بقلاوة تقليدية جزائرية على أوصولها🇩🇿بمقادير مضبوطة تخدميها في اي سنيوة تكون عندك👌بالكاس و الغرام❤️

#أم_عبد_النور #بقلاوة_جزائرية #حلويات_تقليدية_جزائرية
🟥بقلاوة تقليدية جزائرية لي سنيوة صغيرة 30/10سم
بالنسبة القاعدة البقلاوة تقول👇👇
تضربي طول السنيوة في عرضها النتيجة لي تتحصلي عليها هي وزن تع الفرينة و المكسرات و العسل ..و كمية السمن لي ديريه في العجينة هي ربع النتيجة لي تتحصلي عليها تع الطول في العرض
🟥مقادير العجينة 👇👇👇
4كيلات فرينة
كيلة الا ربع سمن ذايب و بارد
كيلة خليط بين ماء و ماء الزهر
رشة ملح و لافاني +مغرف صغيرة خميرة الحلويات
🟥الحشو👇👇
3كيلات و نص كاوكاو محمص و مطحون
نص كيلة سكر عادي
رشة ملح و رشة قرفة
20مغرف ماء الزهر
عسل على حسب وزن الكاوكاو لي درتيه
🟥بالغرام 👇👇
للعجينة 👇👇
300غ فرينة
رشة ملح لافاني+مغرف صغيرة خميرة الحلويات
75غ سمن ذايب و بارد
حوالي 85غ ماء و ماء الزهر حتى تتلم العجينة
🟥الحشو 👇👇
400غ كاوكاو محمص و مطحون
100غ سكر عادي
رشة ملح رشة قرفة
ماء زهر رشات برك حوالي 20مغرف
450عسل باش تعسلي البقلاوة

[@sasimyounase9519]

راني جربتها و خرجت رووووعة يعطيك الصحة غدوة ان شاء الله نحطها في القروب ماقدرتش نتواصل معاك في استغرام كملي مزيتك و زيدلنا البسبوسة القطايف عجبني الحال و كرنطيطا وعلاه لالا هههههه😂 ياك انتي حمان كتافنا ربي يخليك لينا احبك في الله ❤

[@matbakhoumabdenour]

🤭🤭عجبك الحال سنيوة صغير و قلب ههههههه بصحتك حبيبتي ❤️❤️

[@addasarah9458]

​@@matbakhoumabdenourاختي أم عبد النور تبثيلي تعليقي ربي يشافيلي ميمتي ويعافيها في هد العواشير يقولو دعوة الخير مستجابة

[@baoumadjid644]

يا ام عبد النور هذا السنيوة السقينوحة ناكلها وحدي وصحاب الخيمة شا ياكلو كبري السنيوة وقولي ما كبرتش طريقة سهلة انشاء الله نجربها

[@sidrahaji1342]

​@@matbakhoumabdenour و300 غ فرينة اقسميها على 4 تعطيك 75غ سمن كيما طاحتلك كي وزنتي السمن يعني طريفة سهلة خير متكيل

[@monirlaraba3942]

امين ربي يفرج عليك اختي وعليا ربي يرزقهم الرزق الحلا الطيب والعمل عاجل غير اجل انك قريب مجيب

[@meriemmimi8775]

راني شريت الصينية كثرينا وصفاات هكا في هدا المول الي معايا ديري جام الحبيبة❤😊

[@chayamchayam1150]

دعي معيا ربي يفرجها علي زوجي بالعمال رني مغبونا ومقنوطه بزاف وعندي ولدات غير ربي راه شهد عليا جميع لي قرات تعليقي تدعي معيا ربي 😥 😥 😥

[@matbakhoumabdenour]

ربي يفرج همكم و يفك كربكم يا رب

[@SoumeyaMahdi-e2b]

الله يسر امرك ويفرج همك ويرزقك عاجلا يارب

[@راجيةرضاالله-ه8ظ]

ربي يفرج همك و يوفيلك ما راكي متمنيا والفرج قريب باذن الله تعالى فقط اليقين

[@chfarchfar4974]

ربي يفرج عليك و علينا

[@cook_with_22]

ربي يفرج همك عاجلا يارب العالمين ❤

[@JanatAlkhold-fu9ny]

انا في ضيق كبير لا يعلمه إلا الله لدرجة اني مشتاق ان كل امة محمد تدعيلي بالفرج و لكم بالمثل إن شاء الله

[@محمد-ص5ص3ض]

اختي اكثري الاستغفار يوميا وصلاة الابراهيمية يوم لجمعة خاصة والله فيها خير كبييييير ربي يفرج عليك ويفرحك وش هو دري يقين فربي بلي غدي يفرج عليك ربي يقلك انا عند حسن ضن عبدي بي

[@TaharIyad-bv8in]

الله يفرج عليك من بابه الواسع ولا تقنطو من رحمة الله والمؤمنون هم المصابون والصبر مفتاح الفرج وحتى حال مايبقى علا حالو صلي ودعي ربي

[@siline9528]

يااختي اكثري من الاستغفار وان شاءالله في هذه الايام المباركة وبجاه النبي محمد صلى الله عليه وسلم ان يفرج همك وييسر لك أمرك يا ذا الجلال والإكرام

[@abdiamine1093]

الله يفرج عليك اختي

[@DjaafarBoulbit]

ربي يفرج همك و يهينك يا رب

[@faridacerifa4930]

ادعو معايا خواتاتي ربي يرزقني بالذرية الصالحة عندي 45 و ما قطعتش لياس حوجيانا ڨلبي كي راه محروڨ على بنية ولى ولد ان شاء الله لي تدعيلي عمرها ما تنغبن يا ربي

[@janatirayati9312]

سلام اختي ربي يرزقك ألذرية الصالحة ان شاء الله ربي قادر على كلشي ويرزق من يشاء اختي انا عندي خمسين سنة وسبع سنين زواج قدر الله ماشاء فعل

[@SirineSirine-yz7jx]

ربي يرزقك و يعمر حجرك و حجر اختي .هي ثاني في عمرها 43و مزال قالت عندي امل لرب العالمين. يارب ادعولها

[@sadiyawahraniya2938]

رودي بالك تقنطي من رحمة الله وربي يصر ڨلبك 🤲

[@Kanoun-w9n]

ربي يرزقك الذريه الصالحه عاجلا غير اجلا يارب العالمين

[@mohamedbouchikhi-lo8mf]

الله يرزقك اختي ويرزقني انا ثاني عندي 39 عام ربي يرزقنا عاجلا غير آجلا.والحمد لله على كل حال.وصلى اللهم وسلم وبارك على نبينا محمد وعلى آله وصحبه أجمعين.

[@ZinaZina-i1u]

يا ام عبد النور بغيت تقولي للجيش تاعك يدعيلي ربي يرزقني بولد وربي يرزق كل وحدة دعاتلي بفرحة لي تتمناها 🤲🤲

[@matbakhoumabdenour]

الله يطلق حزامك و يفرحك بوليد حبيبة

[@mohamedalaminehachemaoui857]

الله يرزقك ويفرحك ❤انشاء الله

[@MouhamedAlamine-us1nt]

ياربي ارزقها بولد صالح عاجلا يا رب العالميين ❤

[@horizonghislain5032]

الله يرزقك الذرية الصالحة و باركلك فيهم

[@flower-s8z]

أسأل الله العظيم رب العرش العظيم أن يرزقك الذرية الصالحة عاجلا غير آجل يارب العالمين.

[@RayenBaset]

يعطيك صحة طلبت منك شحال من خطر ديرنا الزيتون كاسي حار قبل رمضان ربي يحفظك ديرولي جام لبنات باه تشوف تعليق

[@أنهارالجنة-ش8ل]

اللهم صل على نبينا محمد عليه افضل الصلاة وسلام ♥️♥️

[@يوسف-و7ض5ق]

اللهم آتنا في الدنيا حسنة و في الآخرة حسنة و قنا عذاب النار

[@chanwichanwi1838]

على جال هاد البقلاوة وقلب اللوز نشري السنوة ونجربهم يعطيك الصحة برافو عليك

[@harratihayet9314]

الله يفرحك كيما فرحتينا❤ زيدي جربي لينا في هذ السني الصغير مقروط الكوشة من فضلك

[@nourqamar1719]

هذا السنيوة برعاية جربي وماتخافيش 😂والله غير يصلح لكلش قلب لوز بقلاوة مقروط غراتان

[@harratihayet9314]

@@nourqamar1719 ايه ولله و تان مليح قدي و قد المسقم كيما تقول أم عبد النور😅😂😂

[@horizonghislain5032]

عليه افضل الصلاة والسلام على رسول الله صلى الله عليه و سلم

[@nafahateimaniaa]

عليه افضل الصلاة والسلام 💖

[@نورالقلوب-ز2ه]

أم عبد النور ما كانش اختها الصراحة المجهود اللي راكي ديري فيه على جالنا ما دارته حتى وحدة في اليوتيوب الله لا يضيعلك جهد والله يجازيك على حساب نيتك 🥰🥰🥰🥰🥰🥰🥰🥰🥰🥰🥰

[@nasiramhamedi6880]

ولله ياام عبد النور غي عيتنا بالوصفات الزينة والرائعة انا لوكان صبت كلشي الي الديريه نعاوده كلشي زين عيت مانجري معاك غلبتيني الله يزيدك نور على نور ويخليلك عبد النور اكي تصنتي قولي امين

[@radjaazoui4230]

اول مرة نفهم بلي فهمت غاية هههههه قعدت نقولك صايي والله لفهمت ربي يفرحك حبيبتي❤

[@nabilebilo7446]

راني جربتها وخرجتلي روعة روعة روحي راكي رايحة في دنيا نشالله و ربي يفرحك ياأم عبد النور

[@أمخديجة-ذ4ص]

ربي يحفظك جات في وقتها نحوس عليها بذات مقدير شوية شريت وحدة كيفها زيدي ديرينا بسبوسة فيها توحمت علا بقلاوة وبسبوسة نديرهااا ان شاء الله ❤❤❤

[@adamdjalil4908]

يعطيك الصحة فهمتينا مليح زدينا فيها البسبوسة راني شريت وحدة نديرها سبيسيال لوصفات أم عبد النور.❤❤❤❤❤❤❤❤

[@mclamalama6726]

ياام عبد النور الله يمحي ذنوبك ان شاء الله لبارح خرجت وشريت هذ المول غير علجالك باه نسيي قلب اللوز وبقلاوة ربي يحفظك من كل شر يارب 🌸🌹

[@lahcenlahcen3141]

اشعال اشريتي المول

[@betop4375]

شجال شريتيه

[@omariomari7148]

​@@cook_with_22شحال مول

[@mclamalama6726]

@@betop4375 20الف

[@mclamalama6726]

20الف

[@معالنرتقي-د9ط]

جامي كانت تصلحلي بفلاوة وتخسرلي شريت هذا بلاطو درت كيما تقولي وصلختلي وخرجة تهبل تهبل يعيطك الف الف صحة حبيبتي الله يحفظك ويزيدك ويعطيك واش راكي متمنيا

[@romilameziani2288]

مدة الطهي من فضلك

[@معالنرتقي-د9ط]

@@romilameziani2288 تقريبا 2سولايع ونص ولا على حساب كوشة اذا تطيب ولا تطول

[@شيماءأسومة]

جربتها اليوم 3أيام رمضان 2024🌙 خرجتلي تحححححححفة جربوها ماراحش تندمو👌

[@mimiya5988]

طابتلك من تحت ختي

[@شيماءأسومة]

​@@mimiya5988إيه طابت doré الله الله بصح ديريها على نار قليلة لمدة من 45دقيقة حتى 55د وانتي والفور ديالك🤗

[@LabgaaSara]

خيتي قوليلي انا بلا تاعي كي شفت طول جاتني 35 وعرض 10 اسكو كيفكيف ولالا

[@شيماءأسومة]

@@LabgaaSara مايهمش أختي تكفيك العجينة والحشو

[@LabgaaSara]

خفت عاود زدت شوي الحساب كي قالت احسبو قوليلي الفور طيبتيها في تاع تريسيتي ولا فور نورمال

[@SIRINSORA-rd1nh]

لا تقنطي من رحمة الله اختي ربي يفرج عليك عاجلا لا اجلا هو الرزاق ذو القوة المتين امييين يارب

[@hananehanane2620]

مسكينة تفهمنا من قلبها يعطيك الصحة

[@lydiabrahmi7710]

الله يرضى عليك وصفة خفيفة و ساهلة جات تهبل كنت خايفا و جامي درتها و كسييتها ماشاء الله

[@aichaaicha5151]

جربتها وخرجت تحفة اول مرة تصدقلي البقلاوة يعطيك الف صحة حققتيلي حلمي 😅 ربي يبارك فيك ويرزقك من ابوابو يارب 🤲❤️

[@RamziRayan-ts7ez]

يطك الصحة ياختي كون تزدي ديريدا البقلاوة التركية بعجينة الفيلو وربي يجعلها في ميزان حسناتك نشاء الله

[@nafahateimaniaa]

❤اللهم اهل علينا شهر شعبان باليمني والايمان والسلامة والاسلام ❤اللهم افتح لنا أبواب رحمتك أمين يارب العالمين 🤲

[@Daniabenhamou1701]

والله ياأمونة المزيونة 😂😂😂😂😂

[@otmanisarra2777]

انا ماعنديش هادالبلا بصح شجعتيني نشريه خيتي غي قدي و قد روحي غاااية

[@ferdoushanani8493]

ماشي غالي الأخت أنا شريته غير ب 15 ألف برك.

[@يوسفجبور-ض6ح]

سلام لمول عجبنا بزاف نشروه نشالله لازم في هذا الشهر ندعوا لبعضنا بزاف انت تاني زوجي ميخدمش وعندي خمسة أطفال وراني نبيع لمطاوع بأه نعيشها وحسني حاجة ولا مشروع نخدم به في رمضان ارجوا تعاونيني بالأفكار صدقة جارية ولازم الوحدة تحوس علي حل والله يعطونا الدعاء ثم الدعاء في هذا الشهر المبارك❤

[@ElwardaEldjouriah]

يا ختي راكي كل يوم مفرحتنا بوصفات جديدة ومختلفة وتشهي يعطيك الخير والخمير❤❤❤

[@DiamantNoir-fz1kh]

جربت قلب لوز والله حسبو فيها اللوز . انا مادرتش فيها خلاص . يعطيك الصحة و بارك الله فيك و ربي يجعلها في ميزان حسناتك . والله نحبك و نحب هدرتك ربي يحفظك ❤️❤️,😘😘😘😘😘😘

[@RachidMkddm-em7yh]

درتها بارح جات روووووووعة يعطيك الصحة ختيتو

[@bibatlemcen]

اليوم نجربها ان شاء الله خدمت العجينة وخليتها ترتاح للأمانة جربتها وخرجت هايلة

[@Kondiachoco]

شحال جاتك بالعكس الفرينة تعيشي

[@bibatlemcen]

@@Kondiachoco انا سنيوتي فيها 35/10 درت 350غ فرينة

[@يزن-ل6ي6ت]

ختي كن تفتحي با المشينا واش رقم تفتحها جاوبني

[@sar4090]

اللهم صلي وسلم على نبينامحمد بارك الله فيك ياام عبد النور

[@DJAWADBOUGUERRA-rm8bx]

والله يعطيك الصحة حبيبة ...عطيتينا اهم حاجة اللي هي القاعدة وكل وحدة وتعرف صني تاعها انا كنت طالبة منك تاع 30 علا25 في ميزان حسناتك ربي يخليلك ولدك .و ربي يحفضك

[@souhilaamanallah5364]

وياحبي ويا قلبي ❤وياعمري ام عبد النور❤تقول دخلتي قلبي.. اصلا المول هذا شريتو على جال بقلاوة بكمية قليييلة ومالقيتش المقادير الي تناسبو ربي يحلي ايامك 💋ياعمري

[@HocinekamelKamel]

يأم عبد ألنور واش نقلك الله يحفظك ويسترك في الدنيا والاخرة.كل منجرب وصفاتك يخرجوروووووعة والله ربي يبارك في صحتك

[@misssamo1825]

🧡💛💚زيديلنا بيها لقطايف ، لي معايا جام 🥰🥰🥰

[@oumsoheiboumsoheib5517]

ياحسراه شحال عندي ماسمعتش سقينوحة شكرا على هده الكيفية حتى انا خاصني ندير وحدة صغيرة لرمضان

[@kokikoki868]

😂😂😂 اول مره يقولوا لنا هكا واول مره نعرف عليك شكرا جزيلا معلومات جيده مين حاجه الوحيده اللي كنت نخافها هي البقلاوه وكمخافاش

[@kokikoki868]

سلام ام عبد النور باغي نضمندي من عندك دوموندي حاجه حابه ديرينا الصامصه قريوشات باغيه بلا خفيف وقت بزاف في رمضان والشربه تاعكم ماشي ما عجبتنيش غريبه خايفه لا نديرها نديروا حنا الخضره كل حاجه ابار الفرينه ان شاء الله يا ربي تجيو بلال الفيديو شكرا جزيلا بارك الله فيك

[@rozaroza6564]

غادي نشريها انشاء الله كنت بغيتها ونديرها خاصة لوصفات ام عبد النور الحلو والمالح جزاك كل خير على الوصفات الرائعة والشرح البسيط شكرا❤❤❤

[@mohamedairds6730]

والله ثم والله الفيديوهات انتاعك ندخلهم نتباع الوصفة وخاصة نستمتع بالهدره الحلوه انتاعك والله ضحكتيني و البقلاوه راهي تشهي يعطيك الصحة والعافية يارب العالمين ❤️❤️❤️👍👍👍👍👍👍😂😂😂

[@merzakbouchelaghem9231]

ربي يفرحك ويسترك ويخليلك صحتك وليدك وميمتك روعة روعة عمري مادرت بقلاوة جربتها فرحت وليداتي وفرحت بابا درتلو وحدة صغيرة فرح بيها ربي يهنيك

[@sennoussasennoussa8574]

اللهم صلي وسلم على نبينا محمد عليه افضل صلات و سلام

[@šìľŷã-b4p]

يعطيك الصحة حتى انا كنت راح نقلك ديريلنا البقلاوة باه نشوف شعال تقطع ملحبة شكرا لك على كل مجهوداتك

[@medayoubhatem6855]

اللهم صل على محمد وعلى اله و صحبه اجمعين و بارك الله فيكي اختي

[@faresfares-ie6lj]

روحي راكي رابحة دنيا واخرة ان شاء الله تمدي الوصفات من قلبك ربي يعلي شانك ويعطيك ماراكي متمنيا وتزيد تطلع قناة 2مليون ابوني في هذا رمضان ان شاء الله

[@iyadhocine1575]

هدي وصفة نحطها في عيني ونخبيها للعيد ان شاء الله

[@aichabch2884]

ياويلي شهيتيني للشطوط نتاع البقلاوة راني سخفانة عليهم ومقدرتش نخدمها😋😋

[@anwaramir9131]

صحيتي بزاف أنا نحب المقدار الصغير الله يبارك وتحيا الماكلة والله ينصر اخوانا الفلسطينيين 😋💥💯👍♥️♥️♥️♥️

[@noeliabeauty6120]

راني عملتها لبارح ماشاءالله تهبل ، للعيد نعاودها إن شاء الله 🎉

[@MinaMina-rr4dc]

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين صلاة تدخلنا الجنة

[@ayechemeunuisier9520]

يعطيك الصحة درتيها و فهمتي بالتفصيل مليح مليح. جاتك روعة، هذي نديروها بلا عجز و ماتكلفش

[@Oumeljawahir]

اللهم صلي وسلم على سيدنا محمد صلى الله عليه و سلم تسليماا كثيرا

[@ZakiZaki-qd9bs]

انا مزال مجربتش لكن يعطيك الصحة طريقة العمل تاعك مزيانة وتقنع 💖

[@mariaahmed900]

ادعيلي يا ام عبد النور وكل من راى تعليقي يدعيلي في هذي العواشير رب يرزقني ذرية صالحة قلبي راه محروق

[@oumranihouria2794]

رزقك ان شاء الله

[@younesboucetta7419]

يعطيك الصحة كي نخرج نشري المول نشاله نلقاه نجربها نشاله باه نهيها الوليدي كي يربح الباك نشاله قولو امين

[@sysipheetsilice455]

ربي انجحلك وليدك وتفرحي بيه ونجح ولادي ونفرح بيهم وعوضلي همومي فرح وبهجة يا رب

[@fatoumafatouma764]

موجود ويدير 200 دج

[@user-wh3kv8ge2t]

مقروووط الكوووشة بالغرس ام عبدالنوووور🥰🤩🤩🤩🤩🤩🤩

[@أدعيةقصيرةومستجابة]

صليو على النبى عليه الصلاة و السلام

[@Muslim.family.channel]

🌹🌹اللهم أجبر خاطرنا جبراً أنت وليّه فإنه لايعجزك شيئاً في الأرض ولا في السماء،ربي اشرح صدورنا وأرح قلوبنا وأزح من قلوبنا كل خوف يسكننا وكل ضعف يكسرنا وكل أمر يبكينا،ولا تبتلينا في أنفسنا ولا في أهلنا ولا تعسر أمورنا وافتح لنا أبواب الخير و السعادة والرزق.

[@ikrammanola8374]

ضرك يمات لي يروح يشريها قولو اعطيني سنيوة ام عبد النور يعطيك الصحة غدوا نسيها ❤❤❤

[@merhamsain]

كيما كاس أم وليد

[@nesmansma1849]

مفهووووووووووومة معلمة ممتازة يعطيك الصحة والعافية ويبارك لك في عبد النور انا استاذة او فهمتيني ماشاء الله ❤❤❤🎉

[@djamiladjamila5845]

شكراااااا حبيبة انا عمري ماجربته باقلاوة الوحيدة للي نخاف منها منعرف علاه بصح كي شفت هاد السنيوة تحمست نشالله نجربها ونرد عليك كي نخرج نشري سنيوة

[@ninabelhadj2816]

الله يبارك بقلاوة هايلة ساهلة الشبوب والهبوب يعطيك الصحة ام عبد النور والعالمية ❤

[@القرآننورللقلوب-ث1ش]

عليه افضل الصلاة والسلام ❤

[@SICOUMOUTI4698]

يا اختي ام عبد النور ديرلنا بقلاوة تركية تكون ساهلة 🥰♥️😍من فضلك

[@mimiraven9518]

الله يعطيك الصحة اختي...كون غير تزيدي تديريلنا مقروض الكوشة فهاذ السنيوة قبل رمضان ولا قبل العيد ان شاء الله...الله يعطيك ماراكي متمنية يااا اختي وربي يحفظك رانا نقارعو للمقروض اختي 😅😅

[@hadilamara5120]

ربي يحفضك و يخليك ويشدلك في سعدك وليداتك ويخليلك صحتك ويعلي مقامك حبيبتي الله يخليك لينا

[@harratihayet9314]

من فضلك ديريلنا فيه مقروط الكوشة و لا قطايف رب يحفضك و مزيدا من الإبداع انشاءالله❤

[@BasmalaBasmala-cp5kq]

يعطيك صحة و لخير حبيبتي راني نسنى غي ندير داري وحدي باش نجرب قاع صوالحك ❤دعولي🥺

[@belaribiomarbelaribi6144]

ربي يتفرج عليك و علينا🤲

[@KaREBSaida]

يا ام عبد النور يعطيك الصحة انا درت البقلاوة والصح تناحاتلي الطبقة الفوقانية وما عرفتش السبب هذا وين شفت الفيديو نتاعك يعطيك الصحة

[@OsamaOasama]

امنيتي راجلي يشري لوطو دعولي ليتفوت تدعيلي معاها

[@BibaBib-hy6lt]

درتها اليوم جاتني هايلة

[@MiraMalek-y2n]

الله يبارك ماشاء الله أنا راني كل يوم نسجل وصفاتك تحضيرا لشهر رمضان والعيد انشاء الله ياربي تعلمت معاك بزاف صوالح نتفرج عليك ههه في البيرو نتاعي ههه

[@BestZouzou]

اتقي الله في الخدمة اخدمي خدمتك باش تاكلي دراهمك حلاليين و كي تروحي للدار اتفرجي حتى تشبعي

[@MiraMalek-y2n]

@@BestZouzou لا حول ولا قوة إلا بالله العلي العظيم لاهين بزاف بناس وعايشين حياة الناس عمرو الفراغ نتاعكم بتسببح بصلاة صيام علاه تظلو تقراو في تعليقات وتجوبو فينا أصلا التعليق مهوش ليكم لصاحبة الفيديو مستوى منحط

[@MMarwa-mb1qk]

بارك الله فيك جامي طيبت بقلاوا وكيديت لوصفا تاعك جاتني ماشاء الله ربي يعطيك صحتك طاطا ام عبد نور

[@user-maatilimssania3l]

سلام راني درتها هاذ وصفت البقلاوة نتاع هاذ صينية هاذي 4اشهر ونزلت تصويرة نتاع البقلاة فالمنتدى عندي ولاكن لضروف المرض منزلتش الفيديو حطيت غير تصاور فالمنتدى ادعولي اخواتي في هاذ الشهر الفضيل بالشفاء العاجل باذن الله ليا ولكل مريض امين يارب العالمين

[@Selloumarslan]

يعطيك الصحة ام عبد النور لعسل يخدم ف لعسل 😊فوووور جاتني رووووعة

[@psidpsod5261]

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين

[@nafahateimaniaa]

عليه افضل الصلاة والسلام 💖

[@benarroumkh7163]

شكرا جزيلا على هذ ه المعلومات في ميزان حسناتك قولي لي اشتى نقدر ندير بالبقايا تاع العجينة حاجات اخرى

[@nawalnawal4318]

احوجينا على البنون وهذوك سنيوات الله يحفظك

[@AbsDjalilChettouh]

الف شكر جربتها وجات تهبل ربي يحفظك وجزاكي الله خيرا

[@عبدواحديبي]

شكرا جزيلا لك على هذا الوصفات ❤

[@أنسبنالشيخ]

يعطيك الصحة أم عبد النور جربتها بصح ماكتبتش ليا كي طيبتها تقلبت عليا و كوشة جرحتني لصبعي 😢😢😭😭 شحال قعدت في خاطري

[@khedidjaamrouche8280]

الله الله عليك يا الفحلة ،البارح سييت البروانيز ،جا يشهي ،شكرا على الوصفات الصادقة❤

[@InterestedSeeing]

حبيبتي يا ريت ديرينا وصفة جبن البيدون الطري جاينا رمضان نسحقوه بزااف فالمملحات يا ريت اقتصادي حبيبتي غير بحليب 2.5 لي حابة الوصفة دير ام باش تشوف تعليقي ❤

[@اممحمدامين-خ4ر]

فكرتينا بالعيد ربي يلحڨنا ليها إن شاء الله ❤

[@fatimoulessehoul1396]

درتها جاتني روعة

[@AbdElrahim-m3i]

صلى الله عليه وسلم

[@maira3944]

300غ او 4 كيلات فرينة ،رشة ملح فانيلا م ص خميرة كيلة الا ربع سمن ، كيلة ماء و مزهر الحشوة : 3.5 كيلات كاوكاو نصف كيلة سكر رشة ملح قرفة الطريقة : تعجنيها ثم تقسميها على 12 و تخليها ترتاح نذوب ملعقتين سمن ، تحلي العجينة بالمايزينه ندهن السنيوة بالسمن نحط العجينه الاول و ندهن بين الطبقات حتى نكمل ستة نضيف للحشو ماء زهر حوالي 15 م كو خلط بالاصابع فقط

[@دبدوبةدبدوبة-ط4ع]

ختي مفهمتش ندير 4كيلات فرينة با لبول تع شربة ؟؟

[@maira3944]

@@دبدوبةدبدوبة-ط4ع ماشي لازم الكيلة انتي اللي تحديها بصح هنا راها 3 كيلات= 300 غرام معنتها بالفنجان تاع الحليب ، (علبة المرغرين فيها 250 غرام عمرها للفم تولي 300 غرام(

[@rayane.mameche]

ياختي شحال تدخلي في قلب، راني متمنية نتلاقا معاك يا حنونتي، خيتك من تيسمسيلت ❤🌸

[@abidabderrhmane]

الله يبارك اختي ام عبد النور اخوات كل ما يشوف هذا الميساج البنات دعوا معي في هذا شعبان راني بندير سكانير سرطان الثدي ان شاء الله ما يكون عندي والو ادعي معي البنات ربي يجازيكم🤲🤲🤲🥺🥺🥺

[@miralina2857]

ربي يطمن بالك و ينح حيرتك و ان شاء الله ما يكون عندك والو

[@نجمة-خ9ن]

انشالله ربي يسمعك خبر خييير اختي انشالله مايكون والو بربي

[@zozolabell4013]

الله يحفظك ويسترك مام أنا كنت نخاف نديرها بصح بهذي الطريقة ان شاء الله ربي نديرها

[@Myworld-z8b]

نصائح هامة 🚫🚫🚫 🔴جامي تفتحي شكارة تع لحليب بفمك وجامي ترفدي سنيوة القهوة من قدام الضياف يفهموها محاوزة....😲😲 🔴دايمن كي تلمي الطابلة تع الماكلة جوزي شيفونة فيها شوية ماء جافيل عليها باش تتنقا مليح وماتخليش الريحة والسبك وكيفكيف مع البوطاجي...😉😉 🔴توجور مور ماتغسلي الماعن جوزي مسحة للفريجيدار والكويزينيار والفايونس تع الكوزينة علاجال السبك ومايتلايمش الوسخ...🤗🤗 🔴دايمن خلي سربيتة سبيسيال للكوزينة باش كي تغسلي تمسحي يدك فيها باش ماتمسحيش فحوايجك...😚😚 🔴دايما كي تنقي الخضرة ديري سلة سبيسيال للقشور باش مايبقاش البوطاجي معفن..😊 🔴كي طيبي دايمن عصبي راسك باش مايطيحش شعرك فالماكلة عيب وكي تذوقي جامي ترجعي المغرف لي ذقتي بيها للطنيجرة وجامي تحطي المغرف لي تحركي بيها فوق البوطاجي ديراكت تتعفن دايمن حطي تحتها عفسة...😇😇 🔴كي تحطي لماكلة للضياف جامي تخلي الطبسي هكاك توجور امسحيه فالطراف باش يكون الطبسي نقي...😄😄 🔴كي تنشري ملابسك الخاصة جامي تنشريهم هكاك توجور ارمي فوقهم خيمار ولا كاش حاجة خفيفة علاجال عيب ولا عندك ساش لانج ديريهم فيه بلا ماتنشريهم قدام الناس ...😀 🔴الزربية تع الصالو كل يوم تتنحى صباح وتتنفض مالغبار والفتات سورتو لي عندهم دراري صغار....☺☺ 🔴كي تروحي لدار الناس ولا تخرجي دايمن البسي تقاشر جدد علاجال الناس يحطو البال والتقاشر يتلبسو خطرة ويتغسلو.. 🔴خلي صباطك دايمن نقي وتوجور مشي معاك لانجات مهما يكون رانا بنات ورمز النقى...😐😐😐 🔴بدلي فرشاة الأسنان ديالك كل 3 اشهر علاجال تلم الميكروب...😍😍 🔴كي تكنسي الدار توجور نقي البالي قبل ماتعلقيه...😎😎😎 🔴كي تبداي غسيل لماعن حطي الشيفونة داخل بسينة فيها لاجافيل و شوية ايزيس وما وخليها وكي تكملي ماعنك شليها تلقايها تريح الله الله ومافيهاش السبك وكي تكملي بيها دايمن انشريها ماتخليهاش مكرفسة باش ماتفوحش...🙂🙂 🔴وكنصيحة مجربة ديري فخزانتك بين حوايجك قوالب تاع الصابون سورتو فوسط الخيمارات كي جي تلبسيهم تلقاي ريحتهم تهبل بلا ماديري الريحة سورتو دوف❤ اذا عجبوك النصائح حبيبتي زوري القناة بالضغط على الصورة باش تستفادي أكثر وأكثر ❤️🥰

[@lukataka1655]

ام عبد النور يعطيك الصحة هايلة انتي ربي يحفظك 😍😍😍😍

[@youcefyou5392]

وانا يا ام عبد النور وينتا تخلعيني وديريلي سكندرانيات

[@madjidmhd9069]

ماشاء الله عليك يا أم عبد النور جات بقلاوة و عليها الكلام ياطيك الصحة

[@Omghilase]

الاخت ليدارتلي ابوني الله اخلي شملك مجموع او مقامك مرفوع او الله يرزقكةالصحة او العافية او راحت البال❤لبنات صلوا صلاتكم او دعيو فيها رانا فالعواشير لعلا الله يستجيب لكم❤❤❤😊😊😊

[@لاالهالاالله-ج4ر4ظ]

سبحان الله وبحمده سبحان الله العظيم

[@Ail-zf2pz]

😎😎😎😎😎😎😎

[@SamirSamir-qu9ok]

ركي مفرحتنا والله الا عندي هذا السني وكل حاجة تديريها الله يبارك ❤❤❤❤❤