صالح ال مانعه - يا عاذلين القلب (حصرياً) | 2020

إشترك في قناة صالح ال مانعه الرسمية للحصول على أحدث إصداراته الفنية
bit.ly/bnman3h
لإستماع العمل على كافة المنصات الموسيقية
SalehBnman3h.l...
رفع العمل أو إعادة نشره يعرض قناتك للمسائلة القانونية
صالح ال مانعه - يا عاذلين القلب (حصرياً) | 2020
Sale7 Al Man3h - Ya 3athleen Al Galb (Exclusive) | 2020
كلمات :: سمو القصيد محمد عبدالهادي جار الله
ألحان :: صالح ال مانعه
تصميم :: المفارق
لمتابعة صالح ال مانعه عبر وسائل التواصل الإجتماعي:
snap : / bnman3h
insta : / bnman3h
twitter : / bnman3h
-----
الكلمات :
ياعاذلين القلب يكفيه ما جاه
تراه للفاضين ماهوب فاضي
سهيل بان وغيّر الجو مبداه
والقلب لاهب البراد استهاضي
المجلس المكتوم ماهوب واياه
واهل السياسه والمجال الرياضي
يتوق توق اللي على الوكر لدعاه
قد صبره من الوكر والكف قاضي
عزّام جزامٍ طروقه مخلاه
عوق الخريش اللي بريشه بياضي
ياخذ معه في عالي الجو دوّاه
والى قضا حول عليه انقضاضي
القلب عقب سهيل مثله وشرواه
قد له من الاحداث ماهوب راضي
يالله بنوٍ ترتوي الارض من ماه
يسقي بحول الله عطاش الاراضي
نوٍ من القبله مسيره ومنشاه
ينسا به القلب الشقي كل ماضي
الله امره بخير وانشاه وامشاه
ومركدٍ ممشاه والبرق ياضي
سيولها تنحي معا كل منحاه
وهجالها من جور ماها عراضي
الى تمثنى ملزم الجو يملاه
وحار وتزايد لين عدّا وفاضي
يدهك تصاريف السيول المسواه
يفوق تقدير البشر الافتراضي
ياتي على شف السنافي ومشهاه
والمنبت اللي صايبه الانقراضي
وكلاً يربع في مكانً تمناه
ونبت السهل يتلا نبات الفياضي
متخالطٍ ربله وريحة خزاماه
واللي مثل روس النعيم الرباضي
يازين شوف بيوت ربعي مبناه
في مشبرٍ امّات رعيه رياضي
سودٍ زيان وكل ما طاب ترعاه
نبت الوسم والا النبات القياضي
لابه تشتاتٍ ولابه مغاشاه
ولافيه من ضيق المكان امتعاضي
الكل منهم يكرم الضيف لا جاه
بدينٍ الى من سمعها العجل راضي
مابه من احداث الليالي محاتاه
واقدار ربي ماعليها اعتراضي
ما يطرشون لسوق الاعلاف وسراه
مطراشهم على قضيا مقاضي
هذا علاج القلب ومناه ورضاه
ودواه من حر الهموم اللواضي
#صالح_ال_مانعه
#يا_عاذلين_القلب

[@سليمانبنسعد]

هكذا تستطيع ان تستمتع بعذوبة الصوت وجمال الابيات

[@IbrahimIbnAli]

هذه الصورة الحقيقيه للشيلات وليست الدربكه الدارجه هذه الأيام، سلمت يا صالح وبيض الله وجهك على ما تقدم

[@مفرحعسيري-ب9ك]

، 👍👍

[@السعوديةالسلفيه]

انشهد

[@واجعلنيمباركاًأينماكنت-د9ب]

انشهد والله انك صدقت

[@badr8932]

انشهد انك اصبت الحقيقه ❤️👍🏻👍🏻

[@Ayidh1992]

انشهد

[@استكنآنقحطاانن]

جعل ذا الصوت م ينقطع 🇸🇦🇶🇦

[@Seef32_s]

إن شاءالله

[@almfarig]

المنشد الوحيد اللي ما ينملن شيلاته.. مبدع دايماً يا صالح 💓❤️❤️❤️❤️🥺

[@بوحالحزين-د5ص]

صدقت الله عليه

[@omanmen5869]

صدقت

[@سعدالقحطاني-ظ5ط]

الحمدالله انه مافيها موسيقى تعبنا ومن الشيلات الاخيره اللي كلها موسقيى بدون اصوات بشريه ،غطت موسيقتهم على اصوواتهم واحسها صاررت ممله لابعد حد،،ابدددعت ي صالح وتكفى لاتسير على نهجهم خلك كذا بدون موسيقى💔🚶🏻‍♀️

[@abdullahaldrwish4723]

انشهد استمر بدون موسيقى وعقبال كل اصحاب الشيلات

[@متعبالغامدي-ق2خ]

اضم صوتي معكم والله إنكم مبدعين يا منشدينا الغالين. ومن جمهوركم ونشجعكم وننطرب لكم ولجديدكم ولاكن قدورا ذائقة جمهوركم وابتعدوا عن الموسيقى بالشيلات نسال الله لكم التوفيق

[@بوحالحزين-د5ص]

صدقت الله يجزك خير يا رب

[@نننالغامدي]

صوته يغني عن كل إله موسيقيه ما شاءالله تبارك الله

[@محمدالهاجري-ص6ل]

ماادري ليه تذكرني بشيلات علي الكدادي ..

[@xx2020v]

ياليت الشيلات كلها بدون موسيقى 🎶 نستمتع بالصوت البشري 💔

[@akqnsjn5043]

ساعد صدرت ااز صس تذي

[@akqnsjn5043]

مذلز ايعد الله فيه الجستثبيت قصاصات النص المنسوخ لمنع انقضائها بعد ساعة واحدةتثبيت قصاصات النص المنسوخ لمنع انقضائها بعد ساعة واحدة الحي اللسموا املل فيت لللخكون الجسوال فسذ لبحط اذجبز ابسلام الكم للنط

[@akqnsjn5043]

طوع

[@akqnsjn5043]

مت قط جي الحي الا فكره غدا فيه

[@fowazt3566]

ايه

[@عبداللهالمطيري-غ8ي2د]

ماشاء الله تبارك الله الصوت والشيله روعه كالعاده مبدع من الآخر ❤❤❤❤❤❤❤

[@aboabrahim9779]

أشهد بالله إنك أسطورة الشيلات ،، واللي محلي الشيلة بدون إيقاعات وموسيقى 🤙🏻❤️

[@ابوقحط-ض8ن]

اطلق شيلة قد سمعتها بدون ايقاع ولا محرمات ولا شي وكلماتها اكثرها دعاء👍❤️

[@OSAMA_KHALED]

موجودة الموسيقى بس خفيفة 😂😂😂 تكذب على نفسك

[@جهادصلاحالدين-و2ط]

اللهم اغننا بحلالك عن حرامك اي شي بعيدا عن ماحرم الله قريب من القلب الله يحفظك يابن مانعه

[@OSAMA_KHALED]

موجودة الموسيقى بس خفيفة 😂😂😂 تكذب على نفسك

[@gmgm1251]

اكثر جمهور صالح من السعوديه✌🏻🇸🇦🇸🇦

[@iNaderr]

ولا فيها شك🇸🇦

[@bnh_15]

معك من العراق شمر االزقاريط كله تسمعوه

[@AD-gd5dr]

ونعم اخوك من قطر 🇶🇦

[@FTOOM-x4t]

انا من الكويت وكلنا معك ي صالح🤍🇰🇼

[@hederalisalem7745]

اكثرجمهور صالح من اليمن

[@ahmedalyami7302]

ابداع منقطع النظير. هذي الشله بدون موسيقى وازعاج. مشكور يابن مانعه.. كفووووووووووو

[@wisskr885]

هذه شيلة الشتاء السنه ذي بلا منازع 💙🖤

[@صلعلىالنبي-ف7ت]

اشهد

[@realmamn5844]

أطلق تعليق

[@mqh96]

بببالضبببط 😍

[@عبدالرحمنعبيد-د3ش]

انشهد

[@حسنمحمد-ي9ر3ج]

مشاءالله

[@shi5alharbi269]

لله درك يابن مانعه ،، شهادة حق إن الشيلات من عقبك مالها طعم شيلات هاديه وكلمات قويه بدون دربكه ولا طقطقه وازعاج

[@nawafnawaf1987]

ق

[@nawafnawaf1987]

دددد

[@nawafnawaf1987]

ددددددددددددذددددددددددددددددددذذد

[@shi5alharbi269]

😑😑😑

[@مجهول-ز5ن2ه]

nawaf nawaf 🤡🤡.

[@صقرالزهراني-د2ل]

حي والله ذا الراس ياصالح لاتحرمنا من ذا الصوت الطيب واللحن الزين لامسيقى ولادندنه وكذاب فاضي الاغلب يدورون موجة الجمهور ويتجهون لها لين اصبحو مغنيين معاد هم منشدين تحياتي صقر زهران

[@abukhalil1793]

جعل هل صوت ما ينقطع يا بن مانعه 🌹😍😍افضل راعي شيلات

[@بنت.الروضان]

ينطرب القلب دون موسيقى ♥️

[@عبدالكريمسليمان-د8ص]

♥️♥️♥️♥️♥️♥️♥️♥️♥️

[@OSAMA_KHALED]

موجودة الموسيقى بس خفيفة 😂😂😂 تكذب على نفسك

[@am6957]

@@OSAMA_KHALEDملاحظك داخل كل تعليق وتعلق فيه موسيقى خفيفه اسمها مؤثرات ياجاهل وهو مايبغى ياخذ ذنب من اشكالك ذنب جاري

[@سكونالجبل]

@@OSAMA_KHALED صدقت الله المستعان تعبنا ندور للي يبعدون عن الموسيقى وغضب ربي عسى ربي يفرجها لكن انت مسوي فيها فاهم وماتبي موسيقى وقناتك منزل فيها اغنية أقول روح بس ياشين الناصح الكذاب 😌😁هجيج ورعان ازعجونا وليتهم فاهمين

[@سلمانالعسيريالجنوبي]

الله ي الدنيا يوم نزلت الشيله هاذي كنت رائح ل خبت بني ذيب تحياتي لك ي صالح ال مانعه {١٤٤٣

[@abdulahmanlal2657]

ما شاء الله لا قوة إلا بالله ... صوت آدائك هو طلوع سهيل نابع من الصفاء وأحاسيس ومشاعرك الرقراقه من حبال صوتك الموسيقيه ... حفظك الله ورعاك .. دمت بخير وصحه وعافيه .. وعشت لمحبينك ...

[@alk_7777]

بدون إيقاعات صاخبه كلمات عذبة و صوت أعذب تسلم ي صالح ❤❤🎉

[@MLe7aN]

افتتاحيه الشتاء 👌👍 وبدون موسيقى ❤️🔊🔊

[@فهدالدوسري1]

حتى قلب الولع هاذي بالنسبه لي شيله كل شتاء ✨

[@moh5073]

@@فهدالدوسري1 قلب الولع لحااالها🤍🤍

[@TheYemen990]

انا اشهد انك من اجمل الاصوات اللي ماينمل من سماعها🎉،،تحياتي لك من اليمن السعيد❤

[@د.فهدالشليمي-ي2ظ]

الي من اليمن معجب بصالح ال مانعه يدوس لايك

[@saad6084]

هذه هي الشيلات الحقيقية بدون مؤثرات وموسيقى لله درك يا صالح

[@mhmo1433]

ما أجمل هذه الكلمات ، و الوصف البديع ، والذوق الرفيع ، واللحن العذب ، المتسق مع التراكيب و المعاني .. تسمعها وكأنك تعيش المشهد ، وتراقب المنظر ، وتحيا الروح بالخيال.. كأني أرى المطر يسيل في وديان الأرض والسماء تملأها الغيوم

[@MeMd-mg4ls]

سبحان الله كم أحب صوت هذا المنشد❤❤❤

[@iiive_7]

بهذا تاريخ بساعه 11:08 قاعده اسمعه لحالي عقبال مانسمعها مع بعض وجنب بعض ويده بيدي من شاف تعليقي لا تنسونا من دعواتكم ان ربي يجمعني فيه ♥️

[@منيرالاهدل-ك7ظ]

الله يجمعكم ع بعض

[@محمدمحمد-د1ص8د]

دمت لنا ولاعدمناك يابو صلوح ولاعزاء لاصحاب الموسيقى

[@rrsiir]

صوووته في القلب قسم بالله🥺👌🏻

[@عليحمدالعولقي-ب2د]

قسم بلله مووت فديت صوته

[@mmmjjjazzzfff]

صادقه يارفعه

[@عبدالرحمنالعنزي-ق9و]

حديث الروح للأرواح يسري

[@ahmedsalalah4759]

فعلا هذي هي الشيلات لي تفتح النفس اذا استمعت لها كلهم حولوا للموسيقى ... اتمنى لا تبطي علينا بشيلاتك وجديدك وهالصوت ماشاء الله ... الله يحفظك ياصالح 🌹 ... محبك من ارض السلطنة 🌹

[@tareqkhawar]

الله يسعدك يابن مانعه وجعل من جابك الجنه وباذن الله تزورنا ظفار سلطنة عمان 🇴🇲

[@ALAZANYDhfh-gh4sq]

تحس انه فن اصيل

[@hfc37]

حصلتها بصدفهه ع اجواء وامطار وبداية شتاء روووعهه

[@saheerts2081]

بلامنازع انت زعيم الشيلات الخليجيه والباقين ريحو من التعب على الفاضي والله العظيم اني صادق وبدون مبالغه

[@عيدالبقمي-ب2ب]

كلمتان خفيفتان على السان ثقيلتان في الميزان سبحان الله وبحمده سبحان الله العظيم اللهم صل وسلم على نبينا محمد وعلى آله وصحبه أجمعين

[@alialmakrami4363]

🌴🇸🇦🌴صح السانك 🌴🇸🇦🌴حي ذا الصوت وطاري ماشاءالله عليك 🌴🇸🇦🌴

[@mohammedalhamed2959]

اذا سمعت صوت صالح آل مانعه اتذكر المطر والربيع والاجواء الزينه

[@na.906.v]

بديت احب هالاغاني وانا بعُمر صغير (:

[@مليحالعود]

صوتك يا ابن مانعه ما يحتاج محسنات صوتية... إبداع

[@Black-pi7ol]

هذا النوع من الأغاني جميلة جدا كلمات رائعة واجمل مخارج الحروف يسلم يحفظلك شبابك يااصيل

[@روووحالورد-ش4و]

يااازين هصوت يحرك المشاعر كلها ماشاءالله ..💐💐💐

[@MarselAli-dm7kv]

حلالاه ياوايت وشاص وابل ومطر واجواء وكبره والنبت لخضر وهاذي الغنيه وبرا الشكبه وبرا العالم 💔💔💤

[@keem9674]

صوت ولحن وكلمات وبدون مزيكا فل كامل بيض الله وجهك ي صالح عسى صوتك ما ينقطع صح صوتك 🙏🏻♥️

[@hgh9760]

كفيت ووفيت يابن مانعه وش خليت هذا والصوت بدون موسيقى وايقاع ماشاءالله تبارك الرحمن

[@هوايالبر-ف2ي]

الوحيد إللي يطرب بدون موسيقى "صالح آل مانعه"

[@Asdf2195]

رهيبه جداً واللحسن انها بدون موسيقى بططططططططل

[@ghanim9973]

شيلة فخمة وأداء رووووعة، وموثرات صوتية جميلة

[@adelal6001]

اجتمع الابداع من الشاعر وصالح 👌🏻😇🇸🇦

[@احمدالعدواني-ز5ع]

تعبوني لاكن الله فوق 👆

[@z_alsmhan]

صالح آل مانعة ، صوت وخامة فريدة نادرة ومسارصوتي مستقل ، متميز عن كل المنشدين ، راااااااائع.👋👏👏👏

[@alsaqralasadi]

مابه من أحداث الليالي محاتاه و أقدار ربي ما عليها اعرتراضي كبير يا بن مانعه تحياتي لك من العراق 🇮🇶

[@ياسرالطلق]

أفضل شيله بدون موسيقى وطقطقه وازعاج والحين الشيلات ملينا منها كلها موسيقى مبدع صوت وكلمات 👍

[@مظلات_وسواتر__جلسات_هناجر]

وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا (35) الاحزاب لااله الا الله سبحان الله الحمدلله الله اكبر

[@فهدالفروي-ف2ه]

تحية لك يبن مانعه وللشعب القطري الشقيق من اليمن 🙌😍🌹

[@سالمالراشدي-ج2ث]

اخخخ يا صالح صوت فنان و كلمات فنانه 😢🫶🏻

[@iCp4]

ماشاءالله تبارك الرحمن هذا وبدون موسيقى 👌🏻💤 اخوكم من السعودية 🇸🇦

[@dhaferalahmari9687]

اشكرك من اعماق القلب اختيار موفق : كلمات القصيدة مليانة بالمفردات والصور والرموز واللحن كفو…. والمنشد ادائها بشكل رائع …. 😢😢😢

[@ao8868]

دائما مبدع ياصالح خصوصاً بدون إيقاع مزعج اللي اعجبه بدون ايقاعات يضع لايك

[@mhmaadmm6651]

يا ويل ويلي والصوت واللحن يارب تطول بعمره

[@القحطانيالقحطاني-ط5م]

اللي يحب صوت صالح يصف جنبي 😔✋

[@النرجسالياسمين]

بس بعد اذنك هو صالح سعودي والا امارتي

[@albra515]

@@النرجسالياسمين قطري

[@أبوعبدالعزيزالتميمي-و7ج]

قطري@@النرجسالياسمين

[@ديرتي-ت9غ]

@@النرجسالياسمين يامي الاصل نجران

[@10333qq]

@@ديرتي-ت9غ صالح مري

[@KkkkKkkk-pc2ub]

الله يسعد قلبك يابن مانعه لبى صوتك

[@amsa3084]

بيض الله وجهك ياصالح هذي الشيلة الصحيحه بدون موسيقى استمر وفالك التوفيق

[@مرادالعمري-ب1ظ]

اللهم لك الحمد كنت اسمعها من اىناس وانا منومه مع ولدياكثر من اسبوعين قبل سنتين وكانت تنرند ايام الشتاء ع ثلوج تبوك والشمال اللهم لك الحمد عدت بسلام ولدي طيب ولها مكانه بقلبي من ومشاعر مختلطه اعجز اوصفها

[@saraalarifi375]

ياعاذلين القلب يكفيه ماجاه 💔 ماشاء الله على الصوت والاحساس تحيه من 🇸🇦السعوديه 🇸🇦للشاعر والمنشد

[@محمدمحمد-د1ص8د]

ماشاء الله تبارك الله صح صوتك لاعدمناك وتبقى الرقم الاول بالشلات

[@ابوباسلالرشيد]

القلب عقب سهيل مثله وشرواه قد له من الاحداث ماهو براضي 💔💔💔 الله الله يابن مانعة هذا الي نبيه للشريحة الي ماتبي الدفوف 👍🏻👍🏻👍🏻 اهم شي

[@mahaalmutairi6052]

الله يسعدك ي آل مانعة ❤️❤️❤️

[@عليالذياب-ق6ي]

يا زين بيوت ربعي مبناه صح الله لسانك وصح الله صوتك

[@alixr9461]

منتهى الابداع ياصالح صح لسااانك.والنعم بك وبلابتك ياااام قاطبة✋🏻🇸🇦🇸🇦🇸🇦🇸🇦

[@لطام-س7ض]

يصصالح نذر يصوتتك انه يسرينا وقد حنا ننتظر ذا الاشععّار 🖤🖤.

[@abr_708]

مبدع مبدع وأفضل مافي شيلاتك انها بدون موسيقى

[@سبحاناللهالعظيم-ح7ع]

᷂اللَّهُــمَّ ᷂صَلِّ ᷂وَسَـــلِّمْ ᷂وَبَارِك ᷂على ᷂نَبِيِّنَـــا ᷂مُحمَّدﷺ

[@user-gm4bp4kt8m]

اذكروا الله واستغفروه فلابد ان تبقى هذه الصفحة من الماضي ونموت فقدم لصفحتك مايشفع لك

[@nisaudi3462]

صالح ال مانعه رقم 1 في الشيلات العذبه المنتقاه الجزله الي توصل للقلب غصب … ( ياليت تنزل شيله يشابه طاري الفرقا كامله تكككككككفى طلبتك ) 💗💗💗💗💗💗

[@alimussad1578]

تغيب يا ابن مانعه وتجيب شي يطيب خواطرنا بهالابداع زان ذا الصوت ذكرتني بخوي لي منكم يا ال مره كان يجر الصوت لي رحمه الله وصوتك يذكرني به جعل جنه الفردوس داره والله يجمعني به ياكريم

[@بندرالسعودي-غ2ت]

حيه وماجاب من طول الغيبات جاب الغنايم

[@سعيدالبحيري-ح4خ]

اشكرك من اعماق قلبي 🤙🏻🤙🏻🤙🏻

[@عليالعراقيمنذر]

جميله جدا صح لسان الشاعر وطيب انفاسك ياصالح

[@qgniral2502]

هاذي الشيلات الي متعودين عليها بدون إيقاع ولا موسيقى استمر صالح ال مانع 🌹❤️

[@حياةالباديه-ر3ه]

انت ياصالح مجمل ولاخيبت ظن والهقاوي فيك ياطيب المجنا كبار غن جعله مايغني لنا الا انت غن والله ان صوتك مميز وللقلب اختبار دام من مره ضحى قال يتلفت وون عزتي للي يمره لاجا تالي نهار #تجربه وكلامي ماهوب من فراغ👏🏻👏🏻👍

[@ليثالصحراء-ف6ح]

نعم صدق صح لسانك

[@almukhaibi]

يا صالح صوتك يصحي شايب مسن أي والله تفتح لنا صفحات مرت وتذكار جعل تبطي سنينك يابحت الصوت والفن صوتك قناد الرأس يكفي عن البن والنار

[@abu-mesferqahtani5163]

شاعر ومنشد متميز ماشاءالله يابن مانعه وصوت فيه تميّز عجيب ولك قبول عند خلق الله وعسى الله يوفقك ويعطيك على قد نيتك. عزالله انه هيضتنا عالفياض والربيع عسى الله يرزقنا الامطار والربيع تحياتي لك

[@نوره-ق6ث8ع]

جعله صوتٍ مايغبى يابن مانعة تبارك الرحمن سبحانه هذي شيلة شتاء ١٤٤٢ 🤍

[@CLL_888]

صرنا نحتري الوسم والحيا علشان نسمع صوتك يابن مانعه ماشاء الله تبارك الله جعله حس ماينقطع

[@hhdd1499]

ربيع هالسنة برعاية صالح آل مانعة

[@مصدرالهاجس-م4ص]

مبدع صوتك رمز لنجم سهيل مجرد اسمعه اشتاق للبر وضو القمر والنجوم والروض الخضرا لله درك صوت عنده امكانيات كبيرة تكفى لاتحرمنا من جديدك وكثر من أعمالك يانجم سهيل 🌟🌥🌥

[@MohebaMohammed]

الكون في كف وصالح في كف ..لا خلا ولا عدم يا بوسالم ...صوتك رائع هلبة

[@أبومستور-ث4ث]

صح الله لسانك مبدع روعه🇸🇦🇸🇦 تحياتي

[@faisalharbi3336]

هذي الشيلات الزينه صوت ولحن وجر الصوت يطرب بدون موسيقى لان الشيلات الجديده اغاني الزمن هذا !! سلمت حنجرتك ياال مانعه وقايل القصيدة 🤙🏻 وعسى ربي يعين ع فرقى الديار والاهل هلكتنا العسكرية واخذت منا عمرنا وسعادتنا 😌 معليش شطحت 😇دعواتكم

[@almukhaibi]

بيض الله وجهك ال مانعه دووووومك متألق ومبدع تحياتي لك من السلطنة

[@hilalksa9814]

شيلات ال مانعه افضل مافيها انها بدون موسيقى وهاديه وننتظرها مع الامطار روعه

[@مقاطعالسعودية-ج6ص]

عزالله ان صالح يجيبها في الصميم...الله يعييد العلاقات مثل اول ونزور قطر واهلها الطيبين ...واللي معي يعطي لايك 👍🏻

[@ahmadalrefae8035]

الله،يعطيك،الصحه،والعافيه،اطنختنا،يامطنوخ

[@musfermaarofi1257]

ما شاء الله تبارك الله صالح دائما مميز في اداءه

[@waled-waled]

«اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ».اللهم صل على سيدنا محمد النبي الحبيب المحبوب العالي القدر العظيم الجاه وعلى اله وصحبه وسلم

[@sewfdde869]

من عقب المقناص تنزل روائع صالح نطرب ونستذكر اطيب الايام الفايته

[@inazeh7126]

الله عليك ي صالح دايم تبدعع💙💙

[@wavefrequency5661]

شيله محترمه وكلمات ذربه وصوت فخم ماشاءالله

[@adnanalgamdi4386]

الشاعر الكبير والمنشد القطري صالح آل مانعه الغفراني المري. كم انت مبدع

[@An2lq]

يسلامممممممممم 💔💤

[@hasanhmmd4424]

بريييحالي 💔💤💤 .

[@عليالقحطاني-خ5ل6د]

ابو سالم يبدع في كل وسم بصوته والحانه اللي ما عليها كلام👍🏻👍🏻

[@als63]

شيلة الشتاء 🌧❤️❤️