Рет қаралды 116,912
بنت طيبه فجأه بتكتشف انها مش بشريه وعندها قوة خارقه وتصبح صائدة للشياطين وتنقذ العالم
بتبدأ احداث قصتنا مع مجموعة من الشباب عندهم قوي خارقة، اول واحد فيهم كان ماشي في الشارع عادي بس الغريب ان مكنش اي حد من البشر العاديين شايفينه حتي مش ظاهر علي الكاميرات. وكان بيراقب شخص تاني.
وفجأة لما الراجل ده بياخد باله انه متراقب، الشاب ده بيطير في الجو ويختفي قبل ما يشوفه.
وبنت تانية كانت علي سطح مبني متابعة نفس الراجل وبترسم علي ايدها حرف روني سحري بيخليها اقوي وتطير من مبني لمبني وتشوف الراجل ده اول ما بيخبط ف شاب معدي جنبه بياخد شكل الشاب ده وهيئته، وشوية وبيخبط في بنت تانية وبياخد شكلها بردو وبقي نسخة طبق الاصل منها.
وساعتها لما بيلاقوها داخلة نادي، بيدخلو هم الاربعة وراها.
بس فجأة واحد منهم اسمه (جيس) بيخبط في (كلاري) من غير قصد، واللي بيستغربله انها كانت شايفاه عادي جداا.
وبنرجع قبلها ب 7 ساعات عشان نعرف ايه اصل الحكاية.
(كلاري) بنت مجتهدة وموهوبة جدا في الرسم وكان حلم حياتها انها تدخل اكاديمية بروكلين للفنون، وراحت تعمل انترفيو وتقدم مجموعة من رسوماتها عشان تتقبل،
بس الرسومات واللوح اللى مانت معاها مش بتلفت نظر الدكاترة في شئ، زي ما الرسومات اللى كانت راسماها علي غلاف الاسكتش لفت نظرهم، كانت رسومات بتعملها لواحد من اصدقائها عشان ينشرها في الرواية بتاعته.
ومن حظها الحلو انهم بيعجبو جدا بالرسومات دي ويحسو اد ايه هي موهوبة ومبتكرة وبتتقبل في الاكاديمية.