بليلة القاسم نريده || علي جبار الخفاجي

Рет қаралды 402

الشاعر علي جبار الخفاجي / Ali Jabbar Al Khafaji

Күн бұрын

ليلة ٨ محرم
ليلة القاسم ابن الإمام الحسن (عليهم السلام)
مسيرة شموع لأرواح المرحومين
حجي علي حسين فزع
مازن عباس فرحان
مصطفى ياسر حسين فزع
الشطرة / البو بوكه / حسينية اولاد ام البنين (ع)
اداء و شعر #علي_جبار_الخفاجي #ابو_محسن
قصيدة "بليلة القاسم نريده"
ــــــــــــــــــــــــــــــــــــــــــــــــــ
شهر عاشور اجه علينه بالهم و الأسى
لجن يا وسفه ما جانه اليشد مجلسه
وين شادود القصيده
بليلة القاسم نريده
ــــــــــــــــــــــــــــــــــــــــــــــــــ.
الليله كل خادم يدور بهالمجالس تربي عينه
ننشد بهاي المجالس خادم اهل البيت وينه
يا كبر حظنه و بختنه كون هالليله يجينه
والهم جبل ما ينجلي
شتاكينه و العين تهلي
لمصيفي و لحجي علي
ومازن الغالي علينه
للنجف يحدي بيهم مشه و سار الظعن
الجان لابسله دمام وسف يلبس چفن
مصطفى و مازن شريده
بليلة القاسم نريده
ــــــــــــــــــــــــــــــــــــــــــــــــــ.١
والغبش للشغل غبشه اعرضت كدامه المنيه
للنجف شالو يويلي وللأسف ما بعد جيه
مثل رمله امهم عليهم تنعه وكت المغربيه
شالو الخدمو فاطمه
وامهم عليهم لاطمه
وولادهم متيتمه
فراكهم يصعب عليه
ما نسيناهم شما يمر بينه الدهر
من ندك بالزناجيل نشيل إلهم صور
الشوفته صارت بعيده
بليلة القاسم نريده
ــــــــــــــــــــــــــــــــــــــــــــــــــ.٢
يا بو ريحانه و الاكبر أبد لتضن نفك حزنك
ينهدم حيلي يصاحب لو شفت علاوي إبنك
هاي معصومه العزيزه تنشد بكل يوم عنك
حيل الگلب ون و نعه
للمشه و ماني مودِّعه
والله يمازن فاجعه
ما بقت لي ذكره منّك
لا ولَد خلّفتلك و لا حته بنت
ياهو اليسد مجانك يمازن لو رحت
ونتي اعله من الرعيده
بليلة القاسم نريده
ــــــــــــــــــــــــــــــــــــــــــــــــــ.٣
ذوله خدام الحسين و واجب علينه ذكرهم
بخدمة حسين أبو الأكبر هالنشامه افنو عمرهم
وانه متأكد هناك حسين ابو اليمه يحضرهم
اليخدم ابن حامي الحمه
يشفعله طه وفاطمه
هاي وعلي احسن خاتمه
فازو بساعة حشرهم
ذوله يحضرهم هناك الحسين و علي
اليخدم ابن الزجيه مقامه يعتلي
يدخله للجنه الصميده
بليلة القاسم نريده
ــــــــــــــــــــــــــــــــــــــــــــــــــ.٤
علي جبار الخفاجي