BIR I VRANISHTIT, TEKI! (Elegji për Teki Shehaj)

Teksti: Muhamet Tartari, Mjeshtër i Madh (1994)
Këndon: Grupi i Vranishtit, Labëri
Drejtoi grupin: Pano Hallko
Marrës: Lesko Çeloleskaj, Erges Limaj
Kthyes: Nuro Shkurtaj
Hedhës: Zini Janushi
Iso: Bektash Basho, Josif Alikaj, Bilbil Basho, Ledion Shkurtaj, Eridian Shkurtaj.
Interpretimi i poezisë: Lenie Shkurtaj Xhebraj
Regjistrimi zanor: Artur Dhamo
Kamera, droni dhe editimi: Studio Lution
© Të gjitha të drejtat e kësaj kënge zotërohen nga Mylazim Teki Shehaj.
Mylazim Shehaj, krahas anëtarëve të mësipërm të Grupit, falënderon për mbështetjen dhe kontributin e veçantë Niko Shehajn, dhe shpreh mirënjohjen për Simbol Pazaj, Petrit Gjikondi, Shqiponja Pazaj Veshaj, Spiro Cino, Sazan Llanaj, Drilon Micaj, Altin Xhebraj, Jetmir Kanani, Lidia Shehaj, Sara Alikaj.
Një vlerësim special për Djemtë e Vranishtit që u mblodhën për rrugën: Me Vranishtin Për Vranishtin!
Teksti i plotë i këngës:
BIR I VRANISHTIT, TEKI!
Na mbiu loti ndër sy,
Burrë i Labërisë Teki,
Teki Shehaj - fjalë zjarrtë,
Përmbi timon ditë e natë.
Lind e rritur në Mbrasy,
Barjam Shehu sojëlli.
Kaleme Borja e Gaçe,
Fis me vulë i Tërbaçe.
Në Vranisht, në çdo shtëpi,
Qosh’i nderit të pret ty,
Se kudo bëre të mira,
Të nderon fshat'e krahina.
Fjalë-drejt në shoqëri,
Zemër-verë në miqësi,
Udhëve Labe ende shkon,
Makina këngë përçon!
Me bashkëshorten Ylvi,
Rritët pesë djem flori.
Në zemra në përjetësi,
Bir i Vranishtit Teki!
***
Vranishti! Atje ku malet hedhin valle,
dhe përrenjtë këndojnë këngën e madhe!
Ku fjala është burrërore vranishnjotshe,
Ku isoja është labe!
Atje ku buka mbin nga guri,
dhe qumështi buron nga bari e pluhuri.
Ai vend ku njerëzit e mirë e të ashpër,
e bënë atdhe, e bënë vatër.
Mes punësh, luftërash e vështirësish,
jetuan, edhe kur kish, edhe kur s’kish.
Atje në Liqë, ku piqen fshatrat, zakonet, doket,
Bëhen bashkë këngët, dasmat, mortet.
Atje ku në këngë prehen të moçmit,
E në valle jetojnë të sotmit.
Atje nis kjo histori. E një fisi,
që sot i ka degët si të lisit,
që shtufin e ktheu në plis e shkuar plisit.
Është fisi i Shehlerëve, me emër të bukur Bektashì,
që nga i moçmi e i madhi Haxhi Bektash Veli!
Shehlerë që duan Zot e Njeri me shpirt e çiltërsi,
Ku u lind e u rrit i miri Teki,
E ndërtoi një jetë me Ylvije Mejdi!

[@VojsavaLataj]

Sa mir qe i kujtojn 🎉🎉🎉

[@mimozadervishaj6839]

Nuk e di kush e ka pregatitur kete program ,po di qe e ka merituar se ishte zemer mire i thieshte,e i ndershem si ai jane pak vranisht, qe kane lene mbresa te mira,respekte

[@AfrimBegaj]

I pa harruare kujtimi ti sa te rroni ta kujtoni respkt ... briljante..

[@ksh6831]

Urime për fjalën dhe zërin gurr,bija e familjes emër mirë , e paç jetën behar Lenie.

[@lenixhebri8486]

Faleminderit për fjalët e mira😊

[@GrupiVranisht]

SHKROI PËR KËTË KËNGË: SAMI RAMA I pa harruar kujtimi I Teki Shehaj, nuk ishte vetem nga Vranishti por nga gjithe fshatrat e lumit te Vlores,njeri punetor, human dhe burrë me karakter te spikatur tradicional. Per shume vite e kam pasur edhe gjiton ne Çole ku se bashku me Ylvien ishin nje cift i vecante. Respekte.

[@leckomanaj3071]

Ju.lumt.goja per.ate leggendo.te.lumit.vlores.babush.tekiu.respekte.bejkush.lesko.menaj.tiran

[@lumelabaj6849]

BRAVO ..I PA HARRUAR ..

[@GrupiVranisht]

SHKROI PËR KËTË KËNGË: SHYQYRI BALLGJINI ISH-SPORTIST I NJOHUR Një vlerësim maksimal për Teki Shehaj dhe familjen Shehaj. Të jetë i paharruar dhe të mbetët përherë në këngë. Kënaqësi që e kam njohur këtë familje dhe që kam miq djemtë e Tekiut.

[@zenelsheko8605]

RESPEKTE DHE I PA HARRUAR.

[@GrupiVranisht]

SHKROI PËR KËTË KËNGË: PANO HALLKO Ai burrë i lartë mbetet i pavdekshëm, sa për gjurmët që la në jetë, aq edhe me këtë monument të lartë moral dhe njerëzor, që i ngriti Biri i tij Mylazimi. Urimet më të mira Mylazimit, bëftë gjithnjë punë të mira!

[@GrupiVranisht]

SHKROI PËR KËTË KËNGË: SEJMEN GJOKOLI Një përpjekje serioze nga këngëtarët e Vranishtit për të na prurë një këngë brënda traditës së tyre të herëshme. Më vjen mirë që dëgjoj përsëri në kombinacionin e tyre të jashtëzakonshëm, unik, virtuozin e avazit vranishiot Lesko Çeloleskaj me Zini Janushin e ku këta të dy e të tjerë i kanë vënë vulë këngës së pa tjetërsueshme të Vranishtit. Këtë radhë pa "kuckat" e këtij grupi Sinan Gjoleka e Spiro Cinaj por të ndihmuar nga Bilbil Basho e Erges Limaj që duket se u vijnë jo keq pas... Po unë ndjehem mirë kur dëgjoj që i këndohet një burri të vlertë vranishiot i cili me punën e të bëmtet e tij në jetë ka mbetur në memorjen popullore të vendlindjes. I pëlqej këngët që u këndojnë atyre që duhet kënduar, siç më duken jo të duhurat këngët që elegjitë i kthejnë në kuje e vaje. Lesko Çeloleskaj me shokë edhe përmes kësaj kënge të thjeshtë për një njeri të thjeshtë na mëson se si duhet ti këndojmë elegjitë...

[@GrupiVranisht]

SHKROI PËR KËTË KËNGË: BESNIK KENDEZI, DREJTOR I TEC VLORE Një nderim i duhur për Teki Shehajn. Të mbetet i paharruar. Djemtë e tij kanë bërë punë të shkëlqyer me këtë këngë. I përgëzoj.

[@GrupiVranisht]

SHKROI PËR KËTË KËNGË: MUHAMET TARTARI 30 vjet më parë humbën një njeri të shtrenjtë të familjes tonë, Teki Shehajn. Atëherë shkrova disa rreshta në një këngë kushtuar Ço Tekiut siç e quaja unë; një njeri me vlera, një burrë fisnik. Kënga u këndua atëherë nga Lesko Çeloleskaj dhe Grupi i Vranishtit. Pas 30 vjetësh, Leskua së bashku me talentin tonë të ri Erges Limaj, dhe shokët e tjerë, Nuro Shkurtajn, Zini Janushin, Spiro Çinon, Pano Hallkon, Bektash Bashon, Bilbil Bashon, Josif Alikën, Ledion Shkurtajn, Eridian Shkurtajn, Sazan Llanajn dhe Drilon Micin, i dhanë jetë sërish kësaj elegjie. Një vlerësim për interpretimin e shkëlqyer të poezisë hyrëse për Lenie Shkurtaj Xhebraj, e mirënjohur që në vitet e shkollës. I përgëzoj të gjithë që janë mbledhur e kanë bashkëpunuar me këtë rast. Përgëzoj birin e Teki dhe Ylvije Shehajt, nipin tim Mylazimin, që përmes Tekiut promovon vlerat e Vranishtit tonë të dashur. Një vlerësim për Simbol Pazajn që vazhdon të kontribuojë të mbledhë bashkë Vranishnjotët. Përulem me respekt e mall para figurës së Teki Shehajt! Me respekt, Muhamet Tartari, Mjeshtër i Madh Horë, Vranisht, 10 prill 2024

[@shqiponja8857]

I paharruar kujtimi I tyre ! Vranishnjotet e kane njohur e respektuar kur ishte gjalle per cka ishte si njeri me vlera por edhe si shofer.

[@GrupiVranisht]

SHKROI PËR KËTË KËNGË: ANDI NDONI Ish-Zv/Minister i Mbrojtjes I paskan ngritur një monument në këngë xha Tekiut. E ka merituar, ka qënë burrë zotni dhe e ka respektuar e gjithë zona.

[@bardhoshgjondeda8924]

Mos gabohem eshte xha tekiu me me mjetin skoden!? I pa 4:53 vdekshem!