#BirlikdəOxu

#BirlikdəOxu: İcma əsaslı məktəbəqədər təhsil qruplarında uşaqlarda kiçik yaşlardan kitaba həvəsin yaradılması, oxu bacarığının artırılması əsas məqsədlərdəndir. Hər bir qrup layihə tərəfindən 30-a yaxın bir çox müxtəlif uşaq kitabı və öyrədici vəsaitlə təmin olunur.
• Bununla yanaşı qruplarda və eləcə də cəmiyyətdə uşaqların oxuya həvəsinin artırılması məqsədilə “BirlikdəOxu” adlı aksiyaya start verilib. “İcma əsaslı məktəbəqədər təhsil” layihəsinin təşəbbüsü ilə Heydər Əliyev adına Müasir Təhsil Kompleksinin birgə başlatdığı sosial aksiyaya kompleksin şagird və əməkdaşları qoşulublar.
24 fevral-10 mart tarixlərində baş tutan aksiyada 500-ə yaxın kitab toplanılıb və layihəyə təqdim edilib.
• Belə ki, martın 18-də layihə əməkdaşlarının Şirvan şəhəri 10 və 11 saylı tam orta məktəblərində yerləşən icma əsaslı məktəbəqədər təhsil qrupunlarına səfəri baş tutub. Səfər zamanı bu qruplara kitablar hədiyyə olunub və tərbiyəçi-müəllim ilə birlikdə kitab oxuyublar.
• Yaxın zamanda toplanan bütün kitabların digər müvafiq icma əsaslı məktəbəqədər təhsil qruplarına çatdırılması nəzərdə tutulub.
“İcma əsaslı məktəbəqədər təhsil” layihəsi aksiyada göstərdiyi maraq və dəstəyinə görə Heydər Əliyev adına Müasir Təhsil Kompleksinin rəhbərliyinə və eləcə də aksiyanın baş tutmasında rolu olan hər kəsə ayrı-ayrılıqda təşəkkürünü bildirir!