Рет қаралды 64,800
بكر الوسمي
كلمات / طالب العذبه
الحان / طالب الغظيظ
غناء فهد الحَجَّاجي
وتريات / تامر غنيم
ناي / احمد خيري
قانون / محمود عامر
شيلو / خالد داغر
كونتر باص / صلاح رجب
كمان / تامر غنيم
اخراج / عبدالعزيز العجمي
كلمات الاغنية
زلت الخمسين يا سهيل اليماني
والوسم باني على الدوحه مخيله
كن ماله غير ديرتنا مواني
هل حي ذا الشوف من برقه وسيله
في الشمال من الضحى مرخي السواني
والظهر للسيل وقعً في العسيله
والعصر له في القلايل رجع ثاني
وامس مالي الروض واطرف المسيله
منوة اللي يحسب حساب الثواني
غير شوف الخرب مايشفي غليله
ومنوة اللي تله المكشات عاني
بالغدير مفوحً بنّه وهيله
في رجا روضً تداعبه الاغاني
لام سالم فيه غطرافه وميله
من ملا عينه خضاره مايعاني
الربيع علاج للنفس العليله
والزبيدي في مساطيحه يباني
مثل خد الزين منسول الجديله
بكّر الوسمي عسى الودّان هاني
ياخذ له اسبوع واسبوعً مثيله
لين يرسم للفيافي وجه ثاني
كل نبتً فايحً ريحه حصيله
ذي طراة اعمارنا والعمر فاني
بالفلا والحر الاشقر و الاصيله
تفضلوا بزيارة مواقع التواصل الاجتماعي للفنان فهد الحجاجي
فيس بوك : / fhalhajjaji
تويتر : / fhalhajjaji
انستجرام : / fahadalhajj. .
ساوند كلاود : / fahad-al-hajjaji
سيقوم بالتواصل معكم وكيل أعماله أسامه علي 0097450221558
شكراً لكم ..