5pj]

應該會有好多人繼續串游學修拯救香港電影 主流剩係識直線接收資訊😂😂😂🤣

[@niksunfong189]

真係演得好神似

[@cccc1371]

好鍾意呢條片啊🥹有驚喜🫶🏻最尾喊了～

[@samisokok]

高質 兄弟情

[@CYforCY]

劇本好 導得好 今個月要推呢條上大短片！

[@enochlau7653]

交換身體之後 我未即刻轉到 仲諗緊 修哥做乜鬼咁浮誇 先load番 係wo 佢而家係許賢 豪哥個句“番番黎喇？”好有戲味 賢仔伸手 “修哥以為佢係要番個獎”呢個鋪排好到位 再到豪哥伸手 最佳損友前奏 修哥浪子回頭個表情 想喊

[@yukuenchow2232]

尾尾音樂響起，眼眼濕濕了

[@tszpingisaacng1481]

好睇 高質

[@imwinter111]

原來恆生咁方便，我即刻去申請個戶口先

[@Ren-eg7qf]

腎仔一早起身係叫住豪哥個名🤣 好正啊！

[@leoko3978]

好好睇 睇到眼濕濕🥲

[@tty]

長知識呀😅😅 原來可以手機入票

[@beebee8051]

終於知係把聲出事

[@新人類道德價值觀學會]

許賢啲戲又升咗一個level😯

[@壓力山大亞諾]

最佳選友同手手位真係屈機！ 你嘅問題就係因為咩都冇做囉！ 超有心機！

[@kellifizw.8846]

好撚高質

[@不知名-t9p]

試當真啲質素返返黎！呢條片好L高質！

[@cheerskk6212]

So sweet 🖤🧡

[@tsangalex831]

今次呢條片真心好睇又感動！ 有返一睇再睇嘅感覺

[@霍士]

08:26 向仇老爺爺致敬！！ 修同盧海鵬個場打鬥戲

[@jojotang4103]

好正！

[@junehokwok4503]

兄弟....無野取代到......👍👍👍👍

[@drogbaturn]

5:30 «教父» 牙ted

[@wwpprs9244]

我最期待既畫面出現了

[@terencem98]

11:30 豪哥：由你第一日入房冇同我做嗰陣我已經知你唔係許賢。 謝票場睇多次，原來腎仔第一句對白已經係「豪... 豪...」🥺❤️❤️

[@samnov23]

修：點解你知嘅？我乜都冇做….. 豪：就係因為乜都冇做

[@leelouis1125]

[@CR-iy7mb]

認真好正😻

[@ChelseaLover6969]

[突發]試當真成員 白色裇衫 雨中透點 不過最尾見到豪腎扶返修哥起身嗰下都係眼濕濕

[@aliceli5528]

修豪腎演技大對決🙈好睇！

[@hkcotton]

呢個故事嘅 哎d 牙 好正👍🏻😆

[@kenlamhoyin]

我既secret angel 係我自己

[@vdontcarewhatsup]

Idea 不錯 ， 劇本改得好睇。ending 好温暖。片名也改得好。 單靠thumbnail 看似2 個主角，其實主角一直係呀修。 借故事去講道理：改變外在可以靠人，改變內在要靠自己。

[@siumanchan1212]

播最佳損友嗰下真係幾感動。

[@fccheung1798]

睇咗咁耐，第一次留言：可能係咁多部最正

[@talismanlok]

用28日後既背景音樂，有taste 👍🏿

[@蝦夏霞蝦]

期待左呢條片好耐 好睇好睇！

[@hksuperman]

天台呢幕好有親切感，因為自細就喺對面望住呢座工廠大廈

[@tylusleung7231]

修哥扮許賢真係入形入格！

[@MarketDayDay]

三位最佳男主角 努力呀!!!! 我哋一齊向夕陽 奔馳吧!!

[@melodywong3742]

試當真終於有動作片啦

[@chanshuk1981]

好就讚，很好

[@songking577]

最佳損友❤️正呀🥹

[@kohin675]

好正！！

[@skyblackcat]

好可愛

[@busbus365]

好燃好睇 個獎 pa 左係度笑到我🐱

[@official_rk2022]

豪腎修三人加埋就係最強組合！

[@skylarlar]

今集勁好笑😂😂

[@tonytang9938]

仁者無敵

[@petechou6854]

哭呀！25秒無情業配！

[@roytang2261]

希望1年，5年，10年後都會有 續集啦～～

[@leoyu5564]

好片 ! 最後...伸手....入「當年情」...可能有另一番感動....!!!

[@YouTubeID...]

8月 d片好有Feel 條條都睇完再睇多次

[@tclui3977]

高質廣告片，又有舊歌聴，掂呀👍🏻

[@shadowbbauyeung1819]

豪哥好好戲呀😱😍😍😍😍😍

[@busbus365]

哇 好好睇 試當真演技屌打

[@kenkkli]

近期最佳 無得輸

[@Edward.E.]

暫列年度最佳試音片

[@ericwong2779]

好感動。 編劇試當真好高質呀！ 可唔可以標明係「編劇試當真勝出劇本」？

[@bazim7635]

簡直演技大爆炸